மாவட்ட செய்திகள்

முழுஅடைப்பின் போது வன்முறையில் ஈடுபட்ட 185 பேர் கைது + "||" + 185 people were arrested during the entire imprisonment

முழுஅடைப்பின் போது வன்முறையில் ஈடுபட்ட 185 பேர் கைது

முழுஅடைப்பின் போது வன்முறையில் ஈடுபட்ட 185 பேர் கைது
மராத்தா சமுதாயத்தினர் நடத்திய முழு அடைப்பின் போது புனேயில் வன்முறையில் ஈடுபட்ட 185 பேர் கைது செய்யப்பட்டனர்.
புனே,

கல்வி, வேலை வாய்ப்பில் இடஒதுக்கீடு கேட்டு போராடி வரும் மராத்தா சமுதாயத்தினர் நேற்றுமுன்தினம் மாநிலம் முழுவதும் முழுஅடைப்பு போராட்டம் நடத்தினார்கள். இந்த போராட்டத்தின் போது, மாநிலம் முழுவதும் பல்வேறு இடங்களில் வன்முறை சம்பவங்கள் நடந்தன.


குறிப்பாக புனேயில் மராத்தா சமுதாய பிரதிநிதிகள் கலெக்டரை சந்தித்து கோரிக்கை தொடர்பான மனுவை அளிக்க சென்றிருந்த நேரத்தில் அங்கு திரண்டு இருந்தவர்கள் திடீரென கலெக்டர் அலுவலகத்துக்குள் புகுந்து வன்முறையில் ஈடுபட்டனர்.

மேலும் அங்கு ஒரு அறையில் இருந்த பொருட்களை அடித்து நொறுக்கி சூறையாடினார்கள். மின்சார பல்புகளை உடைத்தனர். கலெக்டர் அலுவலக கேட்டையும் சேதப்படுத்தினர். போலீசார் அவர்களை தடியடி நடத்தி விரட்டினர்.

கலெக்டர் அலுவலகத்தை சூறையாடிய சம்பவத்தில் 5 பெண்கள் உள்பட 81 பேர் கைதானார்கள்.

புனே சாந்தனி சவுக் பகுதியில் ஒரு கும்பல் போலீசார் மீது கல்வீசி தாக்குதல் நடத்தியது. இது தொடர்பாக 83 பேர் கைது செய்யப்பட்டனர்.

மேலும் புனே நகரத்தில் ஆங்காங்கே நடந்த வன்முறைகள் தொடர்பாக 21 பேர் சிக்கினார்கள். மேற்படி வன்முறை சம்பவங்கள் தொடர்பாக கைதான 185 பேர் மீதும் போலீசார் வழக்குப்பதிவு செய்து விசாரணை நடத்தி வருகின்றனர். 

தொடர்புடைய செய்திகள்

1. பொங்கலூர் அருகே, தேங்காய் வியாபாரி கொலையில் ஆசாமி கைது
பொங்கலூர் அருகே தேங்காய் வியாபாரி கொலையில் ஆசாமியை தனிப்படை போலீசார் கைது செய்தனர். அண்ணனின் மோட்டார் சைக்கிளை திருப்பி கொடுக்காததால் அண்ணனுடன் சேர்ந்து கொன்றதாக போலீசில் பரபரப்பு வாக்குமூலம் கொடுத்துள்ளார். இந்த சம்பவம் குறித்து போலீஸ் தரப்பில் கூறப்படுவதாவது:-
2. என்ஜினீயர் வீட்டில் கொள்ளை: சிறுவன் உள்பட 3 பேர் கைது 37 பவுன் நகை மீட்பு
மணவாளக்குறிச்சி அருகே என்ஜினீயர் வீட்டில் கொள்ளையடித்த சிறுவன் உள்பட 3 பேரை போலீசார் கைது செய்தனர். அவர்களிடம் இருந்த 37 பவுன் நகை மீட்கப்பட்டது.
3. பூதப்பாண்டி அருகே ரோந்து சென்ற ஏட்டு மீது தாக்குதல் அண்ணன்-தம்பி கைது
பூதப்பாண்டி அருகே ரோந்து சென்ற ஏட்டை தாக்கிய அண்ணன்-தம்பியை போலீசார் கைது செய்து விசாரணை நடத்தி வருகிறார்கள்.
4. கருங்கல் அருகே முதியவர் கல்லால் அடித்துக்கொலை தொழிலாளி கைது
கருங்கல் அருகே முன்விரோதத்தில் முதியவரை கல்லால் அடித்துக்கொலை செய்த தொழிலாளியை போலீசார் கைது செய்தனர்.
5. உடையார்பாளையத்தில் மோட்டார் சைக்கிள் மீது லாரி மோதல்; 3 பேர் பலி டிரைவர் கைது
உடையார்பாளையத்தில் மோட்டார் சைக்கிள் மீது லாரி மோதிய விபத்தில் 3 பேர் பலியாயினர். இதுகுறித்து போலீசார் வழக்குப்பதிவு செய்து லாரி டிரைவரை கைது செய்து விசாரணை நடத்தி வருகின்றனர்.