மாவட்ட செய்திகள்

நிதி நிறுவனம் நடத்தி ரூ.18½ கோடி மோசடி பாதிக்கப்பட்டவர்கள் போலீஸ் சூப்பிரண்டு அலுவலகத்தில் மனு + "||" + Rs 18½ crore fraud victims held by the finance company filed a police suicide office

நிதி நிறுவனம் நடத்தி ரூ.18½ கோடி மோசடி பாதிக்கப்பட்டவர்கள் போலீஸ் சூப்பிரண்டு அலுவலகத்தில் மனு

நிதி நிறுவனம் நடத்தி ரூ.18½ கோடி மோசடி பாதிக்கப்பட்டவர்கள் போலீஸ் சூப்பிரண்டு அலுவலகத்தில் மனு
குமரி மாவட்டத்தில் நிதி நிறுவனம் நடத்தி ரூ.18½ கோடி மோசடி செய்யப்பட்டுள்ளதாக மாவட்ட போலீஸ் சூப்பிரண்டு அலுவலகத்தில் பாதிக்கப்பட்டவர்கள் மனு கொடுத்தனர்.
நாகர்கோவில்,

குளச்சல் அருகே உள்ள சைமன் காலனியை சேர்ந்த செல்வராஜன் (வயது 50), திற்பரப்பு அருகில் உள்ள தோதாத்துவிளையை சேர்ந்த ராஜேஸ்வரி அம்மா (52), நாகர்கோவில் அருகே பாம்பன்விளையை சேர்ந்த சக்திவேல் (36) உள்பட ஏராளமானோர் நேற்று நாகர்கோவிலில் உள்ள மாவட்ட போலீஸ் சூப்பிரண்டு அலுவலகத்தில் மனு கொடுத்தனர். அந்த மனுவில் கூறியிருப்பதாவது:–


குமரி மாவட்டம் நாகர்கோவில் மற்றும் மார்த்தாண்டம் ஆகிய பகுதிகளில் மதுரையை தலைமையிடமாகக் கொண்டு “திருமருதூர் அக்ரோ டெவலப்பர்ஸ் இந்தியா லிமிடெட்’’ என்ற பெயரில் நிதி நிறுவனம் ஒன்று செயல்பட்டு வந்தது. அந்த நிறுவனத்தில் 7 பேர் நிர்வாகிகளாக செயல்பட்டனர். குமரி மாவட்டத்தில் முகவர்கள் மூலமாக பொதுமக்களிடம் ஆசைவார்த்தை கூறி தவணை முறையில் ரூ.60 ஆயிரம் செலுத்தினால் 5 ஆண்டுகள் முடியும் தருவாயில் ரூ.90 ஆயிரம் பணமாகவோ, அதற்கு ஈடாக பொதுமக்களுக்கு 10 சென்ட் நிலமாகவோ கொடுக்கப்படும் என்று சொல்லி பணம் வசூலித்தனர்.

இதை நம்பி நாங்கள் உள்பட 3,700 பேர் முகவர்கள் மூலமாகவும், நேரடியாகவும் பணம் செலுத்தினோம். அதற்கான ரசீது மற்றும் பாண்ட் ஆகியவற்றை நிதி நிறுவனம் நடத்தியவர்கள் தந்தார்கள். 5 வருடம் முடிந்த பிறகும் பணம் செலுத்தியவர்களுக்கு நிதி நிறுவனத்தினர் கூறியபடி பணத்தையோ, நிலத்தையோ கொடுக்காமல் ஏமாற்றி வந்தனர். இதற்கிடையே அந்த நிதி நிறுவனம் போலி நிதி நிறுவனம் என்பது எங்களுக்கு தெரிய வந்தது.

இந்தநிலையில் நிர்வாகிகள் அலுவலகத்தை பூட்டி விட்டு அவரவர் சொந்த ஊரான மதுரை உள்ளிட்ட பல்வேறு பகுதிகளுக்கு சென்று தலைமறைவாகி விட்டனர். தொலைபேசியில் தொடர்பு கொண்டு பணத்தை கேட்டால் தருகிறோம், தருகிறோம் எனக்கூறி ஏமாற்றினர். எங்கள் அனைவருக்கும் நிதி நிறுவனத்தினர் தர வேண்டிய மொத்த தொகை ரூ.18 கோடியே 50 லட்சம் ஆகும். தற்போது தொலைபேசியில் பணம் கேட்பவர்களுக்கு கொலை மிரட்டல் விடுத்து வருகிறார்கள். எனவே போலி நிதி நிறுவனம் நடத்தி எங்களுடைய பணத்தை ஏமாற்றி சென்ற நிதி நிறுவன நிர்வாகிகள் மீது நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. ராபர்ட் வதேராவின் முன்ஜாமீனை ரத்து செய்யக்கோரி அமலாக்கப்பிரிவு டெல்லி ஐகோர்ட்டில் மனு தாக்கல்
ராபர்ட் வதேராவின் முன்ஜாமீனை ரத்து செய்யக்கோரிய மனுவினை, அமலாக்கப்பிரிவு டெல்லி ஐகோர்ட்டில் தாக்கல் செய்தது.
2. பள்ளியில் வேலை வாங்கி தருவதாக பெண்ணிடம் ரூ.14 லட்சம் மோசடி ஆசிரியர்கள் 2 பேர் மீது வழக்கு
பள்ளியில் வேலை வாங்கி தருவதாக பெண்ணிடம் ரூ.14 லட்சம் மோசடி செய்த ஆசிரியர்கள் 2 பேர் மீது போலீசார் வழக்கு பதிவு செய்து விசாரணை நடத்தி வருகிறார்கள்.
3. ஆணவக்கொலை செய்ய திட்டம்: பாதுகாப்புக்கு துப்பாக்கி உரிமம் வழங்கக்கோரி பெண் வக்கீல் மனு
சாதி மறுப்பு திருமணம் செய்ததால் ஆணவக்கொலை செய்ய திட்டமிட்டுள்ளதாகவும், எனவே தனக்கு துப்பாக்கி உரிமம் வழங்கக்கோரியும் காதல் திருமணம் செய்த பெண் வக்கீல் போலீஸ் சூப்பிரண்டிடம் மனு கொடுத்தார்.
4. வன்முறையை தூண்டும் வகையில் பேசிய அமைச்சர் ராஜேந்திர பாலாஜி மீது நடவடிக்கை எடுக்க வேண்டும்
வன்முறையை தூண்டும் வகையில் பேசிய அமைச்சர் ராஜேந்திர பாலாஜி மீது நடவடிக்கை எடுக்க வேண்டும் என சேலம் போலீஸ் கமிஷனர் அலுவலகத்தில் கமல்ஹாசன் நற்பணி இயக்கத்தினர் புகார் மனு அளித்தனர்.
5. திருமணம் செய்வதாக ஆசை காட்டி பெண் டாக்டரிடம் ரூ.18 லட்சம் மோசடி செய்த என்ஜினீயர் கைது
திருமணம் செய்வதாக ஆசை காட்டி பெண் டாக்டரிடம் ரூ.18¾ லட்சம் மோசடி செய்த என்ஜினீயர் கைது செய்யப்பட்டார். அவர் போலி டாக்டராக நடித்தது பற்றியும் பரபரப்பு தகவல் கிடைத்து உள்ளது.