போலீசார் துன்புறுத்துவதாக கூறி செல்போன் கோபுரத்தில் ஏறி தற்கொலை மிரட்டல் விடுத்த தொழிலாளி

மறையூர்,

மறையூர் பத்தடிபாலத்தை சேர்ந்தவர் சஞ்சு (வயது 34). இவருக்கும், அவருடைய மனைவிக்கும் குடும்ப பிரச்சினை தொடர்பாக தகராறு இருந்ததாக கூறப்படுகிறது. சம்பவத்தன்று அவர்களுக்கிடைய தகராறு ஏற்பட்டது. தகராறு முற்றிய நிலையில் சஞ்சு, மனைவியை தாக்கினார்.

இதில் காயம் அடைந்த அவர், மறையூர் போலீசில் புகார் செய்தார். அதன்பேரில் போலீசார் வழக்குப்பதிவு செய்து சஞ்சுவை போலீஸ் நிலையத்துக்கு அழைத்து சென்று விசாரணை நடத்தினர். இதைத்தொடர்ந்து அவரை போலீசார் அனுப்பி வைத்தனர். இந்தநிலையில் சஞ்சு திடீரென அந்த பகுதியில் 100 அடி உயரமுள்ள செல்போன் கோபுரத்தில் ஏறி தற்கொலை செய்து கொள்ள போவதாக கூச்சல் போட்டார். இதனால் பொதுமக்கள் அங்கு திரண்டனர்.