சேலம் மாவட்டத்தைச் சேர்ந்த பொருளாதாரத்தில் மிகவும் பின்தங்கிய எஸ்.எஸ்.எல்.சி.மாணவர்களுக்கு “தினத்தந்தி” வழங்கும் கல்வி நிதி கலெக்டர் ரோகிணி நாளை வழங்குகிறார்

சேலம்,

கல்விப்பணியில் பல புரட்சிகளை செய்து மாணவர்களுக்கு வழிகாட்டி வரும் “தினத்தந்தி” மாணவர்களுக்கு ஊக்கம் அளிக்க வேண்டும் என்பதற்காக எஸ்.எஸ்.எல்.சி. மற்றும் பிளஸ்-2 பொதுத்தேர்வில் மாநில அளவில் முதல் மதிப்பெண் பெற்ற மாணவ-மாணவிகளுக்கு ரொக்கப்பரிசு வழங்கி வந்தது.

2014-2015-ம் கல்வி ஆண்டில் இருந்து இந்த பரிசு திட்டமானது, பொருளாதாரத்தில் மிகவும் பின்தங்கிய எஸ்.எஸ்.எல்.சி. மாணவ-மாணவிகள் தங்களது படிப்பை தொடரும் வகையில் “தினத்தந்தி” கல்வி நிதி திட்டத்தை அறிமுகப்படுத்தி உள்ளது. இந்த திட்டத்தின் கீழ் மாவட்டத்திற்கு 10 மாணவர்கள் வீதம் தமிழ்நாடு, புதுச்சேரி மற்றும் காரைக்கால் பகுதியைச் சேர்ந்த 340 மாணவ-மாணவிகள் தலா ரூ.10 ஆயிரம் வீதம் ரூ.34 லட்சம் பரிசு பெறுவதற்கு தேர்வு செய்யப்பட்டுள்ளனர்.

அதன்படி 2017-2018-ம் கல்வி ஆண்டில் தலா ரூ.10 ஆயிரம் “தினத்தந்தி” கல்வி நிதி பெற தகுதி பெற்றுள்ள சேலம் மாவட்டத்தை சேர்ந்த 10 மாணவ-மாணவிகளின் பெயர் விவரம் வருமாறு:-

1. ஆர்.பூபதி, கோல்டன் சாய்ஸ் மெட்ரிக் மேல்நிலைப்பள்ளி, தாசநாயக்கன்பட்டி, சேலம். 2. எம்.நரேஷ், விவேகானந்தா மெட்ரிக் மேல் நிலைப்பள்ளி, ஆத்தூர். 3. கே.வசீகரன், எஸ்.ஆர்.எம்.முத்தமிழ் மேல்நிலைப்பள்ளி, பெரியேரி. 4. ஆர்.விமல், ராசி மெட்ரிக் மேல்நிலைப்பள்ளி, ஈச்சம்பட்டி, மல்லியகரை. 5. ஏ.எஸ்.ராஜதுரை, ஸ்ரீராகவேந்திரா மெட்ரிக் மேல்நிலைப்பள்ளி, வீரகனூர். 6. எஸ்.பரத்குமார், ஸ்ரீசாரதா பாலமந்திர் ஆண்கள் மெட்ரிக் மேல் நிலைப்பள்ளி, சேலம். 7. கே.பிரியதர்ஷினி, புனித வின்சென்ட் பல்லோட்டி மெட்ரிக் மேல்நிலைப்பள்ளி, சர்கார் கொல்லப்பட்டி, சேலம். 8. கே.அபிராமி, செயின்ட் மேரீஸ் பெண்கள் மேல்நிலைப் பள்ளி, அரிசிபாளையம், சேலம். 9. எஸ்.வெங்கடேஸ்வரி, அரசு மகளிர் மேல் நிலைப்பள்ளி, கோட்டை, சேலம். 10. கே.நிவேதா, மாநகராட்சி மகளிர் மேல்நிலைப்பள்ளி, குகை, சேலம். மேற்கண்ட 10 பேர் “தினத்தந்தி” கல்வி நிதிக்கு தேர்வு பெற்று உள்ளனர்.

இந்த 10 மாணவ-மாணவிகளுக்கு “தினத்தந்தி” கல்விநிதி வழங்கும் விழா சேலம் கோட்டை அரசு பெண்கள் மேல்நிலைப்பள்ளியில் நாளை (வியாழக்கிழமை) மாலை 3 மணிக்கு நடக்கிறது. விழாவுக்கு மாவட்ட கலெக்டர் ரோகிணி தலைமை தாங்கி, மாணவ-மாணவிகளுக்கு கல்வி நிதியை வழங்கி சிறப்புரையாற்றுகிறார்.

சேலம் மாவட்ட முதன்மை கல்வி அலுவலர் டி.கணேசமூர்த்தி வாழ்த்தி பேசுகிறார். மாவட்ட கல்வி அலுவலர் (பொறுப்பு) மு.ஜோதி முன்னிலை வகிக்கிறார். சேலம் “தினத்தந்தி” மேலாளர் டி.ஜெகதீசன் வரவேற்று பேசுகிறார். பள்ளி தலைமை ஆசிரியை ரா.தமிழ்வாணி நன்றி கூறுகிறார்.