மாவட்ட செய்திகள்

இலவச சீருடைகள் வழங்கக்கோரி வகுப்புகளை புறக்கணித்து மாணவர்கள் போராட்டம் + "||" + Students boycott classes and struggle

இலவச சீருடைகள் வழங்கக்கோரி வகுப்புகளை புறக்கணித்து மாணவர்கள் போராட்டம்

இலவச சீருடைகள் வழங்கக்கோரி வகுப்புகளை புறக்கணித்து மாணவர்கள் போராட்டம்
இலவச சீருடைகள் வழங்கக்கோரி அரசு உயர்நிலைப்பள்ளி மாணவர்கள் நேற்று வகுப்புகளை புறக்கணித்து போராட்டத்தில் ஈடுபட்டனர்.

திருபுவனை,

புதுச்சேரி மாநிலத்தில் பள்ளிகள் தொடங்கி சில நாட்களுக்குள் மாணவர்களுக்கு இலவச சீருடைகள் வழங்கப்படுவது வழக்கம். ஆனால் இந்த ஆண்டு பள்ளி தொடங்கி 3 மாதங்களுக்கு மேல் ஆகியும் மாணவர்களுக்கு இலவச சீருடைகள் வழங்கப்படவில்லை. அதனால் மாணவர்கள் பாதிக்கப்பட்டு உள்ளனர்.

மேலும் மாணவர்களுக்கு உடனடியாக இலவச சீருடைகள் வழங்க வேண்டும் என்று அரசுக்கு பல்வேறு தரப்பிலிருந்தும் கோரிக்கைகள் விடுக்கப்பட்டு வருகின்றன.

இந்த நிலையில் இலவச சீருடைகள் இதுவரை வழங்கப்படாததை கண்டித்தும், உடனடியாக இலவச சீருடை வழங்கக்கோரியும், புதுச்சேரி மாநிலம் மதகடிப்பட்டுப்பாளையத்தில் உள்ள அரசு உயர்நிலைப்பள்ளி மாணவர்கள் நேற்று வகுப்புகளை புறக்கணித்து போராட்டத்தில் ஈடுபட்டனர். நேற்றுக் காலை வழக்கம்போல் பள்ளிக்கு வந்த மாணவர்கள், வகுப்புகளை புறக்கணித்து பள்ளி வாசலில் திரண்டனர். பின்னர் பள்ளியின் நுழைவுவாயில் கதவை இழுத்து மூடி போராட்டத்தில் ஈடுபட்டனர். மாணவர்களுடன் அவர்களின் பெற்றோரும் இந்த போராட்டத்தில் பங்கேற்று ஆர்ப்பாட்டம் செய்தனர். இந்த திடீர் போராட்டம் காரணமாக அங்கு பரபரப்பு நிலவியது.

போராட்டம் பற்றி அறிந்ததும் பள்ளியின் தலைமை ஆசிரியர் கணபதி போராட்டத்தில் ஈடுபட்ட மாணவர்களை சமாதானம் செய்தார். கல்வித்துறை அதிகாரிகளிடம் பேசி இலவச சீருடை வழங்க உரிய நடவடிக்கை எடுப்பதாக உறுதி அளித்தார். அதனை ஏற்று மாணவர்கள் போராட்டத்தை கைவிட்டு வகுப்புகளுக்கு சென்றனர். மாணவர்களின் பெற்றோரும் அங்கிருந்து கலைந்து சென்றனர்.


தொடர்புடைய செய்திகள்

1. அரசு நேரடி கொள்முதல் நிலையம் திறக்காததை கண்டித்து சாலையில் நெல்லை கொட்டி விவசாயிகள் போராட்டம்
நேரடி நெல் கொள்முதல் நிலையம் திறக்காததை கண்டித்து நாகை அருகே சாலையில் நெல்லை கொட்டி விவசாயிகள் போராட்டத்தில் ஈடுபட்டனர்.
2. த.மா.கா. விவசாய அணி சார்பில் பிரதமருக்கு 1 லட்சம் தபால் அட்டைகள் அனுப்பும் போராட்டம்
த.மா.கா. விவசாய அணி சார்பில் பிரதமருக்கு 1 லட்சம் தபால் அட்டைகள் அனுப்பும் போராட்டம் தஞ்சையில் நடந்தது. மேகதாதுவில் அணை கட்டுவதை தடுத்து நிறுத்த வலியுறுத்தி இந்த தபால் அட்டைகள் அனுப்பப்பட்டு வருகின்றன.
3. அதிகாரிகளை கண்டித்து ஆட்டோ டிரைவர்கள் போராட்டம்
அதிகாரிகளை கண்டித்து ஆட்டோ டிரைவர்கள் போராட்டத்தில் ஈடுபட்டனர்.
4. கர்நாடகாவில் இருந்து நெல் மூட்டை ஏற்றி வந்த லாரியை சிறைபிடித்து விவசாயிகள் போராட்டம் குடவாசல் அருகே பரபரப்பு
குடவாசல் அருகே கர்நாடகாவில் இருந்து நெல் மூட்டைகளை ஏற்றி வந்த லாரியை சிறைபிடித்து விவசாயிகள் போராட்டத்தில் ஈடுபட்டதால் பரபரப்பு ஏற்பட்டது.
5. ஜாக்டோ–ஜியோவின் 7 அம்ச கோரிக்கைகளை வலியுறுத்தி மாநிலம் முழுவதும் 25–ந்தேதி மறியல் போராட்டம்
ஜாக்டோ–ஜியோவின் 7 அம்ச கோரிக்கைகளை வலியுறுத்தி தமிழகத்தில் வருகிற 25–ந்தேதி மாநிலம் முழுவதும் சாலை மறியல் போராட்டம் நடத்துவது என தொடக்கப்பள்ளி ஆசிரியர் கூட்டணி மாவட்ட செயலாளர்கள் கூட்டத்தில் தீர்மானம் நிறைவேற்றப்பட்டது.