மாவட்ட செய்திகள்

கஜா புயல் எதிரொலி: பாம்பனில் அலைகள் குறைந்து கடல் அமைதியானதால் பரபரப்பு + "||" + Echo of the ghaja storm: The waves in the pumpkin are reduced Sea quiet

கஜா புயல் எதிரொலி: பாம்பனில் அலைகள் குறைந்து கடல் அமைதியானதால் பரபரப்பு

கஜா புயல் எதிரொலி: பாம்பனில் அலைகள் குறைந்து கடல் அமைதியானதால் பரபரப்பு
கஜா புயல் எதிரொலியாக ராமநாதபுரம் மாவட்ட மீனவர்களுக்கு எச்சரிக்கை விடுக்கப்பட்டது. அதே நேரத்தில் நேற்று பாம்பனில் வழக்கத்துக்கு மாறாக கடல் திடீரென அமைதி நிலைக்கு மாறியது மீனவர்களிடையே பரபரப்பை ஏற்படுத்தியது.

ராமேசுவரம்,

வங்கக்கடலில் அந்தமான் அருகே கஜா புயல் உருவாகி உள்ளது. இதையடுத்து கடற்கரை மாவட்டங்களுக்கு கூடுதல் எச்சரிக்கை விடுக்கப்பட்டு உள்ளது.

ராமநாதபுரம் மாவட்டத்தில் புயல் முன்எச்சரிக்கை நடவடிக்கையை மாவட்ட நிர்வாகம் மேற்கொண்டு வருகிறது. ராமேசுவரம் பாம்பன் துறைமுக அலுவலகத்தில் 2–ம் எண் புயல் எச்சரிக்கை கூண்டு ஏற்றப்பட்டு மீனவர்கள் கடலுக்கு செல்ல தடை விதிக்கப்பட்டு உள்ளது. இதனால் விசைப்படகு, நாட்டுப்படகு மீனவர்கள் கடலுக்கு மீன்பிடிக்க செல்லவில்லை. கடலில் படகுகள் நிறுத்தப்பட்டு, துறைமுக பகுதி வெறிச்சோடி காணப்படுகிறது.

தனுஷ்கோடியில் வழக்கத்தை விட கடல் சீற்றத்துடன் காணப்பட்டாலும், பாம்பன் பகுதியில் வழக்கத்துக்கு மாறாக திடீரென கடல் அமைதியாகி குளம் போன்று காட்சி அளித்தது.

இது மீனவர்களிடையே பரபரப்பை ஏற்படுத்தி உள்ளது. இதுதொடர்பாக மீனவர்கள் கூறும் போது, “கடலில் அலைகள் எப்போதும் போல் இருந்தால் நாங்கள் கவலைகொள்ள மாட்டோம். சில நேரம் சீற்றமாகக்கூட இருக்கும். ஆனால் அமைதியாக இருக்கும் நாட்கள்தான் எங்களுக்கு அதிக கவலையை கொடுக்கும். பாம்பனில் கடல் அமைதியாக காணப்படுவதை காணும் போது அச்சமாக உள்ளது“ என்றனர். கஜா புயல் வலுவடைந்து வருவதையொட்டி கடலோர காவல்படையினர் தொடர்ந்து எச்சரிக்கை விடுத்து வருகின்றனர்.

இதுகுறித்து தாசில்தார்கள் சந்திரன், ஜபார் ஆகியோர் கூறியதாவது:–

ராமேசுவரம், பாம்பன் உள்ளிட்ட கடலோர பகுதிகளில் புயல் முன்எச்சரிக்கை நடவடிக்கை மேற்கொள்ளப்பட்டு வருகிறது. காப்பகங்கள் தயார் நிலையில் உள்ளன.

கடலோரத்தில் வசிப்பவர்களை பாதுகாப்பான இடங்களுக்கு அழைத்து செல்ல நடவடிக்கை எடுக்கப்பட்டு உள்ளது. புயலை எதிர்கொள்ள அனைத்து முன்ஏற்பாடுகளும் தீவிரமாக மேற்கொள்ளப்பட்டு வருகின்றன.

இவ்வாறு அவர்கள் கூறினர்.


தொடர்புடைய செய்திகள்

1. ‘ஸ்டெர்லைட் ஆலை ஆதரவாளர்கள் என் கணவரை கடத்தி வைத்திருக்கிறார்கள்’ முகிலனின் மனைவி பூங்கொடி பரபரப்பு பேட்டி
ஸ்டெர்லைட் ஆலையை ஆதரிப்பவர்கள்தான் என்னுடைய கணவரை கடத்தி வைத்துள்ளனர் என்று மாயமான முகிலனின் மனைவி பூங்கொடி கூறினார்.
2. ராஜபாளையம் பகுதியில் நில அதிர்வு பள்ளிகளுக்கு விடுமுறை விடப்பட்டதால் பரபரப்பு
ராஜபாளையம் பகுதியில் லேசான நில அதிர்வு உணரப்பட்டதால் பொது மக்களிடையே பீதி ஏற்பட்டது. இந்த சம்பவத்தை தொடர்ந்து பள்ளிகளுக்கு விடுமுறை விடப்பட்டது.
3. பெரும்பாலான காங்கிரஸ் எம்.எல்.ஏ.க்கள் சந்திரசேகர் ராவ் கட்சிக்கு செல்ல திட்டம்?
தெலுங்கானா சட்டசபையில் காங்கிரஸ் கட்சிக்கு 19 எம்.எல்.ஏ.க்கள் உள்ளனர். இதில் பலர் கட்சித்தலைமை மீது அதிருப்தியில் உள்ளனர்
4. அரசு கட்டிடம் அருகே தாழ்வாக பறந்த ஹெலிகாப்டரால் பரபரப்பு
வண்டலூர் உயிரியல் பூங்கா எதிரே உள்ள அரசு கட்டிடத்தின் மீது தாழ்வாக ஹெலிகாப்டர் பறந்ததால் பரபரப்பு ஏற்பட்டது.
5. போலி சிம் கார்டு வாங்கிய வழக்கில் ஸ்ரீவில்லிபுத்தூர் கோர்ட்டில் 2 மாவோயிஸ்டுகள் ஆஜர் கோவை போலீஸ் சூப்பிரண்டுக்கு எதிராக கோ‌ஷமிட்டதால் பரபரப்பு
சிவகாசியில் போலி சிம் கார்டு வாங்கிய வழக்கில் ஸ்ரீவில்லிபுத்தூர் மாவட்ட முதன்மை கோர்ட்டில் ஆஜர்படுத்தப்பட்ட பெண் உள்பட 2 மாவோயிஸ்டுகள் கோவை போலீஸ் சூப்பிரண்டுக்கு எதிராக கோ‌ஷமிட்டனர்.