மாவட்ட செய்திகள்

கிருஷ்ணகிரியில் போலீசார், குடும்பத்தினருக்கான சிறப்பு மருத்துவ முகாம் கலெக்டர் தொடங்கி வைத்தார் + "||" + In Krishnagiri police started a special medical camp collector for the family

கிருஷ்ணகிரியில் போலீசார், குடும்பத்தினருக்கான சிறப்பு மருத்துவ முகாம் கலெக்டர் தொடங்கி வைத்தார்

கிருஷ்ணகிரியில் போலீசார், குடும்பத்தினருக்கான சிறப்பு மருத்துவ முகாம் கலெக்டர் தொடங்கி வைத்தார்
கிருஷ்ணகிரியில் போலீசார், குடும்பத்தினருக்கான சிறப்பு மருத்துவ முகாமினை கலெக்டர் பிரபாகர் தொடங்கி வைத்தார்.
கிருஷ்ணகிரி,

கிருஷ்ணகிரி மாவட்ட காவல் ஆயுதப்படை வளாகத்தில், செய்யாறு சிறப்பு பொருளாதார மண்டலம் மற்றும் காவேரி மருத்துவமனை இணைந்து நடத்திய போலீசார் மற்றும் குடும்பத்தினருக்கான சிறப்பு மருத்துவ முகாம் நடந்தது. முகாமினை கலெக்டர் டாக்டர் பிரபாகர் தொடங்கி வைத்து, பேசினார். அப்போது அவர் கூறிய தாவது:-


காவல்துறை பணியானது மகத்தான பணியாகும். உடல் மற்றும் மன நலம் மிகவும் அவசியமானது.

எனவே, இந்த மருத்துவ பரிசோதனையை நல்ல முறையில் பயன்படுத்திக் கொள்ள வேண்டும். வாரந்தோறும் சனிக்கிழமை யோகா வகுப்பில் கலந்து கொண்டு உடல் ஆரோக்கியத்தை பேணி காக்க வேண்டும். காவல்துறையினர் ஆரம்ப காலத்திலேயே தங்களுக்கு வரக்கூடிய சிறு, சிறு உடல் சார்ந்த உபாதைகளை சரிசெய்துகொள்ள நேரம் ஒதுக்கி கொள்ள வேண்டும். அப்போது தான் உடல் நலம் ஆரோக்கியமாக இருக்கும்.

குடும்பத்தாருடனும் ஆரோக்கியமாக இருக்க வேண்டும். இந்த மருத்துவ முகாமில் சர்க்கரை நோய், இதயம் சார்ந்த நோய் பரிசோதனை, கண் பரிசோதனை, ரத்த அழுத்தம், எலும்பு முறிவு பரிசோதனை உள்ளிட்ட பல்வேறு வகையான மருத்துவ பரிசோதனைகள் செய்து கொள்ள ஏற்பாடு செய்யப்பட்டுள்ளது. எனவே, இந்த நல்ல வாய்ப்பினை அனைவரும் பயன்படுத்திக் கொள்ள வேண்டும்.

இவ்வாறு அவர் பேசினார்.

இந்த முகாமில் 500-க்கும் மேற்பட்ட காவல்துறையினர் மற்றும் குடும்பத்தினர் கலந்துகொண்டனர். செய்யாறு சிறப்பு பொருளாதார மண்டல பொது மேலாளர்கள் அருள்சம்மந்தம், சக்திவேல், தைவான் நாட்டை சேர்ந்த மருத்துவர் நீனா, காவேரி மருத்துவமனை நாகேஷ்குமார், மாவட்ட குற்றப்பிரிவு துணை போலீஸ் சூப்பிரண்டு ராஜேந்திரன், நலப்பணிகள் இணை இயக்குனர் டாக்டர் அசோக்குமார், பர்கூர் துணை போலீஸ் சூப்பிரண்டு தங்கவேல், தனிப்பிரிவு போலீஸ் இன்ஸ்பெக்டர் முத்தமிழ் செல்வராசு, இன்ஸ்பெக்டர்கள் சப்-இன்ஸ்பெக்டர்கள், போலீசார் பலர் கலந்து கொண்டனர்.

முன்னதாக நிர்வாக பொது மேலாளர் அருண் மகாவிஷ்ணு வரவேற்புரையாற்றினார்.

முடிவில் மனிதவள மேம்பாட்டு துறை துணை பொது மேலாளர் காரல்மார்க்ஸ் நன்றி கூறினார்.

முகாமிற்கான ஏற்பாடுகளை ஆயுதப்படை போலீஸ் இன்ஸ்பெக்டர் சுப்பிரமணி செய்திருந்தார். 

தொடர்புடைய செய்திகள்

1. நாகர்கோவில் மாநகராட்சியுடன் 18 ஊராட்சிகளை இணைக்கும் முடிவை ரத்து செய்ய வேண்டும்
நாகர்கோவில் மாநகராட்சியுடன் 18 ஊராட்சிகளை இணைக்கும் முடிவை ரத்து செய்ய வேண்டும் என்று மீன் தொழிலாளர் சங்க நிர்வாகிகள் மனு கொடுத்தனர்.
2. வெண்ணந்தூரில் மனுநீதி நாள் முகாம்: 106 பயனாளிகளுக்கு ரூ.30 லட்சத்தில் நலத்திட்ட உதவிகள் கலெக்டர் வழங்கினார்
வெண்ணந்தூரில் நடைபெற்ற மனுநீதி நாள் முகாமில் 106 பயனாளிகளுக்கு ரூ.30½ லட்சத்தில் நலத்திட்ட உதவிகளை கலெக்டர் ஆசியா மரியம் வழங்கினார்.
3. கலெக்டர் அலுவலகத்தில் மனுகொடுக்க மணிக்கணக்கில் காத்து கிடந்த பொதுமக்கள் கண்டுகொள்ளாத அதிகாரிகள்
நாகர்கோவில் கலெக்டர் அலுவலகத்தில் நடந்த குறைதீர்க்கும் முகாமில் மனுகொடுக்க வந்த பொதுமக்கள் மணிக்கணக்கில் காத்து கிடந்தனர். ஆனால் அதிகாரிகள் யாரும் இதை கண்டுகொள்ளவில்லை.
4. அரியலூர் மாவட்ட அமைப்பு சாரா தொழிலாளர் நலவாரிய உறுப்பினர் சேர்க்கை சிறப்பு முகாம் இன்று நடக்கிறது
அரியலூர் மாவட்ட அமைப்பு சாரா தொழிலாளர் நலவாரிய உறுப்பினர் சேர்க்கை சிறப்பு முகாம் இன்று நடக்கிறது.
5. டிரைவர்கள் விழிப்புணர்வுடன் இருந்தால் சாலை விபத்துக்களை தவிர்க்கலாம் போலீஸ் சூப்பிரண்டு ஸ்ரீநாத் பேச்சு
டிரைவர்கள் விழிப்புணர்வுடன் இருந்தால் பெரும்பாலான சாலை விபத்துக்களை தவிர்க்கலாம் என்று போலீஸ் சூப்பிரண்டு ஸ்ரீநாத் கூறினார்.

ஆசிரியரின் தேர்வுகள்...