மாவட்ட செய்திகள்

6 மாதமாக குடிநீர் வழங்காததால் பெண்கள் காலிக்குடங்களுடன் சாலை மறியல் போராட்டம் + "||" + Women struggle to pitch the road

6 மாதமாக குடிநீர் வழங்காததால் பெண்கள் காலிக்குடங்களுடன் சாலை மறியல் போராட்டம்

6 மாதமாக குடிநீர் வழங்காததால் பெண்கள் காலிக்குடங்களுடன் சாலை மறியல் போராட்டம்
உசிலம்பட்டியில் முறையாக குடிநீர் வழங்க கோரி பெண்கள் காலிக்குடங்களுடன் சாலை மறியல் போராட்டம் செய்தனர்.

உசிலம்பட்டி,

உசிலம்பட்டி ஊராட்சி ஒன்றியத்தில் உள்ள போத்தம்பட்டி பஞ்சாயத்திற்கு உட்பட்டது வி.பெருமாள்பட்டி. இந்த கிராமத்தில் கடந்த 6 மாதமாக குடிநீர் முறையாக வழங்காததால், பொதுமக்கள் கடும் அவதியடைந்து வந்தனர். இதுகுறித்து சம்பந்தப்பட்ட அதிகாரிகளுக்கு பல முறை புகார் தெரிவித்தும் எந்த நடவடிக்கையும் எடுக்கவில்லையாம்.

அதைத்தொடர்ந்து நேற்று வி.பெருமாள்பட்டி கிராமத்தைச் சேர்ந்த பெண்கள் காலிக்குடங்களுடன் உசிலம்பட்டி ஊராட்சி ஒன்றிய அலுவலகத்தை முற்றுகையிட்டு போராட்டம் நடத்தினர். பின்னர் ஊராட்சி ஒன்றிய அலுவலகம் அருகில் உள்ள உசிலம்பட்டி–பேரையூர் சாலையில் திடீர் சாலை மறியலில் ஈடுபட்டனர்.

தகவலறிந்து வந்த போலீஸ் சப்–இன்ஸ்பெக்டர் லிங்கசாமி, நாகராஜ், ராமர் உள்ளிட்ட போலீசார் பேச்சுவார்த்தை நடத்தியதை தொடர்ந்து கிராம மக்கள் சாலை மறியலை கைவிட்டனர். இந்த சாலை மறியலால் சிறிது நேரம் போக்குவரத்து பாதிக்கப்பட்டது. தொடர்ந்து அங்கு கூடியிருந்த கிராம மக்களிடம் உசிலம்பட்டி ஊராட்சி ஒன்றிய ஆணையாளர் பாலகிருஷ்ணன், பொறியாளர் கண்ணன், வினோத் ஆகியோர் பேச்சு வார்த்தை நடத்தினர்.

அதில் உடன்பாடு ஏற்படாததால் கிராம மக்கள் வருவாய் கோட்டாட்சியர் அலுவலகத்திற்கு வந்தனர். அங்கு ஆர்.டி.ஓ. முருகேசன் தலைமையில் நடைபெற்ற பேச்சு வார்த்தையில் வி. பெருமாள்பட்டி கிராமத்திற்கு குடிநீர் கிடைக்க உடனடியாக நடவடிக்கை எடுக்கப்படும் என்றும் அதற்கு முன்னதாக லாரி மூலம் குடிநீர் வினியோகம் செய்ய நடவடிக்கை எடுக்கப்படும் என அதிகாரிகள் கூறியதை தொடர்ந்து கிராம மக்கள் கலைந்து சென்றனர்.



தொடர்புடைய செய்திகள்

1. பட்டாசு தொழிலை பாதுகாக்க கோரி கருப்பு கொடி போராட்டம்; சி.ஐ.டி.யூ. தொழிற்சங்கம் அறிவிப்பு
பட்டாசு தொழிலை பாதுகாக்கும் வகையில் சுற்றுச்சூழல் விதியிலிருந்து பட்டாசு தொழிலுக்கு முழு விலக்கு அளிக்க மத்திய அரசை வலியுறுத்தியும் மாநில அரசு சுப்ரீம் கோர்ட்டில் இதுதொடர்பான வழக்கில் மறு சீராய்வு மனு தாக்கல் செய்ய கோரியும் பட்டாசு தொழிலாளர்கள் வீடுகளில் கருப்பு கொடியேற்றும் போராட்டம் நடத்த போவதாக சி.ஐ.டி.யு. தொழிற்சங்கம் அறிவித்துள்ளது.
2. ராமநாதபுரம் நகரில் சேதமடைந்த சாலையில் முகமூடி அணிந்து வியாபாரிகள் திடீர் போராட்டம்
ராமநாதபுரம் நகரில் உள்ள பிரதான சாலை சேதமடைந்து கடும் தூசி பறந்து வருதால் நோய் பாதிப்பு ஏற்படுவதாக வியாபாரிகள் முகமூடி அணிந்து திடீர் போராட்டத்தில் ஈடுபட்டனர்.
3. பட்டாசு ஆலை பிரச்சினையை தீர்க்கக்கோரி விருதுநகரில் பெரிய அளவில் போராட்டம் உரிமையாளர்கள் முடிவு
பட்டாசு ஆலை பிரச்சினையை தீர்க்கக்கோரி விருதுநகரில் பெரிய அளவில் போராட்டம் நடத்தப்படும் என உரிமையாளர்கள் முடிவு செய்துள்ளனர்.
4. யானைகள் நலவாழ்வு முகாமை வேறு இடத்திற்கு மாற்றக்கோரி முற்றுகை போராட்டத்தில் ஈடுபட முயன்ற 50 பேர் கைது
யானைகள் புத்துணர்வு முகாமை வேறு இடத்திற்கு மாற்றக்கோரி முற்றுகை போராட்டத்தில் ஈடுபட முயன்ற 50 பேர் கைது செய்யப்பட்டனர்.
5. தடையை மீறி போராட்டம்: மக்கள் அதிகாரம் அமைப்பினர் 33 பேர் கைது
திருச்சியில் தடையை மீறி போராட்டம் நடத்திய மக்கள் அதிகாரம் அமைப்பினர் 33 பேரை போலீசார் கைது செய்தனர்.