மாவட்ட செய்திகள்

கழிவறையை மீண்டும் பயன்பாட்டிற்கு கொண்டு வர வேண்டும் + "||" + should be brought back to use

கழிவறையை மீண்டும் பயன்பாட்டிற்கு கொண்டு வர வேண்டும்

கழிவறையை மீண்டும் பயன்பாட்டிற்கு கொண்டு வர வேண்டும்
பெரம்பலூர் கலெக்டர் அலுவலக வளாகத்தில் உள்ள கழிவறையை மீண்டும் பயன்பாட்டிற்கு கொண்டு வர மாவட்ட நிர்வாகம் நடவடிக்கை எடுக்க வேண்டும் என்று பொதுமக்கள், சமூக ஆர்வலர்கள் கோரிக்கை விடுத்துள்ளனர்.
பெரம்பலூர், 

பெரம்பலூர் மாவட்ட கலெக்டர் அலுவலக வளாகத்தில் சிறுவர் அறிவியல் பூங்கா, அதனருகே கலெக்டர் அலுவலகத்திற்கு வரும் பொதுமக்கள் அமருவதற்கு இடமும், ஸ்கேட்டிங் மைதானமும் உள்ளது. இதனால் பூங்காவிற்கு வருபவர்கள், கலெக்டர் அலுவலகத்திற்கு வரும் பொதுமக்கள், ஸ்கேட்டிங் பயிற்சிக்கு வருபவர்கள் இயற்கை உபாதை கழிப்பதற்காக அதே வளாகத்தில் கழிவறை அமைக்கப்பட்டது. அதனை ஏராளமானோர் பயன்படுத்தி வந்தனர். தற்போது அந்த கழிவறை பழுதடைந்தும், மேற்கூரையின்றியும், தண்ணீர் வசதியின்றியும், மேலும் கழிவறை கோப்பைகள் சேதமடைந்தும் மோசமான நிலையில் காணப்படுகிறது.இதனால் சிறுவர் பூங்கா, கலெக்டர் அலுவலகம், ஸ்கேட்டிங் பயிற்சிக்கு வருபவர்கள் திறந்தவெளியில் இயற்கை உபாதை கழிக்க வேண்டிய அவல நிலை ஏற்பட்டுள்ளது. இதனால் பெண்கள் மிகுந்த சிரமத்துக்கு ஆளாகின்றனர். பழுதடைந்து காணப்படும் கழிவறையில் சமூக விரோத செயல்கள் நடைபெறுவதாகவும் கூறப்படுகிறது.

இது தொடர்பாக மாவட்ட நிர்வாகத்திடம் பொதுமக்கள், சமூக ஆர்வலர்கள் பலமுறை மனு கொடுத்தும் இதுவரை அதிகாரிகள் நடவடிக்கை எடுத்தபாடில்லை. கலெக்டர் அலுவலக வளாகத்தில் பழுதடைந்து காணப்படும் கழிவறையை கூட இதுவரை சரி செய்ய வராத அதிகாரிகள், தங்களது பகுதியில் உள்ள குறைகளை எப்படி சரி செய்வார்கள் என்று கோரிக்கை மனுக்களை அதிகாரிகளிடம் கொடுத்து விட்டு செல்லும் பொதுமக்கள், சமூக ஆர்வலர்கள் புலம்பியவாறு செல்வதை காண முடிகிறது. கலெக்டர் அலுவலக வளாகத்தில் பழுதடைந்து காணப்படும் கழிவறையை சீரமைத்து மீண்டும் பொதுமக்கள் பயன்பாட்டிற்கு கொண்டு வர மாவட்ட நிர்வாகம் நடவடிக்கை எடுக்க வேண்டும் என்று பொதுமக்கள், சமூக ஆர்வலர்கள் கோரிக்கை விடுத்துள்ளனர். 


தொடர்புடைய செய்திகள்

1. சம்பள உயர்வை அமல்படுத்த வலியுறுத்தி கலெக்டர் அலுவலகத்தை முற்றுகையிட்ட அங்கன்வாடி பணியாளர்கள்
சம்பள உயர்வை அமல்படுத்த வலியுறுத்தி அங்கன்வாடி பணியாளர்கள் கலெக்டர் அலுவலகத்தை முற்றுகையிட்டனர்.
2. கலெக்டர் அலுவலகத்தை முற்றுகையிட முயற்சி 23 பேர் கைது
திருப்பூர் கலெக்டர் அலுவலகத்தை முற்றுகையிட முயன்ற 23 பேரை போலீசார் கைது செய்தனர்.
3. கலெக்டர் அலுவலகத்தை முற்றுகையிட்ட பொதுமக்கள்
முறையாக குடிநீர் வினியோகம் செய்ய வலியுறுத்தி கலெக்டர் அலுவலகத்தை பொதுமக்கள் முற்றுகையிட்டனர்.
4. நிதி நிறுவனத்தால் பாதிக்கப்பட்டவர்கள் போராட்டம் நடத்த முயன்றதால் பரபரப்பு
நிதி நிறுவனத்தால் பாதிக்கப்பட்டவர்கள் திரண்டு வந்து கலெக்டர் அலுவலகத்தில் மனு கொடுத்தனர். அப்போது திடீரென போராட்டம் நடத்த முயன்றதால் பரபரப்பு ஏற்பட்டது.
5. தாய் கண் முன்னே தீக்குளிக்க முயன்ற வாலிபர் கைது
தேனி கலெக்டர் அலுவலகத்தில் தாய் கண் முன்னே தீக்குளிக்க முயன்ற வாலிபரை போலீசார் கைது செய்தனர். மண்எண்ணெய் கேனுடன் வந்த 2 மூதாட்டிகளையும் போலீசார் அறிவுரை கூறி அனுப்பி வைத்தனர்.