மாவட்ட செய்திகள்

ராஜாக்கமங்கலம் அருகே பலத்த மழை: வீடு இடிந்து மூதாட்டி சாவு + "||" + Heavy rain near Rajagamangalam: the house was demolished and murdered

ராஜாக்கமங்கலம் அருகே பலத்த மழை: வீடு இடிந்து மூதாட்டி சாவு

ராஜாக்கமங்கலம் அருகே பலத்த மழை: வீடு இடிந்து மூதாட்டி சாவு
ராஜாக்கமங்கலம் அருகே பலத்த மழைக்கு வீடு இடிந்து விழுந்து மூதாட்டி பலியானார்.
ராஜாக்கமங்கலம்,

ராஜாக்கமங்கலம் அருகே உள்ள பூச்சிவிளாகம் பகுதியை சேர்ந்தவர் சமுத்திரபாண்டியன். இவருடைய மனைவி தங்க நாடாச்சி (வயது 87). இவர்களுக்கு 2 மகன்களும், 4 மகள்களும் உள்ளனர். மகன்கள் மற்றும் மகள்களுக்கு திருமணம் முடிந்து அனைவரும் தனியாக வசித்து வருகின்றனர்.


கடந்த ஒரு ஆண்டுக்கு முன்பு சமுத்திரபாண்டியன் இறந்து விட்டார். அதைதொடர்ந்து தங்க நாடாச்சி, தனியாக வீட்டில் வசித்து வந்தார். அந்த வீடு மண் சுவர் கொண்ட ஓடு போட்ட வீடு ஆகும். இவரது மகன்கள், தங்க நாடாச்சியை அந்த வீட்டில் வசிக்க வேண்டாம் என்றும், தங்களுடன் வந்து வசிக்கும்படியும் பல முறை அழைத்தனர். ஆனால் தங்க நாடாச்சி, தனது கணவர் கட்டிய வீட்டில் அவர் நினைவாக வசிக்க விரும்புவதாக கூறி, அவர்களுடன் செல்ல மறுத்து அந்த வீட்டிலேயே தனியாக வசித்து வந்தார்.

இந்தநிலையில் நேற்று முன்தினம் நாகர்கோவில் மற்றும் ராஜாக்கமங்கலத்தில் பலத்த மழை பெய்தது. இரவு தங்க நாடாச்சி வீட்டில் தூங்கிக்கொண்டிருந்தார். நள்ளிரவில் மழையின் காரணமாக வீடு திடீரென இடிந்து விழுந்தது. இதில் இடிபாடுகளுக்குள் சிக்கி அவர் படுகாயம் அடைந்து உயிருக்கு போராடிக்கொண்டிருந்தார். இதனால் அதிர்ச்சி அடைந்த அக்கம் பக்கத்தினர் அவரை மீட்டு ஆசாரிபள்ளம் அரசு ஆஸ்பத்திரிக்கு அனுப்பிவைத்தனர். அங்கு தீவிர சிகிச்சை அளித்தும் பலனின்றி தங்க நாடாச்சி பரிதாபமாக இறந்தார்.

இதுகுறித்து ராஜாக்கமங்கலம் போலீசார் வழக்குப்பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. ஸ்ரீரங்கத்தில் சூறாவளி காற்றுடன் பலத்த மழை; மரங்கள் சாய்ந்தன-மின்சாரம் துண்டிப்பு ஓட்டுப்பதிவு பாதிப்பு
திருச்சி ஸ்ரீரங்கம் பகுதியில் நேற்று மாலை சூறாவளி காற்றுடன் பலத்த மழை பெய்தது. இதனால், பல இடங்களில் வயர் அறுந்ததால் மின்சாரம் துண்டிக்கப்பட்டது. இதனால், ஓட்டுப் பதிவும் பாதிக்கப்பட்டது.
2. வடமாநிலங்களில் புழுதிப் புயலுடன் பெய்த மழைக்கு பலியானோர் எண்ணிக்கை 50 ஆக உயர்வு
வடமாநிலங்களில் புழுதிப் புயலுடன் பெய்த மழைக்கு பலியானோர் எண்ணிக்கை தற்போது 50 ஆக உயர்ந்துள்ளது.
3. வடமாநிலங்களில் புழுதிப் புயலுடன் பெய்த மழைக்கு 35 பேர் உயிரிழப்பு
வடமாநிலங்களில் புழுதிப் புயலுடன் பெய்த மழைக்கு 35 பேர் உயிரிழந்துள்ளனர்.
4. மலேசியாவில் மழைநீர் கால்வாய் மீது பஸ் மோதி 11 பேர் சாவு
மலேசியாவின் பிரபல சரக்கு விமான நிறுவனத்தில் பணியாற்றும் ஒப்பந்த ஊழியர்கள் 43 பேரை ஏற்றிக் கொண்டு, நாகிரி சிம்பிலான் மாகாணத்தின் நிலாய் நகரில் இருந்து தலைநகர் கோலாலம்பூருக்கு பஸ் ஒன்று புறப்பட்டு சென்றது.
5. தண்ணீர் பற்றாக்குறையை போக்க செயற்கை மழையை வரவழைக்க ஏன் முயற்சி செய்யக்கூடாது? மத்திய, மாநில அரசுகளுக்கு ஐகோர்ட்டு கேள்வி
தண்ணீர் பற்றாக்குறையை போக்க செயற்கை மழை வரவழைக்க ஏன் முயற்சி செய்யக்கூடாது என்று மத்திய, மாநில அரசுகளுக்கு மதுரை ஐகோர்ட்டு கேள்வி எழுப்பி உள்ளது.