மாவட்ட செய்திகள்

ஏ.டி.எம்.மில் பணம் எடுக்க வருபவர்களிடம் மோசடி நகைக்கடை அதிபர் மகன் கைது + "||" + Fraudsters are receiving money in ATM Jewel shop Chancellor Son arrested

ஏ.டி.எம்.மில் பணம் எடுக்க வருபவர்களிடம் மோசடி நகைக்கடை அதிபர் மகன் கைது

ஏ.டி.எம்.மில் பணம் எடுக்க வருபவர்களிடம் மோசடி நகைக்கடை அதிபர் மகன் கைது
சிவகங்கை, ஏ.டி.எம்.மில் பணம் எடுக்க வருபவர்களிடம் மோசடி செய்த நகைக்கடை அதிபர் மகன் கைது செய்யப்பட்டார்.
காளையார்கோவில்,

காளையார்கோவில், சிவகங்கை, காரைக்குடி நகரங்களில் உள்ள ஏ.டி.எம். மையங்களுக்கு வருபவர்களிடம் ஏ.டி.எம். கார்டு மூலம் பணம் மோசடி செய்யப்பட்டு வருவதாக போலீசாருக்கு தொடர்ந்து புகார்கள் வந்தன. இதுதொடர்பாக போலீசார் கண்காணிப்பில் ஈடுபட்டுவந்தனர். இந்தநிலையில் காளையார்கோவில் அருகே பள்ளித்தம்பத்தை சேர்ந்த அமல்ராஜ் (வயது 74) என்பவரிடமிருந்து ரூ.54 ஆயிரம், ஏ.டி.எம். கார்டு திருடு போனது. இதுகுறித்து அவர் காளையார்கோவில் போலீசில் புகார் செய்தார். இதேபோல மறவமங்கலத்தைச் சேர்ந்த சோமன் என்பவரின் ஏ.டி.எம். கார்டை பயன்படுத்தி ஒரு லட்சத்து 90 ஆயிரம் ரூபாயும், இதுபோல பலரிடம் ஏ.டி.எம். கார்டை மாற்றிக் கொடுத்து பணத்தை மோசடி செய்தது தொடர்பாகவும் புகார்கள் வந்தன.

இதையடுத்து ஏ.டி.எம். மையங்களில் உள்ள கேமராவை போலீசார் ஆய்வு செய்தனர். அதில் அனைத்து மோசடிகளிலும் ஒரே நபர் ஈடுபட்டது தெரியவந்தது. விசாரணையில் பரமக்குடியில் நகைக்கடை வைத்திருக்கும் மணிவாசகம் என்பவரின் மகன் விக்னேஷ்பாபு (27) என தெரிந்ததை தொடர்ந்து, அவரை போலீசார் தேடி வந்தனர். இதையறிந்த விக்னேஷ்பாபு மலேசியாவிற்கு தப்பிச் சென்றார். இந்தநிலையில் நாடு திரும்பிய அவர் மானாமதுரையில் உள்ள உறவினர் வீட்டில் இருப்பதாக தகவல் கிடைத்தது. காளையார்கோவில் போலீஸ் இன்ஸ்பெக்டர் மோகன் தலைமையிலான போலீசார் அங்கு விரைந்து சென்று அவரை கைது செய்தனர். மேலும் அவரிடமிருந்து ரூ.33 ஆயிரம் மற்றும் கவரிங் நகைகளை கைப்பற்றி விசாரித்து வருகின்றனர்.

தொடர்புடைய செய்திகள்

1. திருவானைக்காவலில் ஏ.டி.எம். எந்திரத்தின் கதவு திறந்து கிடந்ததால் பரபரப்பு
திருவானைக்காவலில் ஏ.டி.எம். எந்திரத்தின் கதவு திறந்த கிடந்ததால் அப்பகுதியில் பரபரப்பு ஏற்பட்டது.
2. திருச்சியில் ஏ.டி.எம். எந்திரத்தில் 500 ரூபாய் கள்ளநோட்டுகள் போலீசார் விசாரணை
திருச்சி திருவானைக்காவலில் உள்ள வங்கி ஏ.டி.எம். எந்திரத்தில் 500 ரூபாய் கள்ளநோட்டுகள் இருந்தது தொடர்பாக போலீசார் விசாரணை நடத்தி வருகிறார்கள்.
3. வாடிக்கையாளர்களின் ஏ.டி.எம். கார்டுகளை பயன்படுத்தி பல லட்ச ரூபாய் மோசடி
குடியாத்தம் பெட்ரோல் பங்க்கில் வாடிக்கையாளர்களின் ஏ.டி.எம். கார்டுகளை பயன்படுத்தி பல லட்சம் ரூபாய் மோசடி செய்தவர்கள் குறித்து போலீசார் விசாரணை நடத்தி வருகின்றனர்.
4. ஏ.டி.எம்.மில் பணம் எடுத்து தருவதாக கூறி தொழிலாளியிடம் ரூ.15 ஆயிரம் மோசடி - 2 பேர் கைது
கோவையில் ஏ.டி.எம்.மில் பணம் எடுத்து தருவதாக கூறி தொழிலாளியிடம் ரூ.15 ஆயிரம் மோசடி செய்ததாக 2 பேரை போலீசார் கைது செய்தனர். இது குறித்து போலீஸ் தரப்பில் கூறப்படுவதாவது:-
5. பருத்தி வாங்கி ரூ.3¼ கோடி மோசடி: தொழில் அதிபரை 4 நாட்கள் காவலில் எடுத்து விசாரிக்க அனுமதி
பருத்தி வாங்கி ரூ.3¼ கோடி மோசடி செய்த வழக்கில் தொழில் அதிபரை 4 நாட்கள் காவலில் எடுத்து விசாரிக்க கோர்ட்டு அனுமதி வழங்கி உள்ளது.