மாவட்ட செய்திகள்

லாரி மோதியதால் வாய்க்காலில் இறங்கிய அரசு பஸ் டிரைவர்கள்-பயணிகள் காயம் + "||" + The state bus drivers-passenger wounded in the lorry landing

லாரி மோதியதால் வாய்க்காலில் இறங்கிய அரசு பஸ் டிரைவர்கள்-பயணிகள் காயம்

லாரி மோதியதால் வாய்க்காலில் இறங்கிய அரசு பஸ் டிரைவர்கள்-பயணிகள் காயம்
கும்பகோணத்தில் லாரி மோதியதால் அரசு பஸ் வாய்க்காலில் இறங்கியது. இந்த விபத்தில் டிரைவர்கள் மற்றும் பயணிகள் காயம் அடைந்தனர்.
கும்பகோணம்,

கும்பகோணத்தில் இருந்து நேற்று காலை காவற்கூடம் என்ற பகுதிக்கு அரசு டவுன்பஸ் பயணிகளை ஏற்றிக்கொண்டு சென்று கொண்டிருந்தது. இந்த பஸ்சை செழியன் என்பவர் ஓட்டிவந்தார். பரட்டை என்ற இடம் அருகே சென்றபோது எதிரே வேலூரில் இருந்து சர்க்கரை மூட்டைகளை ஏற்றி வந்த லாரி, டிரைவரின் கட்டுப்பாட்டை இழந்து தாறுமாறாக ஓடி அரசு பஸ் மீது மோதியது. இதனால் பஸ் பின்னோக்கி சென்று சாலையோரத்தில் இருந்த மின்கம்பத்தில் மோதி விட்டு அருகில் இருந்து வாய்க்காலில் இறங்கியது.


இந்த விபத்தில் பஸ் மற்றும் லாரியின் முன் பக்கங்கள் அப்பளம் போல் நொறுங்கின. விபத்தில் பஸ் டிரைவர் செழியன், லாரி டிரைவர் பூபாலன், பயணிகள் மாரியப்பன், உஷா பாண்டி உள்பட பலர் காயமடைந்தனர். காயம் அடைந்தவர்களை அங்கிருந்தவர்கள் உடனடியாக மீட்டு கும்பகோணம் அரசு மருத்துவமனைக்கு சிகிச்சைக்காக அனுப்பி வைத்தனர்.

இதுகுறித்து தகவல் அறிந்த போக்குவரத்து போலீசார் மற்றும் சுவாமிமலை போலீசார் சம்பவ இடத்துக்கு வந்து வாய்க்காலில் இறங்கிய பஸ்சை மீட்கும் பணியில் ஈடுபட்டனர். சுமார் 3 மணி நேரத்திற்கும் மேலாக போராடி வாய்க்காலில் இறங்கிய அரசு பஸ்சை அப்பகுதி பொதுமக்கள் உதவியுடன் மீட்டனர். இந்த விபத்தால் அப்பகுதியில் போக்குவரத்து பாதிக்கப்பட்டது. இருபுறங்களிலும் சுமார் 2 கிலோ மீட்டர் தூரம் வரை வாகனங்கள் நீண்ட வரிசையில் காத்திருந்தன. 


தொடர்புடைய செய்திகள்

1. தனியார் பள்ளிக்கூட பஸ் ரப்பர் தோட்டத்துக்குள் புகுந்தது மாணவ, மாணவிகள் உள்பட 12 பேர் காயம்
களியக்காவிளை அருகே தனியார் பள்ளிக்கூட பஸ் ரப்பர் தோட்டத்துக்குள் புகுந்தது மாணவ, மாணவிகள் உள்பட 12 பேர் காயம்.
2. மாமல்லபுரம் அருகே பஸ்-கார் மோதல் சென்னை சட்டக்கல்லூரி மாணவர் உள்பட 5 பேர் பலி
மாமல்லபுரம் அருகே தனியார் பஸ்சும், காரும் மோதிக்கொண்ட விபத்தில் காரில் பயணம் செய்த சென்னையை சேர்ந்த சட்டக்கல்லூரி மாணவர் உள்பட 5 பேர் பரிதாபமாக இறந்தனர்.
3. திருநன்றியூர் அருகே விபத்து: மோட்டார் சைக்கிளில் சென்ற ஆட்டோ டிரைவர் பலி அரசு பஸ் மோதியது
திருநன்றியூர் அருகே அரசு பஸ் மோதியதில் மோட்டார் சைக்கிளில் சென்ற ஆட்டோ டிரைவர் பலியானார்.
4. முத்துப்பேட்டை அருகே தடுப்புச்சுவரில் அரசு பஸ் மோதியது பயணிகள் உயிர் தப்பினர்
முத்துப்பேட்டை அருகே அரசு பஸ் தடுப்புச்சுவரில் மோதி விபத்துக்குள்ளானது. இதில் பயணிகள் அதிர்ஷ்டவசமாக உயிர் தப்பினர்.
5. சாலையோர பள்ளத்தில் பாய்ந்து அந்தரத்தில் தொங்கிய பஸ்
மும்பை - புனே நெடுஞ்சாலையோர பள்ளத்தில் பாய்ந்த பஸ் அந்தரத்தில் தொங்கியபடி நின்றது. அடர்ந்து நின்ற மரங்களால் அதில் இருந்த பயணிகள் 50 பேர் உயிர் தப்பினர்.