மாவட்ட செய்திகள்

கல்லூரி மாணவர்களுக்கு கஞ்சா விற்ற தம்பதி உள்பட 3 பேர் கைது + "||" + Three people arrested for selling kanja for college students

கல்லூரி மாணவர்களுக்கு கஞ்சா விற்ற தம்பதி உள்பட 3 பேர் கைது

கல்லூரி மாணவர்களுக்கு கஞ்சா விற்ற தம்பதி உள்பட 3 பேர் கைது
கல்லூரி மாணவர்களுக்கு கஞ்சா விற்ற தம்பதி உள்பட 3 பேரை போலீசார் கைது செய்தனர்.

கோவை,

தேனி மாவட்டம் தேவாரம் பகுதியை சேர்ந்தவர் முருகன் (வயது 56). இவருடைய மனைவி ஜெயா (45). இவர்கள் இருவரும் சவுரிபாளையம் பகுதியில் சந்தேகத்திற்கிடமாக நின்று கொண்டிருந்தனர். அந்த வழியாக ரோந்து சென்ற பீளமேடு சப்–இன்ஸ்பெக்டர் கந்தசாமி இருவரையும் பிடித்து விசாரித்தார். பின்னர் அவர்கள் வைத்திருந்த கைப்பையை சோதனை செய்தபோது அதில் 2 கிலோ கஞ்சா பொட்டலங்கள் இருந்தது கண்டுபிடிக்கப்பட்டது. இதையடுத்து இருவரையும் போலீசார் கைது செய்தனர்.

விசாரணையில் தேனியில் இருந்து கஞ்சாவை கடத்தி கொண்டு வந்து சிறு,சிறு பொட்டலங்களாக மாற்றி கோவையில் கல்லூரி மாணவர்களுக்கு விற்பனை செய்து வந்தது தெரியவந்தது. இவர்கள் கடந்த 4 ஆண்டுகளாக கோவை ஒத்தகால்மண்டபம் பகுதியில் வீடு வாடகைக்கு எடுத்து தங்கி கஞ்சாவை விற்று வந்தது விசாரணையில் தெரியவந்தது. பின்னர் அவர்கள் 2 பேரையும் போலீசார் கோர்ட்டில் ஆஜர்படுத்தி சிறையில் அடைத்தனர்.

கோவை காட்டூர் போலீசார் காந்திபுரம் டவுன் பஸ் நிலையம் பகுதியில் ரோந்து சென்றபோது பஸ் நிலையத்தின் எதிர்புறம் உள்ள கழிப்பிடம் அருகே முதியவர் ஒருவர் சந்தேகத்திற்கிடமாக நிற்பதை கண்டனர். அவரை பிடித்து சோதனை செய்தபோது 700 கிராம் கஞ்சா இருந்தது தெரியவந்தது. விசாரணையில் அவர் புதுசித்தாபுதூரை சேர்ந்த பன்னீர்செல்வம் (69) என்பதும், அவர் கல்லூரி மாணவர்களுக்கு கஞ்சா விற்றதும் தெரியவந்தது.

இதையடுத்து, அவரை போலீசார் கைது செய்தனர். மேலும் அவரிடம் இருந்து கஞ்சா மற்றும் ரூ.1,280 பறிமுதல் செய்யப்பட்டது.


தொடர்புடைய செய்திகள்

1. கவுந்தப்பாடி அருகே வேனில் மணல் கடத்திய 2 பேர் கைது தப்பி ஓடிய ஒருவருக்கு வலைவீச்சு
கவுந்தப்பாடி அருகே வேனில் மணல் கடத்திய 2 பேரை போலீசார் கைது செய்தனர். மேலும் தப்பி ஓடிய ஒருவரை வலைவீசி தேடி வருகிறார்கள்.
2. வளசரவாக்கத்தில் வீட்டில் போதை பொருள் பதுக்கிய 5 பேர் கைது
வளசரவாக்கத்தில் வீட்டில் போதை பொருள் பதுக்கி வைத்து இருந்த 5 பேரை போலீசார் கைது செய்தனர்.
3. கொதிகலனுக்குள் தொழிலாளியை தள்ளிவிட்ட சீன என்ஜினீயர் கைது
பாகிஸ்தான் தொழிற்சாலையில் கொதிகலனுக்குள் தொழிலாளியை தள்ளிவிட்ட சீன என்ஜினீயர் கைது செய்யப்பட்டார்.
4. அமெரிக்காவில் பரபரப்பு சம்பவம் : நடுவானில், விமானத்தில் சிறுமியுடன் உல்லாசம் - தொழிலதிபர் கைது
அமெரிக்காவின் நியூ ஜெர்சி மாகாணத்தை சேர்ந்த பிரபல தொழிலதிபர் ஸ்டீபன் பிராட்லே மெல் (வயது 53). தொண்டு நிறுவனம் ஒன்றை நடத்தி வரும் இவர் சொந்தமாக சில விமானங்களை வைத்துள்ளார்.
5. கன்டெய்னர் லாரியை கடத்தி ரூ.1½ கோடி செம்பு கம்பி கொள்ளை : 6 பேர் கும்பல் கைது
நவிமும்பையில் கன்டெய்னர் லாரியை கடத்தி ரூ.1½ கோடி மதிப்பிலான செம்பு கம்பிகளை கொள்ளையடித்த 6 பேர் கும்பலை போலீசார் கைது செய்தனர்.