மாவட்ட செய்திகள்

புயலால் பாதிக்கப்பட்டவர்களுக்கு உடனே நிவாரணம் வழங்கக்கோரி இந்திய கம்யூனிஸ்டு கட்சியினர் சாலை மறியல் + "||" + The Communist Party of India (CPI) has stuck to the road to give relief to the victims

புயலால் பாதிக்கப்பட்டவர்களுக்கு உடனே நிவாரணம் வழங்கக்கோரி இந்திய கம்யூனிஸ்டு கட்சியினர் சாலை மறியல்

புயலால் பாதிக்கப்பட்டவர்களுக்கு உடனே நிவாரணம் வழங்கக்கோரி இந்திய கம்யூனிஸ்டு கட்சியினர் சாலை மறியல்
கஜா புயலால் பாதிக்கப்பட்டவர்களுக்கு உடனே நிவாரணம் வழங்கக்கோரி சாலை மறியலில் ஈடுபட்ட இந்திய கம்யூனிஸ்டு கட்சியினர் 35 பேரை போலீசார் கைது செய்தனர்.
மயிலாடுதுறை,

கஜா புயலால் பாதிக்கப்பட்டவர்களுக்கு உடனே நிவாரணம் வழங்கக்கோரி மயிலாடுதுறையில் இந்திய கம்யூனிஸ்டு கட்சி சார்பில் சாலை மறியல் போராட்டம் நடந்தது. போராட்டத்திற்கு மாநிலக்குழு உறுப்பினர் இடும்பையன் தலைமை தாங்கினார். போராட்டத்தின் போது, கஜா புயலால் பாதிக்கப்பட்ட குடிசை வீடுகள், ஓட்டு வீடுகள், தொகுப்பு வீடுகள் உள்ளிட்ட அனைத்து வீடுகளுக்கும் முழு நிவாரணம் வழங்க வேண்டும். கான்கிரீட் வீடுகளின் பாதிப்புக்கு ஏற்ப நிவாரணம் வழங்க வேண்டும். அரசு அறிவித்துள்ள நிவாரண அறிவிப்பை மறுபரிசீலனை செய்து பாதிப்புக்கு ஏற்ப நிவாரண தொகையை உயர்த்தி வழங்க வேண்டும். நிவாரண தொகையை பாதிக்கப்பட்டவர்களுக்கு நேரடியாக வழங்க வேண்டும். வீடுகளுக்கு முழுசேதம், பகுதி சேதம் என பிரித்து நிவாரணம் வழங்குவதை தவிர்த்து அனைவருக்கும் முழு நிவாரணம் வழங்க வேண்டும். விளை நிலங்களுக்கு ஏக்கருக்கு ரூ.25 ஆயிரம் வழங்க வேண்டும். கஜா புயலால் இறந்தவர்களின் குடும்பத்திற்கு ரூ.25 லட்சம் உதவித்தொகை வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பினர்.


இதில் கட்சியின் நகர செயலாளர் வாசு, ஒன்றிய செயலாளர் கிருஷ்ணமூர்த்தி, ஒன்றிய பொதுச் செயலாளர் ஷேக்இஸ்மாயில் உள்பட பலர் கலந்து கொண்டனர். அப்போது பாதுகாப்பு பணியில் இருந்த மயிலாடுதுறை போலீஸ் இன்ஸ்பெக்டர் டெல்லிபாபு மற்றும் போலீசார், சாலை மறியலில் ஈடுபட்ட கட்சியினர் 8 பேரை கைது செய்தனர்.

இதேபோல் சீர்காழி கொள்ளிடம் முக்கூட்டில் நடைபெற்ற சாலை மறியல் போராட்டத்திற்கு இந்திய கம்யூனிஸ்டு கட்சியின் ஒன்றிய செயலாளர் செல்லப்பன் தலைமை தாங்கினார். மாவட்ட நிர்வாகக்குழு உறுப்பினர் வீரராஜ், ஒன்றிய துணை செயலாளர் செல்வராஜ், விவசாய சங்க ஒன்றிய செயலாளர் வரதராஜன், விவசாய தொழிலாளர் சங்க ஒன்றிய செயலாளர் நீதிசோழன் ஆகியோர் முன்னிலை வகித்தனர்.

போராட்டத்தின்போது கஜா புயலால் பாதிக்கப்பட்டவர்களுக்கு உரிய நிவாரணம் உடனே வழங்க வலியுறுத்தி கோஷங்கள் எழுப்பினர். அப்போது அங்கு வந்த சீர்காழி துணை போலீஸ் சூப்பிரண்டு சேகர் தலைமையில் போலீஸ் இன்ஸ்பெக்டர்கள் சிங்காரவேலு, முனிசேகர் மற்றும் போலீசார் சாலை மறியலில் ஈடுபட்ட 27 பேரை கைது செய்தனர்.

தொடர்புடைய செய்திகள்

1. குடிநீர் கேட்டு காலிக்குடங்களுடன் பொதுமக்கள் சாலை மறியல்
குடிநீர் கேட்டு காலிக்குடங்களுடன் பொதுமக்கள் சாலை மறியலில் ஈடுபட்டனர்.
2. பொள்ளாச்சி பாலியல் வன்கொடுமை சம்பவத்தை கண்டித்து சாலை மறியலில் ஈடுபட்ட 17 பேர் கைது
பொள்ளாச்சி பாலியல் வன்கொடுமையை கண்டித்து விடுதலை சிறுத்தைகள் கட்சியினர் நேற்று மதியம் பெரம்பலூர் புதிய பஸ் நிலையம் முன்பு சாலையில் அமர்ந்து மறியலில் ஈடுபட்டனர்.
3. பல்வேறு கோரிக்கைகளை வலியுறுத்தி கிராம மக்கள் சாலை மறியல்
பல்வேறு கோரிக் கைகளை வலியுறுத்தி கிராமமக்கள் சாலை மறியலில் ஈடுபட்டனர்.
4. பாலியல் கும்பல் மீது நடவடிக்கை கோரி கல்லூரி மாணவர்கள் சாலை மறியல்
பொள்ளாச்சியில், பெண்களுக்கு எதிராக நடந்த பாலியல் சம்பவத்தை கண்டித்தும், அதில் சம்பந்தப்பட்ட கும்பல் மீது கடுமையான நடவடிக்கை எடுக்க வலியுறுத்தியும் கல்லூரி மாணவர்கள் வகுப்புகளை புறக்கணித்து வெளியே வந்தனர்.
5. சொத்து பிரச்சினையில் விபரீதம் மகனிடம் இருந்து விஷத்தை பறித்து குடித்த விவசாயி சாவு உறவினர்கள் சாலை மறியல்
சொத்து பிரச்சினையில் தாக்கியதால் அவமானம் அடைந்து விஷம் குடிக்க முயன்ற மகனிடம் இருந்து பறித்த விஷத்தை குடித்த விவசாயி உயிரிழந்தார்.