விசாகப்பட்டினம்,

ஐ.பி.எல். தொடரில் விசாகப்படினத்தில் இன்று நடைபெற்று வரும் லீக் ஆட்டத்தில் டெல்லி கேப்பிடல்ஸ் - சன்ரைசர்ஸ் ஐதராபாத் அணிகள் விளையாடி வருகின்றன. இதில் டாஸ் வென்ற சன்ரைசர்ஸ் ஐதராபாத் அணியின் கேப்டன் கம்மின்ஸ் பேட்டிங் தேர்வு செய்தார்.

அதன்படி முதலில் பேட்டிங் செய்த ஐதராபாத் அணி 18.4 ஓவர்களில் 163 ரன்களில் ஆல் அவுட் ஆனது. அதிகபட்சமாக அனிகேத் வர்மா 74 ரன்கள் அடித்தார். டெல்லி தரப்பில் அபாரமாக பந்து வீசிய மிட்செல் ஸ்டார்க் 5 விக்கெட்டுகள் வீழ்த்தி அசத்தினார். இதனையடுத்து இலக்கை நோக்கி டெல்லி பேட்டிங் செய்து வருகிறது.

இந்த ஆட்டத்தில் ஐதராபாத் தரப்பில் 5-வது வரிசையில் களமிறங்கிய அனிகேத் வர்மா 74 ரன்கள் அடித்தார். இதன் மூலம் ஐ.பி.எல். வரலாற்றில் ஐதராபாத் அணிக்காக 5-வது வரிசையில் களமிறங்கி அதிக ரன்கள் அடித்த 2-வது வீரர் என்ற மாபெரும் சாதனையை படைத்துள்ளார். இந்த சாதனையில் ஹென்ரிச் கிளாசென் 80 ரன்களுடன் முதலிடத்தில் உள்ளார்.