மாவட்ட செய்திகள்

அரியலூர் மாவட்டத்தில் 87 வாக்குச்சாவடிகள் பதற்றமானவை கலெக்டர் விஜயலட்சுமி தகவல் + "||" + There are 87 polling stations in Ariyalur district, the Collector Vijayalakshmi informed

அரியலூர் மாவட்டத்தில் 87 வாக்குச்சாவடிகள் பதற்றமானவை கலெக்டர் விஜயலட்சுமி தகவல்

அரியலூர் மாவட்டத்தில் 87 வாக்குச்சாவடிகள் பதற்றமானவை கலெக்டர் விஜயலட்சுமி தகவல்
அரியலூர் மாவட்டத்தில் 87 வாக்குச்சாவடிகள் பதற்றமானவை என்று கலெக்டர் விஜயலட்சுமி தெரிவித்தார்.
அரியலூர்,

சிதம்பரம் (தனி) நாடாளுமன்ற தொகுதிக்கு நடைபெறவுள்ள தேர்தல் தொடர்பாகவும் அரியலூர், ஜெயங்கொண்டம், குன்னம், புவனகிரி, காட்டுமன்னார்கோவில் மற்றும் சிதம்பரம் ஆகிய சட்டமன்ற தொகுதிகளில் உள்ள உதவி தேர்தல் அலுவலர்களுக்கான ஆலோசனை கூட்டம் அரியலூர் மாவட்ட கலெக்டர் அலுவலகத்தில் நேற்று நடந்தது. இதற்கு அரியலூர் மாவட்ட கலெக்டரும், மாவட்ட தேர்தல் நடத்தும் அதிகாரியுமான விஜயலட்சுமி தலைமை தாங்கினார். சிதம்பரம் உதவி கலெக்டர் விசுமாஜன் முன்னிலை வகித்தார்.


கூட்டத்தில் கலெக்டர் விஜயலட்சுமி பேசியதாவது:-

மின்னணு வாக்குப்பதிவு எந்திரத்தில் வேட்பாளருக்கு நேரே அவரது புகைப்படம் இடம் பெற்றிருக்கும் என தேர்தல் ஆணையம் வெளியிட்டுள்ளது. சிதம்பரம் (தனி) நாடாளுமன்ற தொகுதியில் அரியலூர், ஜெயங்கொண்டம், குன்னம், காட்டுமன்னார்கோவில், புவனகிரி, சிதம்பரம் ஆகிய 6 சட்டமன்ற தொகுதிகள் இடம் பெற்றுள்ளன. அவற்றில் அரியலூர் மற்றும் ஜெயங்கொண்டம் சட்டமன்ற தொகுதிகளில் உள்ள 587 வாக்குச்சாவடிகளில், 87 வாக்குச்சாவடிகள் பதற்றமான வாக்குச்சாவடிகள், 3 வாக்குச்சவாடிகள் நெருக்கடியான வாக்குச்சாவடிகள் என கண்டறியப்பட்டுள்ளது.

தேர்தல் நடத்தை விதிமுறைகள் மீறப்பட்டது தொடர்பான புகார்களை அரியலூர் மாவட்ட கலெக்டர் அலுவலகத்தில் அமைக்கப்பட்டுள்ள தேர்தல் கட்டுப்பாட்டு அறைக்கு 04329-228605, 04329-228606, 04329-228607 என்ற தொலைபேசி எண்களில் பொதுமக்கள் தெரிவிக்கலாம். இவ்வாறு தெரிவிக்கப்படும் புகார்கள் உடனுக்குடன் பதிவு செய்யப்பட்டு, விசாரணைகளின் அடிப்படையில் உரிய நடவடிக்கைகள் மேற்கொள்ளப்படும்.

வாக்காளர்கள் வாக்காளர் பட்டியலிலுள்ள தங்களது விவரங்களை கட்டணமில்லா தொலைபேசி எண் 1950 மூலமாக சரிபார்த்துக்கொள்ளலாம். தேர்தல் நடத்தை விதிமுறைகளை கண்காணிக்க அரியலூர் மாவட்டத்தில் 6 பறக்கும் படைக்குழுக்கள், 6 நிலையான கண்காணிப்புக் குழுக்கள், 4 வீடியோ கண்காணிப்புக்குழுக்கள், 2 வீடியோ பார்வைக்குழுக்கள், 2 கணக்கு குழுக்கள் உள்ளிட்ட பல்வேறு குழுக்கள் அமைக்கப்பட்டுள்ளன.

இவ்வாறு அவர் பேசினார்.

இதில் மாவட்ட வருவாய் அதிகாரி பொற்கொடி, கலெக்டரின் நேர்முக உதவியாளர் (பொது) பரிதாபானு, கோட்டாட்சியர்கள் சத்தியநாராயணன் (அரியலூர்) ஜோதி (உடையார்பாளையம்), மாவட்ட வழங்கல் அதிகாரி (பொறுப்பு) மஞ்சுளா, மாவட்ட வழங்கல் அலுவலர் (புவனகிரி) வெற்றிவேல், உதவி ஆணையர் (கலால்) (காட்டுமன்னார்கோவில்) விஜயராகவன், தாசில்தர்கள், உதவி தாசில்தார்கள் கலந்து கொண்டனர். 

தொடர்புடைய செய்திகள்

1. விருத்தாசலம் சப்–கலெக்டர் அலுவலகத்தில் பெண் போலீசின் கணவர் தீக்குளிக்க முயற்சி
விருத்தாசலம் சப்–கலெக்டர் அலுவலகத்தில் பெண் போலீசின் கணவர் பெட்ரோல் ஊற்றி தீக்குளிக்க முயன்றார்.
2. தடையின்றி குடிநீர் வினியோகம் செய்வதை கள ஆய்வு செய்ய வேண்டும்; அதிகாரிகளுக்கு கலெக்டர் உத்தரவு
விழுப்புரம் மாவட்டத்தில் தடையின்றி குடிநீர் வினியோகம் செய்வதை அதிகாரிகள் கள ஆய்வு செய்து உறுதி செய்ய வேண்டும் என்று கலெக்டர் சுப்பிரமணியன் உத்தரவிட்டுள்ளார்.
3. மாணவ- மாணவிகளுக்கு 3 லட்சம் விலையில்லா பாட புத்தகங்கள் கலெக்டர் எஸ்.சிவராசு தகவல்
திருச்சி மாவட்டத்தில் மாணவ மாணவிகளுக்கு 3 லட்சத்து 10 ஆயிரத்து 984 விலையில்லா பாட புத்தகங்கள் வழங்கப்பட்டு வருகிறது என கலெக்டர் எஸ்.சிவராசு தெரிவித்து உள்ளார்.
4. ரத்ததானம் குறித்து பொதுமக்களுக்கு விழிப்புணர்வு ஏற்படுத்த அனைவரும் ஒருங்கிணைந்து செயல்பட வேண்டும் கலெக்டர் பேச்சு
ரத்ததானம் குறித்து பொதுமக்களுக்கு விழிப்புணர்வு ஏற்படுத்த அனைவரும் ஒருங்கிணைந்து செயல்பட வேண்டும் என கலெக்டர் ஆனந்த் கூறினார்.
5. பெரம்பலூர்- அரியலூர் மாவட்டங்களில் விவசாயிகள் நிதிஉதவி பெற விண்ணப்பிக்கலாம் கலெக்டர்கள் தகவல்
பெரம்பலூர்- அரியலூர் மாவட்டங்களில் விவசாயிகள் நிதிஉதவி பெற விண்ணப்பிக்கலாம் என்று மாவட்ட கலெக்டர்கள் தகவல் தெரிவித்துள்ளனர்.