மாவட்ட செய்திகள்

கே.ஆர்.எஸ்., கபினி அணை: தமிழகத்திற்கு வினாடிக்கு 8 ஆயிரம் கனஅடி நீர் செல்கிறது + "||" + KRS, Kabini Dam: 8 thousand cubic feet of water goes to Tamil Nadu

கே.ஆர்.எஸ்., கபினி அணை: தமிழகத்திற்கு வினாடிக்கு 8 ஆயிரம் கனஅடி நீர் செல்கிறது

கே.ஆர்.எஸ்., கபினி அணை: தமிழகத்திற்கு வினாடிக்கு 8 ஆயிரம் கனஅடி நீர் செல்கிறது
கே.ஆர்.எஸ்., கபினி அணைகளில் இருந்து தமிழகத்திற்கு வினாடிக்கு 8 ஆயிரம் கனஅடி நீர் செல்கிறது.
பெங்களூரு,

காவிரி நீர்ப்பிடிப்பு பகுதிகளில் கடந்த 2 மாதங்களாக பெய்து வந்த கனமழையால் மண்டியாவில் உள்ள கே.ஆர்.எஸ்., மைசூருவில் உள்ள கபினி அணைகளுக்கு நீர்வரத்து அதிகரித்தது. இதனால் 2 அணைகளும் 2 தடவை நிரம்பின. குடகு மாவட்டத்தில் தொடர்ந்து பெய்து வந்த மழையால் கே.ஆர்.எஸ். அணை 3-வது முறையாக கடந்த 31-ந்தேதி முழுகொள்ளளவை எட்டியது.


இந்த நிலையில் காவிரி நீர்ப்பிடிப்பு பகுதிகளில் மழை பொழிவு படிப்படியாக குறைந்து வருகிறது. இதனால் அணைகளுக்கு வரும் நீரின் அளவும் வெகுவாக குறைந்துள்ளது. நேற்று காலை நிலவரப்படி 124 அடி கொள்ளளவு கொண்ட கே.ஆர்.எஸ். அணையின் நீர்மட்டம் 124.74 அடியாக இருந்தது. கடந்த 6 நாட்களாக முழுகொள்ளளவில் இருந்த கே.ஆர்.எஸ். அணைக்கு நீர்வரத்து குறைந்த போதிலும், கணிசமான அளவு தண்ணீர் திறந்துவிடப்பட்டு வந்தது. இதனால் அணையின் நீர்மட்டம் தற்போது குறைந்துவிட்டது. அணைக்கு வினாடிக்கு3,954 கனஅடி நீர் வந்து கொண்டிருந்த. அணையில் வினாடிக்கு 4,741 கனஅடி நீர் திறந்துவிடப்பட்டுள்ளது.

அதுபோல் கடல் மட்டத்தில் இருந்து 2,282 அடி கொள்ளளவு கொண்ட கபினி அணையின் நீர்மட்டம் நேற்று 2,283.69 கனஅடியாக இருந்தது. அணைக்கு வினாடிக்கு 4,075 கனஅடி நீர் வந்தது. அணையில் இருந்து வினாடிக்கு4,250 கனஅடி நீர் வெளியேற்றப்பட்டது. இதனால் நேற்றைய நிலவரப்படி இரு அணைகளில் இருந்தும் தமிழகத்திற்கு வினாடிக்கு 8,964 கனஅடி நீர் சென்று கொண்டிருந்தது.

தொடர்புடைய செய்திகள்

1. கைவிடப்பட்ட, அநாதை குழந்தைகள் எண்ணிக்கையில் தமிழகத்திற்கு முதலிடம்
கைவிடப்பட்ட, அநாதை குழந்தைகள் எண்ணிக்கையில் தமிழகம் முதலிடத்தில் உள்ளது என புதிய அறிக்கை ஒன்று தெரிவித்து உள்ளது.
2. ஜனவரி மாத இறுதியில் தேர்தல் பிரசாரத்திற்காக தமிழகம் வருகிறார் பிரதமர் மோடி
ஜனவரி மாத இறுதியில் தேர்தல் பிரசாரத்திற்காக பிரதமர் மோடி தமிழகம் வருகை தர உள்ளார்.
3. தமிழகத்தில் அடுத்த 3 நாட்களுக்கு வறண்ட வானிலையே காணப்படும் : சென்னை வானிலை மையம்
தமிழகத்தில் அடுத்த 3 நாட்களுக்கு வறண்ட வானிலையே காணப்படும் என்று சென்னை வானிலை மையம் தெரிவித்துள்ளது.
4. துளிகள்
மொகாலியில் நடந்து வரும் தமிழகத்திற்கு எதிரான ரஞ்சி கிரிக்கெட்டில் பஞ்சாப் அணி முதல் இன்னிங்சில் 479 ரன்கள் குவித்தது.
5. மேகதாது அணை: கர்நாடகாவுக்கு அளித்துள்ள அனுமதியை திரும்பப்பெற வலியுறுத்தி பிரதமர் மோடிக்கு முதல்வர் பழனிச்சாமி கடிதம்
மேகதாது அணை விவகாரத்தில் கர்நாடகாவுக்கு அளித்துள்ள அனுமதியை திரும்பப்பெற வலியுறுத்தி பிரதமர் மோடிக்கு முதல்வர் எடப்பாடி பழனிச்சாமி கடிதம் எழுதியுள்ளார்.