<
மும்பை - நாக்பூர் விரைவு சாலை திட்டத்துக்கு நிலம் கையகப்படுத்த ரூ.500 கோடி மாநில தொழில் மேம்பாட்டு கழகம் வழங்கியது
மும்பை - நாக்பூர் விரைவு சாலை திட்டத்துக்கு நிலம் கையகப்படுத்தும் பணியை துரிதப்படுத்த மாநில தொழில் மேம்பாட்டு கழகம் ரூ.500 கோடி வழங்கி உள்ளது.
மும்பை,
மும்பை - நாக்பூர் விரைவு சாலை திட்டத்துக்கு நிலம் கையகப்படுத்தும் பணியை துரிதப்படுத்த மாநில தொழில் மேம்பாட்டு கழகம் ரூ.500 கோடி வழங்கி உள்ளது.
ரூ.500 கோடி
மும்பை - நாக்பூர் இடையே ரூ.49 ஆயிரத்து 247 கோடி செலவில் 700 கி.மீ. நீளத்திற்கு விரைவு சாலை போடப்படுகிறது. இந்த திட்டத்திற்காக ஏற்கனவே மாநில தொழில்மேம்பாட்டு கழகம், மாநில சாலை மேம்பாட்டு கழகத்திற்கு ரூ.1,000 கோடி வழங்கி இருந்தது.
இந்தநிலையில் மும்பை - நாக்பூர் விரைவு சாலை திட்டத்திற்கு மாநில தொழில்மேம்பாட்டு கழகம் மீண்டும் ரூ.500 கோடியை மும்பை சயாத்ரி மாளிகையில் நடந்த நிகழ்ச்சியின் போது வழங்கி உள்ளது.
நிலம் கையகப்படுத்த...
முதல்-மந்திரி தேவேந்திர பட்னாவிஸ் முன்னிலையில் ரூ.500 கோடிக்கான காசோலையை தொழில் துறை மந்திரி சுபாஷ் தேசாய், பொதுப்பணித்துறை மந்திரி ஏக்நாத் ஷிண்டேயிடம் வழங்கினார்.
இதுகுறித்து மாநில அரசு வெளியிட்ட தகவலில், மும்பை - நாக்பூர் விரைவு சாலை திட்டத்துக்கு நிலம் கையகப்படுத்தும் பணியை துரிதப்படுத்த மாநில தொழில்மேம்பாட்டு கழகம், சாலை மேம்பாட்டு கழகத்திற்கு இந்த பணத்தை வழங்கி உள்ளதாக தெரிவிக்கப்பட்டு உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
