பீஜிங்,

செங்டு ஓபன் டென்னிஸ் தொடர் சீனாவில் நடைபெற்று வருகிறது. இந்த தொடரில் ஆண்கள் ஒற்றையர் பிரிவில் நேற்று நடைபெற்ற காலிறுதி ஆட்டம் ஒன்றில் அமெரிக்காவின் மார்கோஸ் ஜிரோன், சக நாட்டவரான பிராண்டன் நகாஷிமா உடன் மோதினார்.

இந்த மோதலின் முதல் செட்டை 6-3 என்ற புள்ளிக்கணக்கில் பிராண்டன் நகாஷிமாவும், ஆட்டத்தின் 2வது செட்டை 6-2 என்ற புள்ளிக்கணக்கில் மார்கோஸ் ஜிரோனும் கைப்பற்றினர்.

இதன் காரணமாக வெற்றியாளரை தீர்மானிக்கும் 3வது செட்டில் அனல் பறந்தது. இதில் அபாரமாக செயல்பட்ட பிராண்டன் நகாஷிமா 7-6 (7-3) என்ற புள்ளிக்கணக்கில் மார்கோஸ் ஜிரோனை வீழ்த்தி அரையிறுதிக்கு முன்னேறினார்.