மாவட்ட செய்திகள்

தனியார் பள்ளி, கல்லூரிகளில் கட்டண கொள்ளையை அரசு தடுத்து நிறுத்த வேண்டும் + "||" + The government should stop payment of the private bidding in colleges and colleges

தனியார் பள்ளி, கல்லூரிகளில் கட்டண கொள்ளையை அரசு தடுத்து நிறுத்த வேண்டும்

தனியார் பள்ளி, கல்லூரிகளில் கட்டண கொள்ளையை அரசு தடுத்து நிறுத்த வேண்டும்
தனியார் பள்ளி, கல்லூரிகளில் கட்டண கொள்ளையை அரசு தடுத்து நிறுத்த வேண்டும் என்று பெரம்பலூர் மாவட்ட இந்திய மாணவர் சங்க மாநாட்டில் தீர்மானம் நிறைவேற்றப்பட்டன.
பெரம்பலூர்,

பெரம்பலூர் மாவட்ட இந்திய மாணவர் சங்கத்தின் 5-வது மாவட்ட மாநாடு பெரம்பலூரில் நேற்று நடந்தது. இதற்கு சங்கத்தின் செயலாளர் ஸ்டாலின் தலைமை தாங்கினார். நிவாஸ், முகிலன் ஆகியோர் முன்னிலை வகித்தனர்.

தமிழ்நாடு முற்போக்கு எழுத்தாளர், கலைஞர்கள் சங்கத்தின் பெரம்பலூர் மாவட்ட செயலாளர் செல்வகுமார் தொடக்க உரையாற்றினார். இதில் சிறப்பு அழைப்பாளராக கலந்து கொண்ட இந்திய மாணவர் சங்கத்தின் மாநில துணை தலைவர் நிருபன், செயற்குழு உறுப்பினர்கள் பிரகாஷ், அருணன் ஆகியோர் சிறப்புரையாற்றினர்.


மாநாட்டில் தனியார் பள்ளி, கல்லூரிகளின் கட்டண கொள்ளையை தடுத்து நிறுத்திட தமிழக அரசு நடவடிக்கை எடுக்க வேண்டும். பெரம்பலூர் மாவட்டத்தில் அரசு மருத்துவ கல்லூரி, வேளாண்மை மற்றும் பொறியியல் கல்லூரியை உடனடியாக தமிழக அரசு தொடங்க வேண்டும். அனைத்து கல்லூரிகளிலும் மாணவர் பேரவை தேர்தலை அரசு நடத்த வேண்டும்.

அரசு பள்ளி, கல்லூரிகளின் கட்டமைப்பு வசதிகளை அரசு மேம்படுத்த வேண்டும். நீட் தேர்வுக்கு எதிராக போராடிய மாணவர்கள் மீது போடப்பட்டுள்ள வழக்குகளை உடனடியாக அரசு வாபஸ் வாங்கிட வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. கூட்டத்தில் சங்கத்தின் மருத்துவ மாணவர் பிரிவின் முன்னாள் மாநில தலைவர் டாக்டர் கருணாகரன், முன்னாள் மாவட்ட தலைவர் ரமேஷ், செயலாளர் செல்வக்குமார் உள்பட பலர் கலந்து கொண்டனர். 


தொடர்புடைய செய்திகள்

1. தனியார் மீன் அங்காடிக்கு எதிர்ப்பு நகராட்சி அலுவலகத்தை முற்றுகையிட்ட மீனவர்கள்
தனியார் மீன் அங்காடிக்கு எதிர்ப்பு தெரிவித்து நகராட்சி அலுவலகத்தை மீனவர்கள் முற்றுகையிட்டனர்.
2. கழிவறைக்குள் பூட்டப்பட்ட மாணவி 2 மணி நேரம் தவிப்பு: பள்ளியும் பூட்டப்பட்டதை கண்டித்து பொதுமக்கள் முற்றுகை போராட்டம்
மாணவியை உள்ளே வைத்து பூட்டிய நிலையில் பள்ளியும் பூட்டப்பட்டதை கண்டித்து பொதுமக்கள் பள்ளியை முற்றுகையிட்டு போராட்டம் நடத்தினர்.
3. ஓய்வுபெற்ற அரசு ஊழியர் தனியார் பஸ்சில் தவறவிட்ட ரூ.9 ஆயிரம் போலீசார் மீட்டு ஒப்படைத்தனர்
பெரம்பலூரில், ஓய்வுபெற்ற அரசு ஊழியர் தனியார் பஸ்சில் தவறவிட்ட ரூ.9 ஆயிரத்தை போலீசார் மீட்டு ஒப்படைத்தனர்.
4. ஆந்திர பிரதேசம்: மந்திரிக்கு சொந்தமான இடங்களில் வருமான வரித்துறை அதிகாரிகள் சோதனை
ஆந்திர பிரதேசத்தில் மந்திரிக்கு சொந்தமான இடங்களில் வருமான வரித்துறை அதிகாரிகள் சோதனை நடப்பதாக தகவல்கள் வெளியாகியுள்ளன.
5. தேசிய விருதுபெற்ற பள்ளிகளுக்கு அமைச்சர் பாராட்டு
தேசிய விருது பெற்ற பள்ளிகளுக்கு அமைச்சர் கமலக்கண்ணன் பாராட்டு தெரிவித்தார்.