குடும்ப தகராறில் தம்பி மீது தாக்குதல் அண்ணன் உள்பட 5 பேர் கைது

வேதாரண்யம்,

வேதாரண்யத்தை அடுத்த புஷ்பவனம் மீனவர் காலனி பகுதியை சேர்ந்தவர் முத்து. இவரது மகன்கள் காளியப்பன் (வயது39), கதிர்வேல் (48). இவர்கள் 2 பேருக்கும் குடும்ப பிரச்சினை காரணமாக முன்விரோதம் இருந்து வந்தது. சம்பவத்தன்று காளியப்பனை அவரது அண்ணன் கதிர்வேல் மற்றும் ஆறுமுகம், ராஜ்குமார், ராஜா ஆகியோர் சேர்ந்து சரமாரியாக தாக்கினர். இதில் காயமடைந்த காளியப்பன் வேதாரண்யம் அரசு மருத்துவமனையில் சிகிச்சை பெற்று வருகிறார்.

இதுகுறித்து காளியப்பன் கொடுத்த புகாரின் பேரில் வேதாரண்யம் போலீஸ் இன்ஸ்பெக்டர் நடராஜன், சப்-இன்ஸ்பெக்டர் ஜெயேந்திரசரஸ்வதி வழக்குப்பதிவு செய்து கதிர்வேல், அவரது தம்பிகள் ஆறுமுகம் (38), ராஜ்குமார் (34) ஆகிய 3 பேரையும் கைது செய்தனர்.

மேலும் காளியப்பன் தம்பி ராஜ்குமார் மனைவி மாரியம்மாள் கொடுத்த புகாரின் பேரில் அதே ஊரை சேர்ந்த விஜயகுமார், செல்வம், மகேந்திரன், தமிழ்செல்வம் ஆகியோர் மீது வழக்குப்பதிவு செய்து விஜயகுமார் (32), மகேந்திரன் (36) ஆகிய 2 பேரையும் கைது செய்தனர். இதில் தொடர்புடையவர்களை போலீசார் வலைவீசி தேடிவருகின்றனர்.