மாவட்ட செய்திகள்

ஆசிரியை திட்டியதால் மாணவி தற்கொலை செய்து கொண்டதாக கூறி உடலை வாங்க மறுத்து உறவினர்கள் போராட்டம் + "||" + The student committed suicide by abusing the teacher Relatives fight

ஆசிரியை திட்டியதால் மாணவி தற்கொலை செய்து கொண்டதாக கூறி உடலை வாங்க மறுத்து உறவினர்கள் போராட்டம்

ஆசிரியை திட்டியதால் மாணவி தற்கொலை செய்து கொண்டதாக கூறி உடலை வாங்க மறுத்து உறவினர்கள் போராட்டம்
திருப்பூரில் ஆசிரியை திட்டியதால் மாணவி தற்கொலை செய்து கொண்டதாக கூறி, மாணவியின் உடலை வாங்க மறுத்து உறவினர்கள் போராட்டம் நடத்தினார்கள். இதனால் திருப்பூர் அரசு ஆஸ்பத்திரி முன்பு பரபரப்பு ஏற்பட்டது.

அனுப்பர்பாளையம்,

திருப்பூர் 3 செட்டிபாளையத்தை அடுத்த அன்னையம்பாளையத்தை சேர்ந்தவர் முத்துகிருஷ்ணன் (வயது 40). இவருடைய மகள் காவியாஸ்ரீ (16). அங்கேரிபாளையம் வெங்கமேட்டில் உள்ள வி.கே.அரசு மேல்நிலைப்பள்ளியில் 10–ம் வகுப்பு படித்து வந்தாள்.

இந்த நிலையில் நேற்று முன்தினம் மாலை பள்ளி முடிந்து வீட்டிற்கு சென்ற காவியாஸ்ரீ வீட்டு குளியலறையில் தூக்குப்போட்டு தற்கொலை செய்து கொண்டார். இது பற்றிய தகவல் அறிந்ததும் அனுப்பர்பாளையம் போலீசார் சம்பவ இடத்திற்கு சென்று மாணவியின் உடலை மீட்டு பிரேத பரிசோதனைக்காக திருப்பூர் அரசு ஆஸ்பத்திரிக்கு அனுப்பி வைத்தனர். மேலும் மாணவி எதற்காக தற்கொலை செய்து கொண்டார் என போலீசார் வழக்குப்பதிவு செய்து விசாரணை நடத்தி வருகின்றனர்.

இந்த சம்பவம் தொடர்பாக மாவட்ட முதன்மை கல்வி அதிகாரி சாந்தி மற்றும் அனுப்பர்பாளையம் சப்–இன்ஸ்பெக்டர் செந்தில்முருகன் ஆகியோர் சம்பந்தப்பட்ட பள்ளிக்கு சென்று விசாரணை நடத்தினார்கள். விசாரணையில் நேற்று முன்தினம் வகுப்பில் நடந்த ஆங்கில தேர்வின்போது மாணவி காவியா ஸ்ரீ புத்தகத்தை பார்த்து காப்பி அடித்து எழுதியதாகவும், இதை பார்த்த ஆசிரியை, மாணவியை அழைத்து கண்டித்து அறிவுரை கூறியதாக தலைமை ஆசிரியர் தெரிவித்துள்ளார். இந்த நிலையில்தான் பள்ளி முடிந்ததும் வீட்டிற்கு வந்த மாணவி, தூக்குப்போட்டு தற்கொலை செய்து கொண்டார் என தெரியவந்துள்ளது.

இதற்கிடையில், ஆசிரியை திட்டியதால்தான் காவியா ஸ்ரீ தற்கொலை செய்து கொண்டதாக கூறி மாணவி உடலை வாங்க மறுத்து அவருடைய உறவினர்கள், அரசு ஆஸ்பத்திரியை முற்றுகையிட்டு போராட்டத்தில் ஈடுபட்டனர்.

இதையடுத்து சம்பவ இடத்திற்கு 15 வேலம்பாளையம் போலீஸ் இன்ஸ்பெக்டர் சண்முகம் ஆகியோர் மாணவியின் உறவினர்களிடம் பேச்சுவார்த்தை நடத்தினார்கள். அப்போது மாணவி தற்கொலை செய்து கொண்டதற்கான காரணம் குறித்து உரிய விசாரணை நடத்தப்படும் என்று உறுதி அளித்தனர். இதையடுத்து மாணவியின் உடலை வாங்கி சென்றனர். இந்த சம்பவம் காரணமாக சம்பந்தப்பட்ட பள்ளி முன்பும் மற்றும் திருப்பூர் அரசு ஆஸ்பத்திரி வளாகத்திலும் ஏராளமான போலீசார் குவிக்கப்பட்டனர். இதனால் அங்கு பரபரப்பு ஏற்பட்டது.



தொடர்புடைய செய்திகள்

1. கவர்னரின் காரை வழிமறித்து மாணவர்கள் திடீர் போராட்டம்; சட்டக்கல்லூரியில் பரபரப்பு
புதுவை சட்டக்கல்லூரியில் கவர்னரின் காரை வழிமறித்து மாணவர்கள் திடீர் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.
2. பண்ருட்டி அருகே: தூக்குப்போட்டு இளம்பெண் சாவு - தற்கொலைக்கு தூண்டியதாக கணவர் கைது
பண்ருட்டி அருகே தூக்குப்போட்டு இளம்பெண் இறந்தார். தற்கொலைக்கு தூண்டியதாக அவரது கணவரை போலீசார் கைது செய்தனர்.
3. கொலை வழக்கில் மகன்கள் சிக்கியதால் வேதனையில் முதியவர் தற்கொலை; பழிவாங்க வந்த கும்பல் மனைவியை வெட்டி சாய்த்தது
மதுரையில் கொலை வழக்கில் மகன்கள் சிக்கியதால் வேதனையில் முதியவர் தற்கொலை செய்து கொண்டார்.
4. அம்பத்தூர் நீதிமன்றத்தில் போலீஸ் இன்ஸ்பெக்டரை கண்டித்து வக்கீல்கள் போராட்டம்
போலீஸ் இன்ஸ்பெக்டரை கண்டித்து அம்பத்தூர் நீதிமன்றத்தில் வக்கீல்கள் போராட்டத்தில் ஈடுபட்டனர்.
5. காதல் மனைவி புகார் கொடுத்ததால் போலீஸ் விசாரணைக்கு பயந்து வாலிபர் தற்கொலை
அருமனை அருகே காதல் மனைவி புகார் கொடுத்ததால் போலீஸ் விசாரணைக்கு பயந்து வாலிபர் தூக்குப்போட்டு தற்கொலை செய்து கொண்டார்.