ஐ.எஸ்.எல். கால்பந்து; மும்பை அணியை வீழ்த்தி கேரளா வெற்றி

கேரளா,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இறுதிக்கட்டத்தை நெருங்கியுள்ளது. இந்த தொடரில் இதுவரை நடந்துள்ள லீக் ஆட்டங்களின் முடிவில் மோகன் பகான், கோவா, பெங்களூரு, ஜாம்ஷெட்பூர், நார்த் ஈஸ்ட் யுனைடெட் அணிகள் பிளே ஆப் சுற்றுக்கு முன்னேறி உள்ளன.

இந்நிலையில், இந்த தொடரில் கேரளாவில் இன்று நடைபெற்ற லீக் ஆட்டத்தில் கேரளா பிளாஸ்டர்ஸ் எப்.சி. - மும்பை சிட்டி எப்.சி. அணிகள் மோதின .

பரபரப்பான இந்த ஆட்டத்தில் சிறப்பாக விளையாடிய கேரளா அணி 1-0 என்ற கோல் கணக்கில் வெற்றி பெற்றது. கேரளா அணியில் குவாமே பெப்ரா கோல் அடித்தார்.