பிரபாசின் ஆதிபுருஷ் படத்திற்கு மீண்டும் சிக்கல்...! அதே தேதியில் வெளியாகும் பிரமாண்ட ஹாலிவுட் படம்

சென்னை

பிரபாஸ் நடிக்கும் ஆதிபுருஷ் படத்தின் மீதான எதிர்பார்ப்பு அதிகமாக உள்ளது.இந்த படத்தை பிரபல இயக்குனர் ஓம் ராவத் மிக பெரிய பட்ஜெட்டில் இயக்கியுள்ளார். இந்தப் படத்தின் டீஸர் வெளியானவுடன் எல்லாக் கணக்குகளும் மாறிவிட்டன. நிறைய விமர்சனங்களும் டிரோல்களும் வந்தன.கிராபிக்ஸ் காட்சிகள் குறித்து விமர்சனங்கள் வந்தன. மேலும் பல இந்து அமைஅப்புகள் இந்த படத்திற்கு தடைவிதிக்க கோரின.

இதை தொடர்ந்து படத்தின் ரிலீஸ் ஜூன் 16ஆம் தேதி க்கு தள்ளிவைத்து யுவி கிரியேஷன்ஸ் அறிவித்தது. அதற்குள் அனைத்து மாற்றங்களையும் செய்ய திட்டமிட்டுள்ளனர். 'ஆதிபுருஷ்' படக்குழுவினர் விஎப்எக்ஸ் மற்றும் சிஜி பணிகளுக்கு கூடுதலாக 100 கோடி ரூபாய் செலவு செய்து வருகின்றனர்.

இப்படத்தில் பிரபாஸ் ராமனாகவும், கிருத்தி சனோன் சீதையாகவும், சன்னி சிங் லட்சுமணனாகவும், ஹிந்தி ஹீரோ சைப் அலிகான் ராவணனாகவும் நடித்துள்ளனர். இந்த படத்தை டி சீரிஸ் நிறுவனம் தயாரிக்கிறது. சுமார் 500 கோடி ரூபாய் செலவில் இப்படம் தயாராகி வருகிறது.

பான் இந்தியன் ஹீரோவாக மாறிய பிரபாஸுக்கு பாகுபலிக்குப் பிறகு எந்த படமும் வெற்றிகரமாக அமையவில்லை. சஹோ மற்றும் ராதேஷ்யாம் பாக்ஸ் ஆபிஸில் சுமாரான வசூலையே கொடுத்தது. ஆனால் ரசிகர்களின் கவனத்தை ஈர்க்கமுடியவில்லை.

தற்போது பிரபாஸ் ஆதிபுருஷ் படத்தை மிகவும் நம்பி உள்ளார். ஆனால் இப்போது இன்னொரு பிரச்சனை ஏற்பட்டு உள்ளது.

ஹாலிவுட் படமான தி பிளாஷ் திரைப்படம் ஆதிபுருஷ் வெளியாகும் அதே தினத்தில் வெளியிடப்படுகிறது. ஜூன் 16 அன்று மார்வெல் சினிமாடிக் யுனிவர்ஸில் இருந்து வெளியிடப்படுகிறது. படம் முழுக்க கிராபிக்ஸ். ஒரே நாளில் வெளியாகும் இந்த இரண்டு படங்களுக்கிடையே போட்டி என்று சொல்ல முடியாவிட்டாலும், கண்டிப்பாக ஒப்பீடுகள் இருக்கும் என்று பார்வையாளர்கள் கணித்துள்ளனர்.

எதிர்பாராத திருப்பமாக பிரமாண்டமாக பிளாஷ் படம் ரிலீஸ் ஆவதால், அமெரிக்காவில் திரையரங்குகளில் சிக்கல் ஏற்படும். சர்வதேச சந்தை. ஏறக்குறைய அனைத்து பெரிய தியேட்டர்களும் பிளாஷ் படத்தை வெளியிட தயாராகி வருகின்றன. மேலும், இந்தியாவில் உள்ள மல்டிபிளக்ஸ் திரயரங்குகளிலும் இந்தபட்டம் வெளியாக உள்ளது. இதனால் ஆதிபுருஷ் பட வசூலுக்கு பாதிப்பு ஏற்படும் என கூறப்படுகிறது.

ஆனால் பிரபாஸின் ஆதிபுருஷின் தயாரிப்பாளர்கள் தி பிளாஷின் இந்தப் போட்டியைப் பற்றி சிறிதும் கவலைப்படவில்லை. இந்திய பாக்ஸ் ஆபிஸில் "அவதார் 2" முன்பு நிரூபிக்கப்பட்ட ரிசல்ட் தான் இதற்குக் காரணம். 2022 டிசம்பர் மத்தியில் வெளியான அவதாரின் வசூல் எவ்வளவு நன்றாக இருந்தாலும், தமக்கா, வால்டேர் வீரய்யா மற்றும் வீர சிம்ம ரெட்டி போன்ற வணிகரீதியான தெலுங்குப் படங்களின் பாக்ஸ் ஆபிஸ் வாய்ப்புகளைக் கெடுக்கவில்லை. ஹாலிவுட் படங்கள் எவ்வளவு நன்றாக இருந்தாலும் இந்தியாவில் உள்ள தெலுங்குத் திரைப்படங்களையோ ஹிந்திப் படங்களையோ பாதிக்காது என்பதை இது நிரூபிக்கிறது.

தி பிளாஷ் கூட அதே தேதியில் வெளியிடப்படுவதைப் பற்றி ஆதிபுருஷ் கவலைப்படாமல் இருப்பதற்கு இதுவே காரணமாக இருக்கலாம். ஆனால், பிரபாஸ் படத்தை அவர்கள் நன்றாக விளம்பரப்படுத்த வேண்டும், மற்றொரு ஒத்திவைப்புக்கு செல்லக்கூடாது. முன்னதாக படத்தின் விஷுவல் எபெக்ட்ஸ் தரம் குறித்து விமர்சனம் இருப்பதால், அந்த எதிர்பார்ப்பை மட்டும்தான் ஆதிபுருஷ் டீம் நிவர்த்தி செய்ய வேண்டும்.