பெங்களூரு விமான நிலையத்தில் ரூ.2 கோடி வெளிநாட்டு பணம் பறிமுதல் இந்தோனேசியாவை சேர்ந்தவர் கைது

பெங்களூரு,

பெங்களூரு கெம்பேகவுடா சர்வதேச விமான நிலையத்துக்கு வரும் பயணிகளிடம் வழக்கம்போல் சுங்கத்துறை மற்றும் வருவாய் நுண்ணறிவு பிரிவு அதிகாரிகள் தீவிர கண்காணிப்பு பணியில் ஈடுபட்டனர். அப்போது, பயணி ஒருவரின் உடைமையில் இருந்த ஆடைகளின் நடுவே வெளிநாட்டு பணம் மறைத்து வைத்து கடத்த முயன்றது தெரியவந்தது.


இதையடுத்து அந்த உடைமைகளின் உரிமையாளரான இந்தோனேசியாவை சேர்ந்த 56 வயது நிரம்பியவரை அதிகாரிகள் கைது செய்த னர். அவர் பெங்களூருவில் இருந்து பாங்காக்கிற்கு விமானத்தில் பயணிக்க முயன்றதும் தெரியவந்தது.

கைதானவரிடம் நடத்தப்பட்ட முதற்கட்ட விசாரணையில் வெளிநாட்டு பணம் குறித்து அவர் சரியாக பதில் அளிக்கவில்லை. இதனால் அவரிடம் தொடர்ந்து விசாரணை நடைபெற்று வருகிறது.