மாவட்ட செய்திகள்

சேலம் தெற்கு தாசில்தார் அலுவலகத்தில் 8 வழிச்சாலை அமைப்பதற்கான கருத்து கேட்பு கூட்டம்: விவசாயிகள் புறக்கணிப்பு + "||" + Opinion meeting to set up 8 ports at Salem South Tashildar office: Farmers boycotting

சேலம் தெற்கு தாசில்தார் அலுவலகத்தில் 8 வழிச்சாலை அமைப்பதற்கான கருத்து கேட்பு கூட்டம்: விவசாயிகள் புறக்கணிப்பு

சேலம் தெற்கு தாசில்தார் அலுவலகத்தில் 8 வழிச்சாலை அமைப்பதற்கான கருத்து கேட்பு கூட்டம்: விவசாயிகள் புறக்கணிப்பு
சேலம் தெற்கு தாசில்தார் அலுவலகத்தில் 8 வழிச்சாலை அமைப்பதற்கான கருத்து கேட்பு கூட்டம் நடந்தது. இதில் நிர்ணயித்த தொகை போதாது என்று விவசாயிகள் கூட்டத்தை புறக்கணித்தனர்.
சேலம்,

சேலம்-சென்னை 8 வழிச்சாலை அமைப்பதற்கான நடவடிக்கைகளை மத்திய, மாநில அரசுகள் எடுத்து வருகிறது. இதற்கு நிலம் கையகப்படுத்துவதற்காக சம்பந்தப்பட்ட அதிகாரிகள் நடவடிக்கை எடுத்து வருகின்றனர். மேலும் இந்த திட்டத்திற்கு விவசாயிகள், பொது மக்கள் என அனைத்து தரப்பினரும் எதிர்ப்பு தெரிவித்து வருகின்றனர். மேலும் பல்வேறு போராட்டங்களும் நடத்தப்பட்டு வருகிறது. இந்த நிலையில் 8 வழிச்சாலை அமைப்பதற்கான கருத்துகேட்பு கூட்டம் நேற்று மாலை சேலம் மணியனூரில் உள்ள தெற்கு தாசில்தார் அலுவலகத்தில் நடந்தது.


இதற்கு நில எடுப்பு தாசில்தார் சுந்தரராஜன் தலைமை தாங்கினார். தனி தாசில்தார் பத்மபிரியா முன்னிலை வகித்தார். இந்த கூட்டத்தில் பூலாவரி அக்ரகாரம் உள்ளிட்ட பல்வேறு பகுதியை சேர்ந்த விவசாயிகள் பலர் கலந்து கொண்டனர். பின்னர் அவர்களிடம் கருத்து கேட்கப்பட்டது. அப்போது 8 வழிச்சாலை அமைக்க எதிர்ப்பு தெரிவிக்கிறோம் என்று கூறி அவர்கள் கூட்டத்தை புறக்கணித்தனர்.

இது குறித்து முன்னாள் எம்.எல்.ஏ எஸ்.கே.செல்வம் உள்ளிட்ட கூட்டத்தில் கலந்து கொண்டவர்கள் கூறும்போது, ‘8 வழிச்சாலைக்கு விவசாய நிலங்கள் எடுக்கப்பட உள்ளது. அவ்வாறு நிலம் எடுத்தால் விவசாயம் முற்றிலும் பாதிக்கும். இதனால் எங்கள் வாழ்வாதாரம் பாதிப்படையும். இந்த திட்டம் அமைக்க எங்களுக்கு உடன்பாடு இல்லை. எனவே இந்த திட்டதை கைவிட வேண்டும். மேலும் 8 வழிச்சாலைக்கு எடுக்கப்பட உள்ள நிலம் மார்க்கெட் விலையாக ரூ.1 கோடி முதல் ரூ.3 கோடி வரை விற்கப்படுகிறது. ஆனால் அரசு ஒரு ஏக்கருக்கு ரூ.8 லட்சம் தான் விலை நிர்ணயிக்கப்பட்டு உள்ளதாக தெரிகிறது. எனவே இந்த விலையும் போதாது. மேலும் இந்த திட்டத்தை கைவிட வேண்டும் என்று கூறி கூட்டத்தை புறக்கணித்து உள்ளோம்’ என்று கூறினர்.

தொடர்ந்து அவர்கள் இந்த கோரிக்கையை மனுவாக எழுதி தாசில்தார் சுந்தரராஜனிடம் வழங்கினர்.

தொடர்புடைய செய்திகள்

1. சேலத்தில் பரபரப்பு அங்கன்வாடி மையத்தில் லஞ்ச ஒழிப்பு போலீசார் திடீர் சோதனை ரூ.50 ஆயிரம் பறிமுதல்
சேலம் அன்னதானப்பட்டியில் உள்ள அங்கன்வாடி மையத்தில் லஞ்ச ஒழிப்பு போலீசார் திடீரென சோதனை நடத்தியதால் பரபரப்பு ஏற்பட்டது. மேலும் அங்கு கணக்கில் வராத ரூ.50 ஆயிரம் பறிமுதல் செய்யப்பட்டது.
2. சேலம், நாமக்கல்லில் 15 கிலோ வெள்ளிப்பொருட்கள், ரூ.8 லட்சம் பறிமுதல் தேர்தல் பறக்கும் படையினர் நடவடிக்கை
சேலம், நாமக்கல்லில் தேர்தல் பறக்கும் படையினர் நடத்திய வாகன சோதனையில் 15 கிலோ வெள்ளிப்பொருட்கள், ரூ.8¾ லட்சம் பறிமுதல் செய்யப்பட்டது.
3. சேலத்தில் பரபரப்பு: பட்டுச்சேலை, தாலியுடன் கலெக்டர் அலுவலகத்துக்கு வந்த இளம்பெண்
சேலத்தில் திருமணத்துக்கு மறுத்த காதலன் மீது நடவடிக்கை எடுக்கக்கோரி பட்டுச்சேலை, தாலியுடன் கலெக்டர் அலுவலகத்துக்கு இளம்பெண் வந்ததால் பரபரப்பு ஏற்பட்டது.
4. சேலம் செவ்வாய்பேட்டையில் 1 டன் பிளாஸ்டிக் பொருட்கள் பறிமுதல் - கடை உரிமையாளருக்கு ரூ.1 லட்சம் அபராதம்
சேலம் செவ்வாய்பேட்டையில் 1 டன் பிளாஸ்டிக் பொருட்கள் பறிமுதல் செய்யப்பட்டன. கடை உரிமையாளருக்கு ரூ.1 லட்சம் அபராதம் விதிக்கப்பட்டது.
5. சேலத்தில் பரபரப்பு: நகைக்கடைகளில் வருமான வரித்துறையினர் சோதனை
சேலத்தில் நகைக்கடைகளில் வருமான வரித் துறையினர் நடத்திய சோதனையால் பரபரப்பு ஏற்பட்டது.