மாவட்ட செய்திகள்

பா.ஜனதாவுக்கு உத்தவ் தாக்கரே சவால் + "||" + Uddhav Thackeray challenged BJP

பா.ஜனதாவுக்கு உத்தவ் தாக்கரே சவால்

பா.ஜனதாவுக்கு உத்தவ் தாக்கரே சவால்
வாக்குச்சீட்டு முறையில் தேர்தலை எதிர்கொள்ளுமாறு பா.ஜனதாவுக்கு சிவசேனா தலைவர் உத்தவ் தாக்கரே சவால் விடுத்து உள்ளார்.
மும்பை,

நடந்து முடிந்த கர்நாடக சட்டமன்ற தேர்தலில் பா.ஜனதா கட்சி 104 இடங்களை கைப்பற்றி முன்னிலை வகிக்கிறது. இந்தநிலையில் மும்பையில் நிருபர்களை சந்தித்த சிவசேனா தலைவர் உத்தவ் தாக்கரே கர்நாடக தேர்தலில் பா.ஜனதாவின் வெற்றிக்கு வாழ்த்து தெரிவித்தார். மேலும் கர்நாடகாவில் இனிமேல் ‘அச்சே தின்’(நல்ல நாட்கள்) மலரும் என நம்புவதாகவும் அவர் கூறினார்.


தொடர்ந்து பேசிய அவர், ‘பா.ஜனதாவினருக்கு தங்கள் மீது நம்பிக்கை இருக்குமானால் ஒரே ஒருமுறை வாக்குச்சீட்டு முறையில் அவர்கள் தேர்தலை சந்திக்க வேண்டும். இது அனைவரின் சந்தேகத்துக்கும் முற்றுப்புள்ளி வைக்கும்’ என தெரிவித்தார்.

இதைத்தொடர்ந்து ராகுல் காந்தி காங்கிரஸ் தலைவராக பொறுப்பேற்றபின் அவர் சந்தித்த முதல் தேர்தலிலேயே காங்கிரஸ் கட்சிக்கு பின்னடைவு ஏற்பட்டு இருப்பது குறித்து நிருபர்கள் கேள்வி எழுப்பினர். அதற்கு பதிலளித்த உத்தவ் தாக்கரே, ‘ஒருவர் சில நேரங்களில் வெற்றியையும், சில நேரங்களில் தோல்வியையும் சந்திக்கலாம். ஆனால் அவர் தொடர்ந்து செயல்பட்டு கொண்டே இருக்க வேண்டும்’ என பதிலளித்தார்.

இந்தநிலையில் மராட்டிய நவநிர்மாண் சேனா தலைவர் ராஜ் தாக்கரே, கர்நாடக தேர்தலில் பா.ஜனதாவின் வெற்றியை வாக்குப்பதிவு எந்திரத்தின் வெற்றி என விமர்சித்து டுவிட்டரில் கருத்து பதிவிட்டு இருப்பது குறிப்பிடத்தக்கது. 

தொடர்புடைய செய்திகள்

1. துப்பாக்கி உள்ளிட்ட பயங்கர ஆயுதங்கள் பறிமுதல் : பா.ஜனதா பிரமுகர் கைது
டோம்பிவிலியில், கடையில் பதுக்கி வைக்கப்பட்டு இருந்த துப்பாக்கி உள்ளிட்ட பயங்கர ஆயுதங்களை போலீசார் பறிமுதல் செய்தனர். இது தொடர்பாக பா.ஜனதா பிரமுகர் கைது செய்யப்பட்டார்.
2. பா.ஜனதாவிற்கு எதிரான மெகா கூட்டணியில் நாங்கள் கிடையாது - பிஜு ஜனதா தளம்
பா.ஜனதாவிற்கு எதிராக மெகா கூட்டணியில் நாங்கள் கிடையாது என பிஜு ஜனதா தளம் அறிவித்துள்ளது.
3. ஊழல் காரணமாக 2019 தேர்தலில் பெரும் இழப்பை சந்திப்போம் யோகியிடம் கூறிய பா.ஜனதா எம்.எல்.ஏ.!
ஊழல் காரணமாக 2019 பாராளுமன்றத் தேர்தலில் பெரும் இழப்பை சந்திப்போம் என யோகி ஆதித்யநாத்திடம் பா.ஜனதா எம்.எல்.ஏ. கூறியுள்ளார்.
4. சபரிமலையில் பெண்கள் தரிசனம் செய்த விவகாரம்: நாகர்கோவிலில் 25 இடங்களில் பா.ஜனதா போராட்டம்
சபரிமலையில் 2 பெண்கள் சாமி தரிசனம் செய்த விவகாரத்தை தொடர்ந்து நாகர்கோவிலில் பா.ஜனதா கட்சியினர் 25-க்கும் மேற்பட்ட இடங்களில் போராட்டத்தில் ஈடுபட்டனர். மேலும் மார்க்சிஸ்ட் கம்யூனிஸ்டு கொடிக்கம்பங்கள் வெட்டி சாய்க்கப்பட்டதால் பரபரப்பு ஏற்பட்டுள்ளது.
5. பா.ஜனதா, காங்கிரஸ் அல்லாத கூட்டணி; சந்திரசேகர் ராவை சந்திப்பதை ஒத்திவைத்தார் மாயாவதி
பா.ஜனதா, காங்கிரஸ் அல்லாத கூட்டணியை உருவாக்க முயற்சிக்கும் சந்திரசேகர் ராவை சந்திப்பதை மாயாவதி ஒத்திவைத்தார் என தகவல் வெளியாகியுள்ளது.