ராஜீவ்காந்தி கொலை வழக்கில் கைதான 7 பேரை விடுதலை செய்ய வேண்டும் - தமிமுன்அன்சாரி எம்.எல்.ஏ

வேதாரண்யம்,

வேதாரண்யத்தை அடுத்த தோப்புத்துறை பெரிய பள்ளிவாசலில் ரம்ஜான் பண்டிகையையொட்டி சிறப்பு தொழுகை நடைபெற்றது. இதில் தமிமுன்அன்சாரி எம்.எல்.ஏ. கலந்து கொண்டார். பின்னர் அவர் நிருபர்களுக்கு அளித்த பேட்டியில் கூறியதாவது:-

10 ஆண்டுகள் சிறையில் உள்ள கைதிகளை பாரபட்சமின்றி விடுதலை செய்ய தமிழக அரசு நடவடிக்கை எடுக்க வேண்டும். முன்னாள் பிரதமர் ராஜீவ்காந்தி கொலை வழக்கில் பேரறிவாளன், முருகன், நளினி உள்பட 7 பேர் வேலூர் ஜெயிலில் கடந்த 27 ஆண்டுகளாக தண்டனை கைதிகளாக உள்ளனர்.

இந்த கொலை கைதிகள் 7 பேரை விடுவிக்க ஜனாதிபதி நிராகரித்து விட்டார். இதனை நினைத்து மிகவும் வேதனைப்படுகிறேன். மனிதநேயத்தின் அடிப்படையில் இவர்கள் 7 பேரையும் விடுதலை செய்ய ஜனாதிபதி நடவடிக்கை எடுக்க வேண்டும். இவ்வாறு அவர் கூறினார்.