லண்டன்,

லண்டன், 'கிராண்ட்ஸ்லாம்' போட்டிகளில் ஒன்றான விம்பிள்டன் டென்னிஸ் தொடர் லண்டனில் நடந்து வருகிறது. இதில் மகளிர் ஒற்றையர் பிரிவில் நேற்று நடைபெற்ற ரவுண்ட் ஆப் 16 சுற்று ஆட்டம் ஒன்றில் முன்னணி வீராங்கனையான இகா ஸ்வியாடெக் (போலந்து), டென்மார்க்கின் கிளாரா டாசன் உடன் மோதினார்.

இந்த போட்டியில் ஆரம்பம் முதலே அபாரமான ஆட்டத்தை வெளிப்படுத்திய இகா ஸ்வியாடெக் 6-4, 6-1 என்ற நேர் செட் கணக்கில் கிளாரா டாசனை வீழ்த்தி காலிறுதிக்கு முன்னேறினார். நாளை நடைபெறும் காலிறுதி ஆட்டத்தில் இகா ஸ்வியாடெக், ரஷியாவின் லியுட்மிலா சாம்சோனோவா உடன் மோத உள்ளார்.