மாவட்ட செய்திகள்

பவானி சங்கமேஸ்வரர் கோவிலில் ஐம்பொன் சிலைகள் மாயம்; போலீசார் விசாரணை + "||" + Magic of fifty statues Police investigation

பவானி சங்கமேஸ்வரர் கோவிலில் ஐம்பொன் சிலைகள் மாயம்; போலீசார் விசாரணை

பவானி சங்கமேஸ்வரர் கோவிலில் ஐம்பொன் சிலைகள் மாயம்; போலீசார் விசாரணை
பவானி சங்கமேஸ்வரர் கோவிலில் ஐம்பொன் சிலைகள் மாயமாகிவிட்டதாக வந்த புகாரின் பேரில் சிலை கடத்தல் தடுப்பு பிரிவு போலீசார் விசாரணை நடத்தி வருகிறார்கள்.

பவானி,

ஈரோடு மாவட்டம் பவானி அருகே உள்ள ஒய்யாங்காடு பகுதியை சேர்ந்தவர் கந்தசாமி. இவர் சிலை கடத்தல் தடுப்பு பிரிவு ஐ.ஜி. பொன்மாணிக்கவேலுக்கு ஒரு புகார் மனு அனுப்பியுள்ளார். அந்த மனுவில் அவர் கூறியிருப்பதாவது:–

பவானியில் உள்ள பிரசித்தி பெற்ற சங்கமேஸ்வரர் கோவில் பள்ளியறையில் 28 ஆண்டுகளுக்கு முன்பு ஐம்பொன்னால் செய்யப்பட்ட, சுமார் 1 அடி உயர சொக்கன்–சொக்கி சிலைகள் இருந்தன. இதில் சொக்கன் என்பது சிவபெருமானையும், சொக்கி என்பது வேதநாயகி அம்மனை குறிக்கும். இந்த சிலைகள் கடந்த 1990–ம் ஆண்டு டிசம்பர் மாதம் 3–ந் தேதி திடீரென மாயமாகிவிட்டது. இதுகுறித்து இந்து சமய அறநிலையத்துறை அதிகாரிகள் பவானி போலீசில் புகார் செய்தனர். அதன்பேரில் போலீசார் விசாரணை நடத்தினார்கள். இந்த நிலையில் 4 ஆண்டுகளுக்கு பிறகு சிலைகளை கண்டுபிடிக்க முடியவில்லை என்று வழக்கை போலீசார் முடிவுக்கு கொண்டுவந்துவிட்டனர். எனவே மாயமான பழமையான சொக்கன், சொக்கி சிலைகளை கண்டுபிடித்து தர வேண்டும்.

இவ்வாறு அவர் கூறியிருந்தார்.

அதைத்தொடர்ந்து சிலை கடத்தல் தடுப்பு பிரிவு போலீசார் நேற்று முன்தினம் சங்கமேஸ்வரர் கோவிலுக்கு சென்று கோவில் நிர்வாகிகளிடம் விசாரணை நடத்தினார்கள். அப்போது அவர்கள், அந்த 2 சிலைகளும் கோவிலில் இருந்த விவரம் குறித்து விளக்கம் கேட்டு பெற்றுக்கொண்டார்கள். இதுதவிர கோவிலில் தற்போது இருக்கும் சிலைகள் எத்தனை? அவை எத்தனை ஆண்டுகள் பழமையானவை? என்ற விவரங்களையும் சேகரித்தார்கள்.

சிலை கடத்தல் தடுப்பு பிரிவு போலீசார் சங்கமேஸ்வரர் கோவிலில் திடீர் விசாரணை நடத்தியது பரபரப்பை ஏற்படுத்தி உள்ளது.



தொடர்புடைய செய்திகள்

1. திருவண்ணாமலை அருணாசலேஸ்வரர் கோவிலில் கார்த்திகை தீபத்திருவிழா கொடியேற்றம் 23–ந் தேதி மகாதீபம் ஏற்றப்படுகிறது
திருவண்ணாமலை அருணாசலேஸ்வரர் கோவிலில் கார்த்திகை தீபத் திருவிழா கொடியேற்றத்துடன் நேற்று தொடங்கியது. வருகிற 23–ந் தேதி 2 ஆயிரத்து 668 அடி மலை உச்சியில் மகாதீபம் ஏற்றப்படுகிறது.
2. மீனாட்சி அம்மன் கோவில் நிலங்களை மீட்கக்கோரி வழக்கு - அதிகாரிகளுக்கு ஐகோர்ட்டு நோட்டீஸ்
மீனாட்சி அம்மன் கோவில், திருப்பரங்குன்றம் முருகன் கோவில் நிலங்களை மீட்கக்கோரிய வழக்கில் அதிகாரிகள் பதில் அளிக்க ஐகோர்ட்டு உத்தரவிட்டுள்ளது.
3. கந்தசஷ்டி விழாவையொட்டி விராலிமலை முருகன் கோவிலில் சூரசம்ஹாரம்
கந்தசஷ்டி விழாவையொட்டி விராலிமலை முருகன் கோவிலில் சூரசம்ஹாரம் நடைபெற்றது. இதில் திரளான பக்தர்கள் கலந்து கொண்டனர்.
4. பஞ்சாயத்தால் மூதாட்டி சாவா? போலீசார் விசாரணை
பஞ்சாயத்தால் மூதாட்டி சாவா? போலீசார் விசாரணை.
5. விசாரணைக்கு ஆஜராக வந்த ஜனார்த்தனரெட்டியின் உதவியாளர் ‘திடீர்’ கைது
விசாரணைக்கு ஆஜராக வந்த ஜனார்த்தனரெட்டியின் உதவியாளர் திடீரென கைது செய்யப்பட்டார்.