மாவட்ட செய்திகள்

ராஜீவ்காந்தி கொலை கைதிகள் 7 பேரையும் சோனியா, ராகுல், பிரியங்கா மன்னித்து விட்டார்கள் - ஈ.வி.கே.எஸ்.இளங்கோவன் + "||" + Rajiv Gandhi murder convicts 7 persons Sonia, Rahul and Priyanka have forgiven me

ராஜீவ்காந்தி கொலை கைதிகள் 7 பேரையும் சோனியா, ராகுல், பிரியங்கா மன்னித்து விட்டார்கள் - ஈ.வி.கே.எஸ்.இளங்கோவன்

ராஜீவ்காந்தி கொலை கைதிகள் 7 பேரையும் சோனியா, ராகுல், பிரியங்கா மன்னித்து விட்டார்கள் - ஈ.வி.கே.எஸ்.இளங்கோவன்
ராஜீவ்காந்தி கொலை கைதிகள் 7 பேரையும் சோனியா, ராகுல், பிரியங்கா மன்னித்து விட்டார்கள் என்று ஈ.வி.கே.எஸ்.இளங்கோவன் கூறினார்.

ஈரோடு,

ரபேல் போர் விமானம் ஊழல் தொடர்பாக காங்கிரஸ் கட்சியினர் நேற்று ஈரோட்டில் ஊர்வலம் மற்றும் ஆர்ப்பாட்டம் நடத்தினார்கள். இந்த போராட்டத்துக்கு தமிழ்நாடு காங்கிரஸ் முன்னாள் தலைவர் ஈ.வி.கே.எஸ்.இளங்கோவன் தலைமை தாங்கினார்.

 அப்போது நிருபர்களுக்கு பேட்டி அளித்த அவர் கூறியதாவது:–

ஊழல் இல்லாத அரசை அமைப்போம் என்று கூறி ஆட்சிக்கு வந்த பிரதமர் மோடியின் ஆட்சியில் ராணுவ தளவாடங்கள், போர் விமானங்கள் வாங்குவதில் மிகப்பெரிய ஊழல் நடந்து உள்ளது. இதை கேட்டால், அவர்கள் வாங்கும் விமானங்களில்தான் ராணுவ தளவாடங்கள் இருக்கின்றன. ஏற்கனவே காங்கிரஸ் ஒப்பந்தம் செய்திருந்த விமானங்களில் ராணுவ தளவாடங்கள் இல்லை என்று பொய் சொல்கிறார்கள்.

ராணுவ மந்திரி நிர்மலா சீதாராமன், போர் விமானத்துக்கு என்ன விலை கொடுத்தாலும் அதை சொல்ல முடியாது என்கிறார். விமானத்தின் பறக்கும் சக்தி உள்ளிட்ட ரகசியங்களை வேண்டுமானால் சொல்லக்கூடாது. ஆனால் விமானத்தின் விலையை சொல்வதில் எந்த சட்டச்சிக்கலும் கிடையாது.

ராஜீவ்காந்தி கொலை கைதிகள் பிரச்சினையை பொறுத்தவரை நாங்கள் மிகவும் தெளிவாகவே இருக்கிறோம். ஏற்கனவே சொல்லியும் விட்டோம். எங்கள் தலைவர்கள் சோனியாகாந்தியும், ராகுல்காந்தியும், பிரியங்கா காந்தியும் அந்த 7 பேரையும் மன்னித்து விட்டார்கள். இனிமேல் இந்த வி‌ஷயத்தில் அரசுதான் முடிவெடுக்க வேண்டும்.

குட்கா ஊழல் வி‌ஷயத்தில் நடவடிக்கை எடுக்க வேண்டியவர்களே குற்றம் செய்து இருக்கிறார்கள். எனவே பதில் கூற முடியாமல் திணறுகிறார்கள். விரைவில் எல்லா அமைச்சர்களும் கம்பி எண்ணப்போவது உறுதி.

தமிழ்நாட்டில் அறிவிக்கப்படாத மின்வெட்டு பல இடங்களில் உள்ளது. ஆனால் மின்வெட்டு இல்லை என்று கூறியே கிராமங்களில் தினசரி 4 மணி நேரம் முதல் 6 மணி நேரம் வரை மின்வெட்டு செய்கிறார்கள்.

இவ்வாறு தமிழ்நாடு காங்கிரஸ் முன்னாள் தலைவர் ஈ.வி.கே.எஸ்.இளங்கோவன் கூறினார்.



தொடர்புடைய செய்திகள்

1. இந்து முன்னணி பிரமுகர் கொலை வழக்கு: ஓமன் நாட்டில் உள்ள கோவை வாலிபரை பிடிக்க என்.ஐ.ஏ. நடவடிக்கை
இந்து முன்னணி பிரமுகர் சசிகுமார் கொலை வழக்கு தொடர்பாக ஓமன் நாட்டில் தங்கியுள்ள கோவை வாலிபரை பிடிக்க, சர்வதேச போலீஸ் உதவியை என்.ஐ.ஏ. அமைப்பு நாடியுள்ளது.
2. காரைக்குடியில் கிரைண்டர் கல்லை போட்டு தொழிலாளி கொலை; மகள் கைது
காரைக்குடியில் மதுகுடித்து தகராறு செய்த தொழிலாளியை கிரைண்டர் கல்லை போட்டு அவரது மகளே கொன்ற சம்பவம் பரபரப்பை ஏற்படுத்தியது.
3. வில்லியனூர் அருகே கர்ப்பிணி கொலையில் கைதானவர் சிறையில் அடைப்பு
வில்லியனூர் அருகே கழுத்தை அறுத்து கர்ப்பிணி கொலை செய்யப்பட்டதில் கைதானவர் சிறையில் அடைக்கப்பட்டார். தோஷம் கழிப்பதாக கூறி ஒரே குடும்பத்தை சேர்ந்த பெண்களிடம் அவர் பணம் பறித்ததும் அம்பலமானது.
4. காங்கிரஸ் பிரமுகர் கொலையில் கைதான கூட்டாளியுடன் ரவுடி டிராக் சிவா சிறையில் அடைப்பு
புதுச்சேரி காங்கிரஸ் பிரமுகர் கொலையில் கைதான ரவுடி டிராக் சிவா, அவரது கூட்டாளியுடன் சிறையில் அடைக்கப்பட்டார்.
5. அ.தி.மு.க. நிர்வாகி கொலை: 4 பேரிடம் விடிய, விடிய விசாரணை
ஓசூர் அ.தி.மு.க. நிர்வாகி கொலை வழக்கில் பிடிபட்ட 4 பேரிடமும் விடிய, விடிய போலீசார் விசாரணை நடத்தினார்கள்.