மாவட்ட செய்திகள்

கடம்பூர் அருகே போலீஸ் பாதுகாப்புடன் டாஸ்மாக் கடை அமைக்க முயற்சி எதிர்ப்பு தெரிவித்து பொதுமக்கள் காத்திருப்பு போராட்டம் + "||" + Try to set up shop with police protection Protest against civilians

கடம்பூர் அருகே போலீஸ் பாதுகாப்புடன் டாஸ்மாக் கடை அமைக்க முயற்சி எதிர்ப்பு தெரிவித்து பொதுமக்கள் காத்திருப்பு போராட்டம்

கடம்பூர் அருகே போலீஸ் பாதுகாப்புடன் டாஸ்மாக் கடை அமைக்க முயற்சி எதிர்ப்பு தெரிவித்து பொதுமக்கள் காத்திருப்பு போராட்டம்
கடம்பூர் அருகே போலீஸ் பாதுகாப்புடன் டாஸ்மாக் கடை அமைக்க முயற்சி நடந்தது. இதற்கு எதிர்ப்பு தெரிவித்து பொதுமக்கள் காத்திருப்பு போராட்டம் நடத்தினார்கள்.

டி.என்.பாளையம்,

சத்தியமங்கலத்தை அடுத்த கடம்பூர் பஸ் நிலையம் அருகில் டாஸ்மாக் கடை செயல்பட்டு வந்தது. இந்த கடைக்கு வரும் குடிமகன்களால் தொந்தரவு ஏற்பட்டதால் பொதுமக்கள் இந்த கடையை அகற்றக்கோரி போராட்டம் நடத்தி வந்தனர். இதையடுத்து அதிகாரிகள் பொதுமக்களை அழைத்து, டாஸ்மாக் கடை 20 நாட்களில் அகற்றப்படும் என்று உறுதி அளித்தனர். ஆனால் காலக்கெடு முடிந்தும் கடை அகற்றப்படவில்லை.

இதைத்தொடர்ந்து நேற்று முன்தினம் மதியம் அந்த பகுதியை சேர்ந்த பள்ளிக்கூட மாணவிகள் உள்பட 200–க்கும் மேற்பட்டோர் டாஸ்மாக் கடை முன்பு காத்திருக்கும் போராட்டத்தில் ஈடுபட்டனர். இதுபற்றிய தகவல் அறிந்ததும் பங்களாப்புதூர் போலீசார் அங்கு சென்று பொதுமக்களிடம் பேச்சுவார்த்தை நடத்தி கடையை அகற்றுவதாக உறுதி அளித்தனர். இதை ஏற்றுக்கொண்ட பொதுமக்கள் கலைந்து சென்றனர்.

ஆனால் இந்த டாஸ்மாக் கடை 2 கி.மீ தொலைவில் உள்ள ஜீவா நகரில் அமைக்க கட்டுமானப் பணிகள் நடைபெற்றது. இதை அறிந்த பொதுமக்கள் நேற்று முன்தினம் இரவு அங்கு சென்று கடை முன்பு உட்கார்ந்து காத்திருப்பு போராட்டம் நடத்தினர். நேற்று காலை வரை விடிய, விடிய இந்த போராட்டம் நடந்தது.

இந்த நிலையில் நேற்று போலீஸ் பாதுகாப்புடன் வந்து அங்கு டாஸ்மாக் கடை அமைக்க முயற்சி நடந்தது. இதையும் பொதுமக்கள் எதிர்த்தனர். இதைத்தொடர்ந்து பொதுமக்கள் மீண்டும் போராட்டத்தை தொடர்ந்தனர். மதியம் 2.30 மணி வரை போராட்டத்தில் ஈடுபட்டனர். இதுபற்றிய தகவல் அறிந்ததும் சத்தியமங்கலம் துணை போலீஸ் சூப்பிரண்டு சுப்பையா தலைமையில் டாஸ்மாக் தாசில்தார் சையது அமீது, பங்களாப்புதூர் போலீஸ் இன்ஸ்பெக்டர் நெப்போலியன் மற்றும் வருவாய்த்துறையினர் அங்கு சென்று பொதுமக்களிடம் பேச்சுவார்த்தை நடத்தினர். அப்போது அதிகாரிகள், ‘டாஸ்மாக் கடை அமைக்கப்படமாட்டாது’ என்று உறுதி அளித்தனர். இதையடுத்து பொதுமக்கள் அங்கிருந்து கலைந்து சென்றனர்.


தொடர்புடைய செய்திகள்

1. ராமேசுவரம் கோவில் ஊழியர்களின் சேமநல நிதியில் ரூ.78 லட்சம் கையாடல்; தற்காலிக ஊழியர் மீது போலீஸ் சூப்பிரண்டிடம் புகார்
ராமேசுவரம் கோவில் ஊழியர்களின் சேமநல நிதியில் ரூ.78 லட்சம் கையாடல் நடந்திருப்பது கண்டுபிடிக்கப்பட்டுள்ளது. இது குறித்து தற்காலிக ஊழியர் மீது போலீஸ் சூப்பிரண்டிடம் புகார் அளித்துள்ளனர்.
2. ஹைட்ரோகார்பன் திட்டத்தை ரத்து செய்யக்கோரி கடலூரில் அனைத்து கட்சியினர் மனித சங்கிலி போராட்டம்
ஹைட்ரோ கார்பன் திட்டத்தை ரத்து செய்யக்கோரி கடலூரில் தி.மு.க. கிழக்கு மாவட்ட செயலாளர் எம்.ஆர்.கே.பன்னீர்செல்வம் தலைமையில் மனிதசங்கிலி போராட்டம் நடைபெற்றது.
3. திருவெண்ணெய்நல்லூர் அருகே பரபரப்பு மணல் குவாரி அமைக்கும் பணியை தடுத்து நிறுத்தி 8 கிராம மக்கள் போராட்டம்
திருவெண்ணெய்நல்லூர் அருகே மணல் குவாரி அமைக்கும் பணியை தடுத்து நிறுத்தி 8 கிராம மக்கள் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.
4. சினிமா பாணியில் திருமணம் செய்த காதல் ஜோடி பாதுகாப்பு கேட்டு போலீஸ் சூப்பிரண்டு அலுவலகத்தில் மனு
திருப்பத்தூரில் அலைபாயுதே சினிமா பாணியில் திருமணம் செய்த காதல் ஜோடி, பாதுகாப்பு கேட்டு போலீஸ் சூப்பிரண்டு அலுவலகத்தில் நேற்று மனு கொடுத்தனர்.
5. சாலை போக்குவரத்து கழகத்தில் தனியார் மயத்தை கைவிடக்கோரி போராட்டம் ஊழியர்கள் சங்கம் முடிவு
தனியார் மயத்தை கைவிடக்கோரி கவன ஈர்ப்பு போராட்டங்கள் நடத்துவது என சாலை போக்குவரத்து கழக ஊழியர்கள் சங்கம் முடிவு செய்துள்ளது.

ஆசிரியரின் தேர்வுகள்...