கார் மரத்தில் மோதி விபத்து 2 டாக்டர்கள் சாவு

அவுரங்காபாத்,

அவுரங்காபாத்– ஜல்னா சாலையில் சம்பவத்தன்று அதிகாலை கார் ஒன்று சென்றுகொண்டு இருந்தது. இந்த கார் ராம்நகர் பகுதியை நெருங்கியபோது திடீரென கட்டுப்பாட்டை இழந்து சாலையோரத்தில் இருந்த மரத்தில் மோதி விபத்துக்குள்ளானது.

இந்த கோர விபத்தில் காரில் இருந்த 2 பேர் சம்பவ இடத்திலேயே துடிதுடித்து இறந்து போனார்கள். ஒருவர் படுகாயத்துடன் உயிருக்காக போராடிக்கொண்டு இருந்தார். இதுகுறித்து தகவல் அறிந்த போலீசார் சம்பவ இடத்திற்கு விரைந்து சென்று படுகாயம் அடைந்தவரை மீட்டு மருத்துவமனைக்கு அனுப்பி வைத்தனர்.

மேலும் உயிரிழந்தவர்களின் உடல்களை மீட்டு பிரேத பரிசோதனைக்கு அனுப்பினர்.

பின்னர் போலீசார் நடத்திய விசாரணையில் உயிரிழந்தவர்கள் தனியார் மருத்துவமனை டாக்டர்களான கோவிந்த்குமார் சத்நாம்சிங்(வயது 25) மற்றும் லஷ்மிகாந்த் தாக்டியா(25) ஆகியோர் என்பது தெரியவந்தது. காயம் அடைந்தவர் பெயர் அரவிந்த் பவார் என்பது தெரியவந்துள்ளது. போலீசார் சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.