மாவட்ட செய்திகள்

வருசநாடு அருகே, செங்குளம் கண்மாயில் ஆக்கிரமிப்பை அகற்ற வேண்டும் - விவசாயிகள் வலியுறுத்தல் + "||" + Near Varshanad, The occupation must be removed Sengulam kanma - Farmers assertion

வருசநாடு அருகே, செங்குளம் கண்மாயில் ஆக்கிரமிப்பை அகற்ற வேண்டும் - விவசாயிகள் வலியுறுத்தல்

வருசநாடு அருகே, செங்குளம் கண்மாயில் ஆக்கிரமிப்பை அகற்ற வேண்டும் - விவசாயிகள் வலியுறுத்தல்
வருசநாடு அருகே செங்குளம் கண்மாயில் ஏற்பட்டுள்ள ஆக்கிரமிப்பை அகற்ற வேண்டும் என்று விவசாயிகள் கோரிக்கை விடுத்துள்ளனர்.
கடமலைக்குண்டு,

வருசநாடு அருகே ஓட்டணை கிராமத்தில் சுமார் 69 ஏக்கர் பரப்பளவில் செங்குளம் கண்மாய் உள்ளது. இந்த கண்மாய்க்கு தங்கம்மாள்புரம் அருகே, மூலவைகை ஆற்றில் இருந்து வாய்க்கால் அமைக்கப்பட்டுள்ளது. மூலவைகை ஆற்றில் நீர்வரத்து உள்ள நாட்களில் கண்மாயில் தண்ணீர் நிரம்பும்.

ஓட்டணை, நரியூத்து, செங்குளம் உள்ளிட்ட கிராமங்களின் குடிநீர் மற்றும் பாசன வசதி ஆதாரமாக இந்த கண்மாய் திகழ்கிறது. கண்மாயில் மீன்களும் வளர்க்கப்படுகின்றன. இந்தநிலையில் கடந்த சில ஆண்டுகளாக கண்மாயில் பராமரிப்பு பணிகள் மேற்கொள்ளவில்லை. இதனால் கண்மாயை முட்செடிகள் ஆக்கிரமித்துள்ளன.

இதேபோல் கண்மாயின் நீர்ப்பிடிப்பு பகுதியை ஆக்கிரமித்து சிலர் விவசாயம் செய்து வருகின்றனர். இதன் காரணமாக நாளுக்குநாள் கண்மாயின் பரப்பு குறைந்து வருகிறது. மேலும் கண்மாய் தூர்வாரப்படவில்லை. இதனால் மூலவைகை ஆற்றில் நீர்வரத்து ஏற்பட்டு கண்மாய் நிரம்பினாலும், விரைவில் தண்ணீர் வற்றி விடுகிறது.

கண்மாயில் உள்ள ஆக்கிரமிப்பு மற்றும் முட்செடிகளை அகற்ற சம்பந்தப்பட்ட அதிகாரிகள் இதுவரை எந்த நடவடிக்கையும் எடுக்கப்படவில்லை. இதுமட்டுமின்றி செங்குளம் கண்மாயில், அனுமதியின்றி கரம்பை மண்ணை ஒரு கும்பல் அள்ளி செல்கின்றனர். இதன்காரணமாக கண்மாயில் பெரும்பாலான இடங்களில் பெரிய பள்ளங்கள் ஏற்பட்டுள்ளன.

மண் அள்ளுவோர் மீது நடவடிக்கை எடுக்க போலீசாரும், வருவாய்த்துறையினரும் நடவடிக்கை எடுக்கவில்லை என்ற குற்றச்சாட்டு எழுந்துள்ளது. எனவே கண்மாயில் கரம்பை மண் அள்ளுவோர் மீது நடவடிக்கை எடுக்க வேண்டும். கண்மாய் ஆக்கிரமிப்புகளை அகற்றி தூர்வார வேண்டும் என்று விவசாயிகள் கோரிக்கை விடுத்துள்ளனர்.

தொடர்புடைய செய்திகள்

1. சாத்தனூர் அணையை தூர்வார வேண்டும் குறைதீர்வு நாள் கூட்டத்தில் விவசாயிகள் கோரிக்கை
சாத்தனூர் அணையை தூர்வார வேண்டும் என்று குறைதீர்வு நாள் கூட்டத்தில் விவசாயிகள் கோரிக்கை விடுத்தனர்.
2. 8 வழிச்சாலை திட்டத்தை கைவிட சட்டசபையில் வலியுறுத்த வேண்டும் தி.மு.க. எம்.எல்.ஏ.விடம் விவசாயிகள் கோரிக்கை
8 வழிச்சாலை திட்டத்தை கைவிட சட்ட சபையில் வலியுறுத்த வேண்டும் என்று சேலத்தில் தி.மு.க. எம்.எல்.ஏ.விடம் விவசாயிகள் கோரிக்கை மனு அளித்தனர்.
3. உடுமலை அருகே குட்டையை ஆக்கிரமித்து தென்னை சாகுபடி; மீட்க வேண்டும் என்று விவசாயிகள் கோரிக்கை
உடுமலையை அடுத்த சின்னவாளவாடியில் குட்டைைய ஆக்கிரமித்து தென்னை சாகுபடி செய்யப்பட்டுள்ளது. எனவே அந்த குட்டையை மீட்கவேண்டும் என்று விவசாயிகள் கோரிக்கை விடுத்துள்ளனர்.
4. சர்க்கரை ஆலையில் ரூ.88½ கோடி மோசடி புகார், கடனில் இருந்து மீட்க வேண்டும் - கலெக்டரிடம், கரும்பு விவசாயிகள் கோரிக்கை
தனியார் சர்க்கரை ஆலைகளில் ரூ.88½ கோடி மோசடியால் பாதிக்கப்பட்ட விவசாயிகளை கடனில் இருந்து மீட்க நடவடிக்கை எடுக்க வேண்டும் என்று கலெக்டரிடம் கரும்பு விவசாயிகள் கோரிக்கை மனு கொடுத்தனர்.
5. வேலூர் மாவட்டத்தில் வறட்சியால் பாதிக்கப்பட்ட பயிர்களுக்கு இழப்பீடு வழங்க வேண்டும் விவசாயிகள் கோரிக்கை
வேலூர் மாவட்டத்தில் வறட்சியால் பாதிக்கப்பட்ட பயிர்களுக்கு இழப்பீடு வழங்க வேண்டும் என்று விவசாயிகள் மாவட்ட வருவாய் அலுவலரிடம் கோரிக்கை மனு அளித்தனர்.