பாரீஸ்,

'கிராண்ட்ஸ்லாம்' போட்டிகளில் ஒன்றான பிரெஞ்சு ஓபன் டென்னிஸ் தொடர் பிரான்ஸ் தலைநகர் பாரீசில் நடைபெற்று வருகிறது.

இதில் ஆண்கள் ஒற்றையர் பிரிவில் நேற்று நடைபெற்ற முதல் சுற்று ஆட்டம் ஒன்றில் முன்னணி வீரரான டாமி பால் (அமெரிக்கா), டென்மார்க்கின் எல்மர் மோல்லர் உடன் மோதினார்.

இந்த போட்டியில் முதல் செட்டை 7-6 (7-5) என்ற புள்ளிக்கணக்கில் எல்மர் மோல்லர் கைப்பற்றினார். இதையடுத்து அபாரமான ஆட்டத்தை வெளிப்படுத்திய டாமி பால் ஆட்டத்தின் அடுத்த மூன்று செட்களை 6-2, 6-3, 6-1 என்ற புள்ளிக்கணக்கில் கைப்பற்றினார்.

இறுதியில் 6-7 (5-7), 6-2, 6-3, 6-1 என்ற செட் கணக்கில் எல்மர் மோல்லரை வீழ்த்திய டாமி பால் 2வது சுற்றுக்கு முன்னேறினார்.