மும்பை,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்நிலையில், இந்த தொடரில் இன்று நடைபெற்ற ஆட்டத்தில் மும்பை சிட்டி - பஞ்சாப் எப்.சி அணிகள் மோதின . இந்த ஆட்டம் மும்பையில் நடைபெற்றது.

பரபரப்பான இந்த ஆட்டத்தில் பஞ்சாப் சிறப்பாக விளையாடியது . இதனால் ஆட்ட நேர முடிவில் 3-0 என்ற கோல் கணக்கில் பஞ்சாப் அணி வெற்றி பெற்றது. பஞ்சாப் அணியில் எசக்கியல் விடல், லூக்கா மேஜிசேன், முஷாகா பாகெங்கா ஆகியோர் தலா ஒரு கோல் அடித்தனர் .