மாவட்ட செய்திகள்

கதாநாயகியாக நடிக்க வைப்பதாக கூறி துணை நடிகையை கடத்திச் சென்று 3 பேர் பாலியல் பலாத்காரம்: குன்றத்தூர் போலீசில் பரபரப்பு புகார் + "||" + Claiming to be a heroine The kidnapping of the actress was abuse by 3 people

கதாநாயகியாக நடிக்க வைப்பதாக கூறி துணை நடிகையை கடத்திச் சென்று 3 பேர் பாலியல் பலாத்காரம்: குன்றத்தூர் போலீசில் பரபரப்பு புகார்

கதாநாயகியாக நடிக்க வைப்பதாக கூறி துணை நடிகையை கடத்திச் சென்று 3 பேர் பாலியல் பலாத்காரம்: குன்றத்தூர் போலீசில் பரபரப்பு புகார்
கதாநாயகியாக நடிக்க வைப்பதாக கூறி காரில் கடத்திச் சென்று 3 பேர் தன்னை பாலியல் பலாத்காரம் செய்ததாக குன்றத்தூர் போலீசில் சினிமா துணை நடிகை பரபரப்பு புகார் அளித்து உள்ளார்.

பூந்தமல்லி,

சென்னை போரூர் சக்தி நகர், 5–வது குறுக்கு தெருவைச் சேர்ந்தவர் கல்பனா(வயது 24).(பெயர் மாற்றப்பட்டுள்ளது) சினிமா துணை நடிகையான இவர், தமிழ் திரைப்படங்களில் சிறு, சிறு வேடங்களில் நடித்து உள்ளார். மேலும் இவர், கதாநாயகியாக நடிக்கவும் வாய்ப்பு தேடி வருகிறார்.

இந்த நிலையில் குன்றத்தூர் போலீஸ் நிலையத்தில் அவர் ஒரு புகார் மனு அளித்து உள்ளார். அதில் கூறி இருப்பதாவது:–

கடந்த சில தினங்களுக்கு முன்பு குமார் என்பவர் எனது செல்போனில் தொடர்பு கொண்டு பேசினார். தான் சினிமா தயாரிப்பாளரிடம் பணி புரிந்து வருகிறேன். புதிதாக எடுக்கும் படத்தில் உங்களை கதாநாயகியாக நடிக்க வைக்க முடிவு செய்து உள்ளோம்.

தற்போது சினிமா தயாரிப்பாளர் சென்னை வந்து உள்ளதால் அவரிடம் நேரில் அழைத்துச் சென்று அறிமுகம் செய்து வைத்து விடுகிறேன் என்றும், போரூர் சிக்னல் அருகே வந்தால் காரில் அழைத்து செல்வதாகவும் கூறினார்.

அதை உண்மை என்று நம்பி அன்று இரவு நான் போரூர் சிக்னல் அருகே காத்திருந்தேன். அப்போது அங்கு காரில் வந்த ஒருவர், தன்னை குமார் என்று என்னிடம் அறிமுகம் செய்தார். பின்னர் அவருடன் காரில் என்னை ஏற்றிச் சென்றார்.

எங்களுக்கு பின்னால் காரை பின்தொடர்ந்தபடி மோட்டார்சைக்கிளில் 2 பேர் வந்தனர். குன்றத்தூரை அடுத்த தரப்பாக்கத்தில் உள்ள வீட்டுக்கு என்னை அழைத்துச் சென்றனர்.

வீட்டின் உள்ளே சென்றதும் மோட்டார்சைக்கிளில் வந்தவர்களுடன் சேர்ந்து 3 பேரும் திடீரென கத்தியை காட்டி மிரட்டி என்னை பாலியல் பலாத்காரம் செய்தனர்.

பின்னர் என்னிடம் இருந்த செல்போன், நகைகள், பணம் ஆகியவற்றை பறித்துக்கொண்டனர். இதுகுறித்து வெளியே சொன்னாலோ, போலீசில் புகார் அளித்தாலோ பாலியல் பலாத்காரம் செய்தபோது எடுக்கப்பட்ட வீடியோவை சமூக வலைத்தளங்களில் வெளியிட்டு விடுவோம். அதன் பிறகு தேடி வந்து கொலை செய்து விடுவோம் என்று மிரட்டினார்கள். அவர்கள் 3 பேர் மீதும் நடவடிக்கை எடுக்க வேண்டும்.

இவ்வாறு அந்த புகார் மனுவில் கூறப்பட்டு இருந்தது.

குன்றத்தூர் போலீசார் அந்த துணை நடிகைக்கு வந்த செல்போன் எண், அந்த நபர்களின் அடையாளம், கார் பதிவெண் ஆகியவற்றை வைத்து 3 பேரையும் தீவிரமாக தேடி வருகின்றனர். மேலும் இந்த புகாரின் உண்மை தன்மை குறித்தும் துணை நடிகையிடம் போலீசார் தீவிர விசாரணை நடத்தி வருகின்றனர்.



தொடர்புடைய செய்திகள்

1. தாம்பரம் தனியார் கல்லூரியில் கூடைப்பந்து விளையாடிய மாணவி மயங்கி விழுந்து சாவு; மாணவ–மாணவிகள் உள்ளிருப்பு போராட்டம்
தாம்பரத்தில் தனியார் கல்லூரியில் கூடைப்பந்து விளையாடிய மாணவி மயங்கி விழுந்து இறந்தார். அதனை தொடர்ந்து மாணவ–மாணவிகள் கல்லூரிக்குள் உள்ளிருப்பு போராட்டம் நடத்தியதால் பரபரப்பு ஏற்பட்டது.
2. ஈரோடு கலெக்டர் வீட்டுக்கு இறந்த சிறுமியின் உடலை கொண்டு செல்ல முயன்றவர் கைது
இறந்த சிறுமியின் உடலை ஈரோடு கலெக்டர் வீட்டுக்கு கொண்டு செல்ல முயன்றவர் கைது செய்யப்பட்டார். போலீஸ் சோதனையை மீறி மோட்டார் சைக்கிளில் எடுத்து சென்றதால் பரபரப்பு ஏற்பட்டது.
3. ராஜபாளையத்தில் குழாய் உடைந்து வீணாகும் குடிநீர்; புகார் தெரிவித்தும் அதிகாரிகள் அலட்சியம்
ராஜபாளையத்தில் குழாய் உடைப்பு காரணமாக ஒரு மாதமாக குடிநீர் சாலையில் வீணாக ஓடுகிறது. இது குறித்து நகராட்சிக்கு பல முறை பொதுமக்கள் புகார் தெரிவித்தும் இதுவரை நடவடிக்கை எடுக்கப்படவில்லை என அப்பகுதி மக்கள் குற்றம் சாட்டுகின்றனர்.
4. சிறுமியை கடத்தி சென்று பாலியல் பலாத்கார முயற்சி: கட்டிட மேஸ்திரிக்கு 10 ஆண்டு ஜெயில் - வேலூர் மகளிர் கோர்ட்டு தீர்ப்பு
சிறுமியை கடத்தி சென்று பாலியல் பலாத்காரம் செய்ய முயன்ற கட்டிட மேஸ்திரிக்கு 10 ஆண்டு ஜெயில் தண்டனை விதித்து வேலூர் விரைவு மகளிர் கோர்ட்டு தீர்ப்பு வழங்கியது.
5. ராமநாதபுரம் ஆஸ்பத்திரியில் இருந்து தப்பி ஓடிய கைதி குறித்து பரபரப்பு தகவல்; பல்வேறு வழக்குகளில் தொடர்புடையவர்
ராமநாதபுரத்தில் ஆஸ்பத்திரியில் சிகிச்சை பெற்று வந்த கைதி தப்பி ஓடினார். அவர் பல்வேறு பகுதிகளில் திருட்டு, வழிப்பறியில் ஈடுபட்ட திடுக்கிடும் தகவல் தெரியவந்துள்ளது.