மாவட்ட செய்திகள்

கரூரில் 2 கடைகளின் பூட்டை உடைத்து பணம் திருட்டு மர்மநபருக்கு போலீசார் வலைவீச்சு + "||" + The police broke into the locker and locked the locker with 2 stores in Karur

கரூரில் 2 கடைகளின் பூட்டை உடைத்து பணம் திருட்டு மர்மநபருக்கு போலீசார் வலைவீச்சு

கரூரில் 2 கடைகளின் பூட்டை உடைத்து பணம் திருட்டு மர்மநபருக்கு போலீசார் வலைவீச்சு
கரூரில் 2 கடைகளின் பூட்டை உடைத்து பணம் திருடிய மர்மநபரை போலீசார் வலைவீசி தேடி வருகின்றனர்.
கரூர்,

கரூர் வடக்கு காந்தி கிராமத்தை சேர்ந்தவர் வித்யாசாகர்(வயது 25). இவர் வையாபுரி நகர் கோவை ரோடு பகுதியில் துணிக்கடை வைத்து நடத்தி வருகிறார். நேற்று முன்தினம் காலை வழக்கம் போல் கடையை திறக்க வந்த போது, கடையின் பூட்டு உடைக்கப்பட்டு இருந்தது. இதனால் அதிர்ச்சியடைந்த அவர் உள்ளே சென்று பார்த்தபோது ஜவுளி துணிகள் அனைத்தும் ஆங்காங்கே சிதறி கிடந்தன. மேலும் கல்லா பெட்டியை பார்த்தபோது, அதில் இருந்த ரூ.2,000 திருடப்பட்டு இருப்பது தெரிய வந்தது.


இதேபோல் அந்த பகுதியில் உள்ள வீட்டு உபயோக பொருட்களை விற்பனை செய்யும் மற்றொரு கடையிலும் ரூ.8,000 திருட்டு போயிருந்தது தெரிய வந்தது. இந்த திருட்டு சம்பவம் குறித்து கரூர் டவுன் போலீசாருக்கு தகவல் தெரிவிக்கப்பட்டது. அதன்பேரில் சம்பவ இடத்திற்கு வந்த போலீசார் அந்த 2 கடைகளையும் பார்வையிட்டு தீவிரமாக விசாரித்தனர்.

வலைவீச்சு

மேலும் துணிக்கடையில் இருந்த சி.சி.டி.வி. கேமரா பதிவுகளை பார்வையிட்டபோது மர்மநபர் ஒருவர் டார்ச்லைட் அடித்து கொண்டு கடைக்குள் நுழைந்து பணம் திருடுவது தெளிவாக பதிவாகியிருந்தது. அதனை வைத்து திருட்டு சம்பவத்தில் ஈடுபட்ட அந்த நபரை போலீசார் வலைவீசி தேடி வருகின்றனர். தீபாவளி பண்டிகை வியாபாரம் கோவை ரோடு பகுதியில் மும்முரமாக நடந்து வரும் வேளையில் துணிக்கடை உள்பட 2 கடைகளின் பூட்டை உடைத்து பணம் திருட்டு போன சம்பவம் அப்பகுதியில் பெரும் பரபரப்பை ஏற்படுத்தி உள்ளது.

தொடர்புடைய செய்திகள்

1. திருப்பூரில் பட்டப்பகலில் துணிகரம்: கலெக்டர் அலுவலக பெண் ஊழியர் வீட்டில் ரூ.14 லட்சம் திருட்டு மர்ம ஆசாமிகள் கைவரிசை
திருப்பூரில் பட்டப்பகலில் கலெக்டர் அலுவலக பெண் ஊழியர் வீட்டில் பூட்டை உடைத்து ரூ.14 லட்சத்தை மர்ம ஆசாமிகள் துணிகரமாக திருடி சென்றனர். அவர்களை போலீசார் தேடி வருகின்றனர்.
2. திருட்டு, கொள்ளையில் ஈடுபட்ட பெண் உள்பட 22 பேர் கைது
பெங்களூருவில் திருட்டு, கொள்ளையில் ஈடுபட்ட பெண் உள்பட 22 பேர் கைது செய்யப்பட்டுள்ளனர். அவர்களிடம் இருந்து ரூ.61 லட்சம் மதிப்பிலான நகைகள், வாகனங்கள் மீட்கப்பட்டுள்ளன.
3. தஞ்சை திருமண மண்டபத்தில் மணமகளுக்கு சொந்தமான 60 பவுன் நகை திருட்டு
தஞ்சை திருமண மண்டபத்தில் மணமகளுக்கு சொந்தமான 60 பவுன் நகையை திருடிச் சென்ற மர்மநபர், போலீசாரை கண்டதும் நகையை போட்டுவிட்டு தப்பி சென்றுவிட்டார்.
4. பண்ருட்டியில், ஆசிரியர் தம்பதி வீட்டில் திருடிய வாலிபர் கைது
பண்ருட்டியில் ஆசிரியர் தம்பதி வீட்டில் திருடிய வாலிபரை போலீசார் கைது செய்தனர்.
5. அரக்கோணம் அருகே, 2 டாஸ்மாக் கடைகளில் ரூ.1½ லட்சம் கொள்ளை - பூட்டுகளை உடைத்து மர்மநபர்கள் கைவரிசை
அரக்கோணம் அருகே 2 டாஸ்மாக் கடைகளில் பூட்டை உடைத்து மர்மநபர்கள் ரூ.1½ லட்சத்தை கொள்ளையடித்துச்சென்றுள்ளனர்.