சென்னை,

இயக்குனர் எஸ்.ஜெயகுமார் இயக்கத்தில் உருவான திரைப்படம் 'புளூ ஸ்டார்'. இந்த படத்தில் நடிகர்கள் அசோக் செல்வன் மற்றும் சாந்தனு முதன்மை கதாபாத்திரத்தில் நடித்திருந்தனர். மேலும், கீர்த்தி பாண்டியன், பிரித்விராஜன், பகவதி பெருமாள் உள்ளிட்ட பலர் முக்கிய கதாபாத்திரங்களில் நடித்திருந்தனர்.

லெமன் லீப் கிரியேஷன் பிரைவேட் லிமிடெட் மற்றும் நீலம் புரொடக்சன்ஸ் இணைந்து தயாரித்த இந்த படத்திற்கு கோவிந்த் வசந்தா இசையமைத்தார். கடந்த மாதம் 25-ம் தேதி திரையரங்குகளில் வெளியான இந்த படம் ரசிகர்களிடையே நல்ல வரவேற்பை பெற்றது.

இந்த நிலையில் இந்த படத்தின் ஓடிடி ரிலீஸ் தேதி அறிவிக்கப்பட்டுள்ளது. அதன்படி, 'புளூ ஸ்டார்' திரைப்படம் வருகிற 29-ந்தேதி டென்ட் கொட்டா ஓடிடி தளத்தில் வெளியாகும் என்று அறிவிக்கப்பட்டுள்ளது.