மாவட்ட செய்திகள்

வழக்கு விசாரணைக்கு ஆஜராகாத கோவை அரசு மருத்துவமனை பெண் டாக்டருக்கு ‘நோட்டீசு’ + "||" + Did not appear to be prosecuted Coimbatore Government Hospital 'Notice' to girl doctor

வழக்கு விசாரணைக்கு ஆஜராகாத கோவை அரசு மருத்துவமனை பெண் டாக்டருக்கு ‘நோட்டீசு’

வழக்கு விசாரணைக்கு ஆஜராகாத கோவை அரசு மருத்துவமனை பெண் டாக்டருக்கு ‘நோட்டீசு’
கொலை வழக்கு விசாரணைக்கு ஆஜராகாத கோவை அரசு மருத்துவமனை பெண் டாக்டருக்கு ‘நோட்டீசு’ அனுப்பும்படி வேலூர் கூடுதல் விரைவு கோர்ட்டு நீதிபதி உத்தரவிட்டார்.
வேலூர்,

வேலூர் மாவட்டம் குடியாத்தம் அருகே உள்ள அழிஞ்சிகுப்பத்தை சேர்ந்தவர் சார்லஸ் (வயது 24), தொழிலாளி. உடல்நலக்குறைவால் அவதிப்பட்ட சார்லஸ் கடந்த 2011-ம் ஆண்டு குடியாத்தம் அரசு மருத்துவமனையில் சிகிச்சை பெற ஆட்டோவில் சென்றார். அழிஞ்சிகுப்பத்தில் சாலையோரம் நின்று கொண்டிருந்தவர்கள் மீது மோதுவது போன்று ஆட்டோ வேகமாக சென்றது. சிறிது நேரத்துக்கு பின்னர் சார்லஸ் மருத்துவமனையில் சிகிச்சை பெற்று விட்டு ஊர் திரும்பினார்.


அப்போது அங்கு நின்று கொண்டிருந்த அதே பகுதியை சேர்ந்த ராஜா, தென்னரசு உள்பட 4 பேர் ஆட்டோ மோதுவது போன்று வேகமாக சென்றதற்கு சார்லஸ் தான் காரணம் என்றுகூறி இரும்பு கம்பியால் சார்லசை சரமாரியாக தாக்கினர். இதில் படுகாயம் அடைந்த அவர் பரிதாபமாக உயிரிழந்தார். அவரது உடல் குடியாத்தம் அரசு மருத்துவமனையில் பிரேத பரிசோதனை செய்யப்பட்டது.

இதுதொடர்பாக மேல்பாடி போலீசார் வழக்குப்பதிந்து ராஜா, தென்னரசு உள்பட 4 பேரையும் கைது செய்து வேலூர் மத்திய ஜெயிலில் அடைத்தனர். இந்த வழக்கு வேலூர் கூடுதல் விரைவு கோர்ட்டில் நடந்து வருகிறது. சார்லஸ் உடலை பிரேத பரிசோதனை செய்த குடியாத்தம் அரசு டாக்டர் அங்கையர்கண்ணி நேரில் கோர்ட்டில் ஆஜராகி பதில் அளிக்கவில்லை. இதற்கிடையே டாக்டர் அங்கையர்கண்ணி கோவை அரசு மருத்துவக்கல்லூரி மருத்துவமனைக்கு மாறுதலாகி சென்றார்.

இந்த வழக்கில் ஆஜராகும்படி கடந்த மாதம் 9, 24, 30-ந் தேதிகள் மற்றும் கடந்த 8-ந் தேதியில் மேல்பாடி போலீசார் நேரில் டாக்டர் அங்கையர்கண்ணியிடம் சம்மன் கொடுக்க முயன்றபோது, அதனை பெறாமல் அலைக்கழித்ததாக கூறப்படுகிறது.

இந்த வழக்கு நீதிபதி குணசேகரன் முன்னிலையில் நேற்று விசாரணைக்கு வந்தது. அப்போது டாக்டர் அங்கையர்கண்ணி சம்மனை நேரில் பெறாமல் அலைக்கழித்தது மற்றும் வழக்கில் ஆஜராகாமல் இருப்பதற்கான காரணம் குறித்து உரிய விளக்கம் அளிக்கும்படி ‘நோட்டீசு’ அனுப்ப நீதிபதி உத்தரவிட்டார். அதையடுத்து டாக்டர் அங்கையர்கண்ணிக்கு ‘நோட்டீசு’ அனுப்பப்பட்டது. இந்த வழக்கில் அரசு தரப்பில் வக்கீல் அண்ணாமலை ஆஜரானார்.


தொடர்புடைய செய்திகள்

1. திருப்பூர், கோவை தொழில் வளர்ச்சியை கருத்தில் கொண்டு அவினாசி அருகே சர்வதேச விமான நிலையம் அமைக்க வேண்டும் - ஈ.ஆர்.ஈஸ்வரன் பேட்டி
திருப்பூர், கோவை தொழில் வளர்ச்சியை கருத்தில் கொண்டு அவினாசி அருகே சர்வதேச விமான நிலையம் அமைக்க வேண்டும் என்று ஈ.ஆர்.ஈஸ்வரன் கூறியுள்ளார்.
2. அரசு மருத்துவக்கல்லூரி மருத்துவமனையில் இறந்தவரின் உடலை பூனை கடிக்கவில்லை - டீன் விளக்கம்
கோவை அரசு மருத்துவக்கல்லூரி மருத்துவமனையில் இறந்தவரின் உடலை பூனை கடிக்கவில்லை என மருத்துவமனை டீன் அசோகன் விளக்கம் அளித்து உள்ளார்.
3. சேலம், கோவை நகர கியாஸ் வினியோக திட்டத்துக்கு பிரதமர் நரேந்திரமோடி 22-ந்தேதி அடிக்கல் நாட்டுகிறார்
பெட்ரோலியம் மற்றும் இயற்கை எரிவாயு ஒழுங்குமுறை வாரியம், சேலம் மற்றும் கோவை நகர கியாஸ் வினியோக திட்டத்திற்கு இந்தியன் ஆயில் கார்ப்பரேஷன் நிறுவனத்திற்கு உரிமம் வழங்கி உள்ளது.
4. சதாப்தி எக்ஸ்பிரஸ் ரெயிலில் கோவை-சேலம் கட்டணத்தை குறைக்க முடிவு
கோவையில் இருந்து செல்லும் சதாப்தி எக்ஸ்பிரசில் பயணிகளின் எண்ணிக்கை குறைந்ததால் சேலத்துக்கு கட்டணத்தை குறைக்க முடிவு செய்யப்பட்டுள்ளது.
5. விழுப்புரத்தில் பரபரப்பு: அரசு மருத்துவமனைக்குள் புகுந்து ஊழியர்கள் மீது தாக்குதல்
விழுப்புரத்தில் அரசு மருத்துவமனைக்குள் புகுந்து ஊழியர்கள் மீது தாக்குதல் நடத்தியதையடுத்து, பணி பாதுகாப்பு வழங்கக்கோரி டாக்டர்கள், செவிலியர்கள் போராட்டம் நடத்தினர்.