மாவட்ட செய்திகள்

இருவேறு விபத்துகளில் 2 பேர் சாவு + "||" + Two people are killed in two accidents

இருவேறு விபத்துகளில் 2 பேர் சாவு

இருவேறு விபத்துகளில் 2 பேர் சாவு
இருவேறு விபத்துகளில் 2 பேர் பரிதாபமாக இறந்தனர்.

திருத்தணி,

திருத்தணிஅருகே உள்ள சத்ரம்ஜெயபுரத்தை சேர்ந்தவர் லோகநாதன் (வயது 42). இவர் திருத்தணியில் உள்ள தனியார் ஏற்றுமதி நிறுவனத்தில் வேலை செய்து வந்தார். இந்த நிலையில் லோகநாதன் தன்னுடைய மோட்டார் சைக்கிளில் வீட்டில் இருந்து திருத்தணிக்கு வந்து கொண்டிருந்தார். அவர் திருத்தணி நாகராஜபுரம் நெடுஞ்சாலையில் நல்லாட்டூர் கூட்ரோடு அருகே வரும் போது திடீரென அவரது மோட்டார் சைக்கிள் நிலைதடுமாறியதால் கீழே விழுந்து படுகாயம் அடைந்தார்.

இதை பார்த்தவர்கள் உடனடியாக அவரை திருத்தணி அரசு ஆஸ்பத்திரிக்கு சிகிச்சைக்காக கொண்டு சென்றனர். ஆஸ்பத்திரிக்கு செல்லும் வழியிலேயே அவர் பரிதாபமாக உயிரிழந்தார். இந்த விபத்து குறித்து திருத்தணி போலீஸ் இன்ஸ்பெக்டர் பரந்தாமன் வழக்குப்பதிவு செய்து விசாரித்து வருகிறார்.

காஞ்சீபுரத்தை அடுத்த திம்மசமுத்திரத்தை சேர்ந்தவர் பாளையம் (65). கூலித்தொழிலாளி. காஞ்சீபுரத்தை அடுத்த சென்னை– பெங்களூரு தேசிய நெடுஞ்சாலை வெள்ளைகேட் என்ற இடத்தில், சாலை ஓரமாக நடந்து சென்று கொண்டிருந்தார். அப்போது பின்னால் வந்த அடையாளம் தெரியாத வாகனம் பாளையம் மீது மோதியது.

இதில், அதே இடத்தில் அவர் பரிதாபமாக உயிரிழந்தார். இது குறித்து காஞ்சீபுரம் தாலுகா போலீசார் வழக்குப்பதிவு செய்து விசாரித்து வருகின்றனர்.


தொடர்புடைய செய்திகள்

1. பல்லடத்தில் மொபட் மீது பஸ் மோதல்; கட்டிட தொழிலாளி பரிதாப சாவு பொதுமக்கள் போராட்டம்
பல்லடத்தில் மொபட் மீது தனியார் பஸ் மோதிய விபத்தில் கட்டிடதொழிலாளி பரிதாபமாக இறந்தார். இதன் காரணமாக ஆத்திரம் அடைந்த பொதுமக்கள் பஸ்சை தாக்கி போராட்டத்தில் ஈடுபட்டனர்.
2. திருச்சி அருகே முத்தையம்பாளையத்தில் கோவில் விழாவில் கூட்ட நெரிசலில் சிக்கி பெண்கள் உள்பட 7 பேர் பலி
திருச்சி அருகே முத்தையம்பாளையத்தில் கோவில் விழாவில் ஏற்பட்ட நெரிசலில் சிக்கி பெண்கள் உள்பட 7 பேர் இறந்தனர். பூசாரியிடம் பிடிக்காசு வாங்க முயன்றபோது இந்த பரிதாப சம்பவம் நடந்து உள்ளது.
3. பஸ் சக்கரத்தில் சிக்கி விவசாயி பலி: போலீசாரை கண்டித்து பொதுமக்கள் சாலை மறியல் போக்குவரத்து பாதிப்பு
பஸ் சக்கரத்தில் சிக்கி விவசாயி பலியானதை தொடர்ந்து போலீசாரை கண்டித்து பொதுமக்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.
4. தஞ்சை அருகே, ரோட்டு ஓர வயலில் பஸ் கவிழ்ந்து வாலிபர் பலி; 29 பேர் படுகாயம்
தஞ்சை அருகே ரோட்டு ஓர வயலில் பஸ் கவிழ்ந்ததில் வாலிபர் பலியானார். அவர் இறங்குவதற்காக படிக்கட்டிற்கு வந்தபோது உடல் நசுங்கி பலியானது தெரிய வந்தது. 29 பேர் படுகாயம் அடைந்தனர்.
5. தனித்தனி விபத்தில் பள்ளி மாணவன் உள்பட 4 பேர் பலி
தனித்தனி விபத்தில் பள்ளி மாணவன் உள்பட 4 பேர் பலியாகினர்.