மாவட்ட செய்திகள்

கோவில்களில் தொடரும் உண்டியல் திருட்டு குற்றவாளிகளை பிடிக்க முடியாமல் போலீசார் திணறல் + "||" + Stolen theft of temples in temples

கோவில்களில் தொடரும் உண்டியல் திருட்டு குற்றவாளிகளை பிடிக்க முடியாமல் போலீசார் திணறல்

கோவில்களில் தொடரும் உண்டியல் திருட்டு குற்றவாளிகளை பிடிக்க முடியாமல் போலீசார் திணறல்
புதுவையில் உள்ள கோவில்களில் தொடர்ந்து உண்டியல் திருட்டில் ஈடுபடும் குற்றவாளிகளை பிடிக்க முடியாமல் போலீசார் திணறி வருகின்றனர்.

புதுச்சேரி,

புதுவையில் சமீப காலங்களாக திருட்டு சம்பவங்கள் அதிகரித்து வருகின்றன. ஆள் இல்லாத வீடுகளை குறி வைத்து பூட்டை உடைத்து திருடுவது சர்வ சாதரணமாக நடந்து வருகிறது.

இந்த திருட்டுகளில் கைதேர்ந்தவர்கள் ஈடுபடுவது தெரியவந்துள்ளது. குறிப்பாக கண்காணிப்பு கேமராக்கள் உள்ள வீடுகளில் திருடும்போது காட்சிகள் பதிவாகும் ஹார்டு டிஸ்க்கை கையோடு எடுத்துச் சென்றுவிடுகின்றனர். மேலும் பக்கத்து வீடுகளில் பொருத்தப்பட்டுள்ள கண்காணிப்பு கேமராக்களிலும் தங்கள் உருவம் பதிவாகாமல் இருக்கும் வகையில் திட்டமிட்டு திருட்டுகளில் ஈடுபட்டு வருகின்றனர்.

இதுபோன்ற திருடர்களால் புதுவை போலீசாருக்கு பெரிய தலைவலி ஏற்பட்டுள்ளது. குற்றவாளிகள் குறித்து சிறு தகவல்கூட கிடைக்காமல் போலீசார் திணறி வருகின்றனர்.

இந்தநிலையில் தற்போது தொடர்ச்சியாக கோவில்களை குறிவைத்து உண்டியல்கள் உடைத்து திருடும் சம்பவங்கள் நடந்தேறி வருகின்றன. முருங்கப்பாக்கம், அரியாங்குப்பம், தேங்காய்த்திட்டு என கோவில்களில் உண்டியல் உடைக்கப்பட்டு பணம் திருடப்பட்டு வருகிறது.

இந்தநிலையில் பாப்பாஞ்சாவடி பகுதியில் உள்ள முத்துமாரியம்மன் கோவில் உண்டியலை உடைத்து மர்ம ஆசாமிகள் பணத்தை திருடி சென்றுள்ளனர். இதுகுறித்து முதலியார்பேட்டை போலீசார் வழக்குப்பதிவு செய்து விசாரணை நடத்தி வருகிறார்கள். இதுவரை 10–க்கும் மேற்பட்ட கோவில்களில் உண்டியல் உடைக்கப்பட்டு பணம் திருடப்பட்டுள்ள நிலையில் குற்றவாளிகள் யாரும் கைது செய்யப்படாதது பக்தர்கள் மத்தியில் அதிர்ச்சியை ஏற்படுத்தி உள்ளது.


தொடர்புடைய செய்திகள்

1. வலங்கைமான் மகாமாரியம்மன் கோவிலில் செடில் திருவிழா திரளான பக்தர்கள் பங்கேற்பு
வலங்கைமான் மகாமாரியம்மன் கோவிலில் செடில் திருவிழா நடைபெற்றது. இதில் திரளான பக்தர்கள் கலந்து கொண்டு அம்மனை தரிசனம் செய்தனர்.
2. ஓய்வு பெற்ற அரசு ஊழியர் வீட்டில் 18 பவுன் நகை– ரூ.50 ஆயிரம் திருட்டு மர்மநபர்களுக்கு வலைவீச்சு
திருவிடைமருதூர் அருகே ஓய்வு பெற்ற அரசு ஊழியர் வீட்டில் 18 பவுன் நகை– ரூ.50 ஆயிரத்தை திருடி சென்ற மர்ம நபர்களை போலீசார் தேடி வருகிறார்கள்.
3. திருப்பூரில் திருட்டு மற்றும் கொள்ளையில் ஈடுபட்ட பெண் உள்பட 7 பேர் கைது - 80 பவுன்நகை, கார் பறிமுதல்
திருப்பூரில் திருட்டு மற்றும் கொள்ளையில் ஈடுபட்ட பெண் உள்பட 7 பேரை போலீசார் கைது செய்தனர். அவர்களிடம் இருந்து ஒரு கார் மற்றும் 80 பவுன்நகை பறிமுதல் செய்யப்பட்டது.
4. திருவேற்காட்டில் பட்டப்பகலில் 2 வீடுகளின் பூட்டை உடைத்து 31 பவுன் நகை திருட்டு
திருவேற்காட்டில், பட்டப்பகலில் 2 வீடுகளின் பூட்டை உடைத்து 31 பவுன் நகை, ரூ.1½ லட்சத்தை மர்மநபர்கள் திருடிச்சென்று விட்டனர்.
5. அனகாபுத்தூரில் துணிகரம்: என்ஜினீயர் வீட்டின் பூட்டை உடைத்து 36 பவுன் நகை திருட்டு
அனகாபுத்தூரில், என்ஜினீயர் வீட்டின் பூட்டை உடைத்து 36 பவுன் நகையை மர்மநபர்கள் திருடிச்சென்று விட்டனர்.