மாவட்ட செய்திகள்

ஆரணியில் பழுதடைந்த மின்கம்பங்களை மாற்ற வேண்டும் பொதுமக்கள் கோரிக்கை + "||" + In aerosol the damaged wires should be replaced

ஆரணியில் பழுதடைந்த மின்கம்பங்களை மாற்ற வேண்டும் பொதுமக்கள் கோரிக்கை

ஆரணியில் பழுதடைந்த மின்கம்பங்களை மாற்ற வேண்டும் பொதுமக்கள் கோரிக்கை
ஆரணியில் பழுதடைந்த மின்கம்பங்களை மாற்ற வேண்டும் என பொதுமக்கள் கோரிக்கை விடுத்துள்ளனர்.

பெரியபாளையம்,

திருவள்ளூர் மாவட்டம் சோழவரம் ஒன்றியம் ஆரணிக்கு வடக்கு நெல்லூர் ஊராட்சி துரைநெல்லூர் பகுதியில் உள்ள துணை மின் நிலையத்தில் இருந்து மின்சாரம் வினியோகம் செய்யப்படுகிறது.

மேலும், ஆரணியை கடந்து குமரப்பேட்டை, காமாட்சிநகர், புதுப்பாளையத்தின் ஒரு பகுதி, காரணியின் ஒரு பகுதி உள்ளிட்ட பகுதிகளுக்கு மின்சாரம் செல்கிறது.

இவ்வாறு மின்சாரம் செல்லும் மின் கம்பங்கள் பல பகுதிகளில் சிமெண்டு பூச்சுகள் பெயர்ந்து உள்ளது. இந்த மின்கம்பங்களை மாற்றி புதிதாக மின்கம்பங்களை அமைக்க வேண்டும் என்று சம்பந்தப்பட்ட துறை அதிகாரிகளிடம் பொதுமக்கள் கூறினர்.

ஆரணி–பெரியபாளையம் நெடுஞ்சாலையில் ஆரணி சமுதாய கூடத்துக்கு எதிரே சாலையின் வடக்கு பகுதியில் உள்ள ஒரு மின் கம்பம் சேதம் அடைந்து ஆபத்தான நிலையில் உள்ளது. இந்த பகுதியில் சமுதாய நலக்கூடம் உள்ளது. மேலும், சமுதாய கூடத்தில் பல நாட்கள் பல்வேறு நிகழ்ச்சிகள் நடக்கும்.

அப்போது இங்கு வரும் பொதுமக்கள் ஒருவகை பயத்துடனே அங்கு நடக்கும் நிகழ்ச்சியில் கலந்து கொள்வர். ஆனால், மின்கம்பத்தை மாற்ற சம்பந்தப்பட்ட துறை அதிகாரிகளிடம் புகார் தெரிவித்தும் இதுவரை எந்த ஒரு நடவடிக்கையும் எடுக்கவில்லை என்று பொதுமக்கள் குற்றம் சாட்டுகின்றனர்.

ஆரணி பகுதியில் பல்வேறு இடங்களில் இதேபோன்று மின்கம்பங்கள் பழுதடைந்து காணப்படுகிறது. அவற்றை போர்க்கால அடிப்படையில் மாற்றி விபத்து ஏற்படும் முன் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.



தொடர்புடைய செய்திகள்

1. திருப்பூர் கிருஷ்ணவேணிநகரில் கழிவுநீர் கால்வாய் வசதி வேண்டும்; கலெக்டரிடம் பொதுமக்கள் மனு
திருப்பூர் கிருஷ்ணவேணிநகர் பகுதியில் கழிவுநீர் கால்வாய் வசதி அமைத்து கொடுக்க வேண்டும் என்று கலெக்டரிம் பொதுமக்கள் மனு அளித்தனர்.
2. கோவை அவினாசி ரோட்டில் தடையில்லா போக்குவரத்து திட்டம் மீண்டும் செயல்படுத்த போலீஸ் கமி‌ஷனர் உத்தரவு
20 நிமிடத்துக்குள் விமானநிலையம் சென்றடையும் வகையில், கோவை அவினாசி ரோட்டில் தடையில்லா போக்குவரத்து திட்டத்தை மீண்டும் செயல்படுத்த போலீஸ் கமி‌ஷனர் சுமித் சரண் உத்தரவிட்டுள்ளார்.
3. சிங்காநல்லூர் குளக்கரையில் நடைபாதை வசதி; சிலைகள் கரைக்க, மீன்பிடிக்க தடை விதிக்க முடிவு
கோவையில் உள்ள சிங்காநல்லூர் குளத்தில் நடைபாதை வசதி செய்யப்படுகிறது. அத்துடன் அங்கு சிலைகள் கரைக்கவும், மீன்பிடிக்க தடை விதிக்கவும் முடிவு செய்யப்பட்டு உள்ளது.
4. தனுஷ்கோடியில் தடையைமீறி கடலில் குளிக்கும் சுற்றுலா பயணிகள்; போலீசாருடன் இளைஞர்கள் வாக்குவாதம்
தனுஷ்கோடி பகுதியில் தடையை மீறி கடலில் சுற்றுலா பயணிகள் குளித்துவருகின் றனர். அவர்கைள கடலோர போலீசாரிடம் இளைஞர்கள் வாக்குவாதத்தில் ஈடுபட்டனர்.
5. திருவள்ளூரில் பொதுமக்கள் குறைகளை தெரிவிக்க புகார் பெட்டி
திருவள்ளூரில் பொதுமக்கள் குறைகளை தெரிவிக்க ஏதுவாக புகார் பெட்டி வைக்கும் திட்டம் தொடங்கப்பட்டது. இந்த திட்டத்தை மாவட்ட போலீஸ் சூப்பிரண்டு பொன்னி தலைமை தாங்கி தொடங்கி வைத்தார்.