மாவட்ட செய்திகள்

திருவள்ளூர் அருகே மளிகை கடையின் பூட்டை உடைத்து 40 பவுன் நகை, பணம் கொள்ளை + "||" + Grocery store jewelry, money robbery

திருவள்ளூர் அருகே மளிகை கடையின் பூட்டை உடைத்து 40 பவுன் நகை, பணம் கொள்ளை

திருவள்ளூர் அருகே மளிகை கடையின் பூட்டை உடைத்து 40 பவுன் நகை, பணம் கொள்ளை
திருவள்ளூர் அருகே மளிகை கடையின் பூட்டை உடைத்து 40 பவுன் தங்க நகைகள், ரூ.78 ஆயிரம், ½ கிலோ வெள்ளி பொருட்கள் மற்றும் 10 அரிசி மூட்டைகள், மளிகை பொருட்களை கொள்ளையடித்து சென்ற மர்மநபர்களை போலீசார் தேடி வருகின்றனர்.

திருவள்ளூர்,

திருவள்ளூரை அடுத்த காக்களூர் பூங்கா நகர், தேவா நகர் பகுதியில் வசித்து வருபவர் கிருஷ்ணகுமார்(வயது 54). இவருடைய மனைவி ஜான்சிராணி(48). இவர்களுக்கு ஒரு மகனும், ஒரு மகளும் உள்ளனர்.

கிருஷ்ணகுமார், அதே பகுதி டீச்சர்ஸ் காலனி முதல் தெருவில் மளிகை கடை வைத்து வியாபாரம் செய்து வருகிறார். கடந்த சில தினங்களுக்கு முன்பு கிருஷ்ணகுமாரின் பக்கத்து வீட்டின் பூட்டை உடைத்து உள்ளே புகுந்த மர்மநபர்கள் 10 பவுன் தங்க நகைகள், வெள்ளி பொருட்களை திருடிச்சென்று விட்டனர்.

இதனால் பயந்துபோன கிருஷ்ணகுமார், தனது வீட்டில் இருந்த 40 பவுன் தங்க நகைகள், ரூ.78 ஆயிரம் மற்றும் ½ கிலோ வெள்ளி பொருட்களை பாதுகாப்பாக இருக்கும் என்ற எண்ணத்தில் தனது மளிகை கடையில் வைத்து இருந்தார்.

நேற்று காலை வழக்கம்போல் கிருஷ்ணகுமார், மளிகை கடையை திறக்க வந்தார். அப்போது கடையின் முன்பக்க ‌ஷட்டரில் இருந்த பூட்டு உடைக்கப்பட்டு இருந்ததை கண்டு அதிர்ச்சி அடைந்தார். கடைக்குள் சென்று பார்த்தபோது, மளிகை பொருட்கள் ஆங்காங்கே சிதறி கிடந்தது.

கடையில் வைத்து இருந்த 40 பவுன் தங்க நகைகள், ரூ.78 ஆயிரம், ½ கிலோ வெள்ளி பொருட்கள் கொள்ளையடிக்கப்பட்டு இருந்தது. மேலும் மளிகை கடையில் இருந்த 10 அரிசி மூட்டைகள் மற்றும் மளிகை பொருட்களையும் மர்மநபர்கள் தூக்கிச்சென்று இருப்பது தெரிந்தது.

இதுபற்றி கிருஷ்ணகுமார் அளித்த புகாரின்பேரில் திருவள்ளூர் தாலுகா போலீசார் சம்பவ இடத்துக்கு சென்று விசாரணை நடத்தினர். கிருஷ்ணகுமார், தனது வீட்டில் உள்ள தங்க நகைகள், பணத்தை மளிகை கடையில் வைத்து இருப்பதை அறிந்து கொண்ட மர்மநபர்கள், நேற்று முன்தினம் நள்ளிரவில் கடையின் பூட்டை உடைத்து உள்ளே புகுந்து தங்கள் கைவரிசையை காட்டி இருப்பது தெரியவந்தது.

எனவே கிருஷ்ணகுமாருக்கு நன்கு தெரிந்த நபர்கள் இந்த கொள்ளையில் ஈடுபட்டு இருக்கலாம் என போலீசார் சந்தேகிக்கிறார்கள். சம்பவ இடத்துக்கு கைரேகை நிபுணர்களும் வரவழைக்கப்பட்டு மர்மநபர்களின் கைரேகைகளை பதிவு செய்து கொண்டனர்.

மேலும் இதுபற்றி போலீஸ் சப்–இன்ஸ்பெக்டர்கள் ராக்கிகுமாரி, சுகந்தி ஆகியோர் வழக்குப்பதிவு செய்து மளிகை கடையின் பூட்டை உடைத்து கொள்ளையடித்து சென்ற மர்மநபர்களை தேடி வருகின்றனர்.


தொடர்புடைய செய்திகள்

1. கொள்ளை வழக்கில் 2 பேர் கைது : ஆதர்வாடி ஜெயிலில் இருந்து தப்பியவர்கள்
தானே, பிவண்டி பகுதியில் உள்ள நூல் குடோனில் கடந்த 1-ந்தேதி ரூ.2 லட்சத்து 67 ஆயிரம் மதிப்பிலான நூல் பண்டல்கள் கொள்ளையடிக்கப்பட்டது.
2. திருப்பூரில் 2 பேரை வெட்டி பணத்தை கொள்ளையடித்து சென்ற ரவுடி கைது
திருப்பூரில் 2 பேரை அரிவாளால் வெட்டி பணத்தை கொள்ளையடித்து சென்ற பிரபல ரவுடியை போலீசார் கைது செய்தனர்.
3. திருநின்றவூர், பட்டாபிராம் பகுதியில் வழிப்பறி கொள்ளையன் கைது
திருநின்றவூர், பட்டாபிராம் பகுதிகளில் வழிப்பறி மற்றும் கொள்ளை வழக்கில் ஈடுபட்ட பிரபல கொள்ளையன் கைது செய்யப்பட்டார்.
4. கும்மிடிப்பூண்டியில் துணிகரம் 2 கடைகளில் ரூ.3 லட்சம் தாமிர வயர்கள், பணம் கொள்ளை
கும்மிடிப்பூண்டியில் 2 கடைகளின் பூட்டை உடைத்து ரூ.3 லட்சம் மதிப்புள்ள தாமிர வயர்கள் மற்றும் பணத்தை கொள்ளையடித்த மர்மநபர்களை போலீசார் தேடி வருகிறார்கள்.
5. டாஸ்மாக் ஊழியரை வெட்டி ரூ.5¼ லட்சம் கொள்ளை மர்ம நபர்களுக்கு போலீஸ் வலைவீச்சு
ஆரல்வாய்மொழி அருகே டாஸ்மாக் ஊழியரை அரிவாளால் வெட்டி ரூ.5¼ லட்சம் கொள்ளையடித்து சென்ற மர்ம நபர்களை போலீசார் வலைவீசி தேடி வருகிறார்கள்.