கேப்டவுன்,

13-வது மகளிர் ஒருநாள் உலகக்கோப்பை கிரிக்கெட் போட்டி வருகிற 30-ந்தேதி முதல் நவம்பர் 2-ந்தேதி வரை இந்தியா மற்றும் இலங்கையில் நடக்கிறது. இந்தியாவில் மகளிர் உலகக்கோப்பை அரங்கேறுவது இது 4-வது முறையாகும்.

இதில் இந்தியா, நடப்பு சாம்பியன் ஆஸ்திரேலியா, பாகிஸ்தான், நியூசிலாந்து, இலங்கை, இங்கிலாந்து, தென் ஆப்பிரிக்கா, வங்காளதேசம் ஆகிய 8 அணிகள் பங்கேற்கின்றன. ஒவ்வொரு அணியும் மற்ற அணிகளுடன் தலா ஒரு முறை மோத வேண்டும். லீக் முடிவில் டாப்-4 இடங்களை பிடிக்கும் அணிகள் அரையிறுதிக்கு முன்னேறும்.

இந்நிலையில் இந்த தொடருக்கான தென் ஆப்பிரிக்க அணி அறிவிக்கப்பட்டுள்ளது. லாரா வால்வார்ட் தலைமையிலான அந்த அணியில் மாரிசேன் காப், தஸ்மின் பிரிட்ஸ் போன்ற நட்சத்திர வீராங்கனைகள் இடம்பெற்றுள்ளனர்.

தென் ஆப்பிரிக்க அணி விவரம் பின்வருமாறு:- லாரா வால்வார்ட் (கேப்டன்), மாரிசேன் காப், தஸ்மின் பிரிட்ஸ், அயபோங்கா காக்கா, க்ளோ ட்ரையோன், நாடின் டி க்ளெர்க், சினாலோ ஜாப்டா, நோன்குலுலெகோ ம்லாபா, அன்னேரி டெர்க்சன், அன்னேக் போஷ், மசபடா கிளாஸ்,சுனே லூஸ், கரபோ மெசோ, துமி செகுகுனே, நோண்டுமிசோ ஷங்கசே.

ரிசர்வ்: மியானே ஸ்மித்.

தென் ஆப்பிரிக்க அணி தனது முதல் ஆட்டத்தில் இங்கிலாந்துடன் மோதுகிறது.