மாவட்ட செய்திகள்

3 பேரை விடுவிக்கக்கோரி போலீஸ் நிலையம் முன்பு 4 பேர் தீக்குளிக்க முயற்சி + "||" + Before the police station 4 people tried to fire

3 பேரை விடுவிக்கக்கோரி போலீஸ் நிலையம் முன்பு 4 பேர் தீக்குளிக்க முயற்சி

3 பேரை விடுவிக்கக்கோரி போலீஸ் நிலையம் முன்பு 4 பேர் தீக்குளிக்க முயற்சி
சந்தேகத்தின் பேரில் கைது செய்த 3 பேரை விடுவிக்கக்கோரி போலீஸ் நிலையம் முன்பு 2 பெண்கள் உள்பட 4 பேர் தீக்குளிக்க முயன்றதால் தூசியில் பரபரப்பு ஏற்பட்டது.
தூசி,

வெம்பாக்கம் தாலுகா மாமண்டூர் கிராமத்தைச் சேர்ந்தவர் ஜெகன் (வயது 33), மணல் வியாபாரி. அதே பகுதியை சேர்ந்த சுரேஷ் (31), சின்ன வேளச்சேரி கிராமத்தை சேர்ந்த அய்யப்பன் (31) ஆகிய 3 பேரை நேற்று அதிகாலை தூசி போலீஸ் சப்-இன்ஸ்பெக்டர் பிரபு மற்றும் போலீசார் சந்தேகத்தின் பேரில் தூசி போலீஸ் நிலையத்திற்கு அழைத்து வந்தனர்.


வெகுநேரமாகியும் ஜெகன் வீட்டுக்கு வராததால் அவரது உறவினர்கள் மோகனாம்பாள், கிருஷ்ணவேணி, பாலமுரளி, தங்கதுரை ஆகியோர் நேற்று மாலை சுமார் 4 மணியளவில் சந்தேகத்தின் பேரில் பிடித்து வந்த ஜெகன் உள்ளிட்ட 3 பேரை விடுவிக்கக்கோரி தூசி போலீஸ் நிலையம் எதிரில் கோஷங்கள் எழுப்பி ஆர்ப்பாட்டத்தில் ஈடுபட்டனர்.

மேலும் அவர்கள் மண்எண்ணெய் ஊற்றி கொண்டு தீ வைத்துக் கொள்ள முயற்சித்தனர். அப்போது அங்கு இருந்த போலீசார் அவர்களை தடுத்து சமாதானப்படுத்தினர். இருப்பினும் 3 பேரையும் விடுவித்தால் தான் போராட்டத்தை கைவிடுவோம் என கூச்சலிட்டனர்.

இதுகுறித்து தகவலறிந்ததும் துணை போலீஸ் சூப்பிரண்டுகள் ஜேசுராஜ், தேவநாதன், இன்ஸ்பெக்டர் ரேகா, சப்-இன்ஸ்பெக்டர் பிரபு ஆகியோர் சம்பவ இடத்திற்கு வந்து போராட்டத்தில் ஈடுபட்டவர்களிடம் பேச்சுவார்த்தை நடத்தினர்.

மேலும் சந்தேகத்தின் பேரில் அழைத்து வந்தவர்கள் செய்யாறு உதவி கலெக்டர் முன்னிலையில் ஆஜர்படுத்த வேண்டும், எப்போது கூப்பிட்டாலும் 3 பேரும் வர வேண்டும் என்று அவரிடம் எழுதி வாங்கிக் கொண்டு பின்னர் மாலை சுமார் 6 மணியளவில் அவர்கள் 3 பேரையும் அனுப்பி வைத்தனர்.

இதனால் அப்பகுதியில் சிறிது நேரம் பரபரப்பு ஏற்பட்டது.

தொடர்புடைய செய்திகள்

1. அடுத்தடுத்து 2 பேர் தீக்குளிக்க முயற்சி; கலெக்டர் அலுவலகத்தில் பரபரப்பு
சிவகங்கையில் கலெக்டர் அலுவலகத்தில் அடுத்தடுத்து 2 பேர் தீக்குளிக்க முயன்றதால் பரபரப்பு ஏற்பட்டது.
2. கிருஷ்ணகிரி கலெக்டர் அலுவலகத்தில் 2 மகன்களுடன், தாய் தீக்குளிக்க முயற்சி
பணம் வாங்கி ஏமாற்றியவர்கள் மீது நடவடிக்கை எடுக்க கோரி கிருஷ்ணகிரி கலெக்டர் அலுவலகத்தில் 2 மகன்களுடன், தாய் தீக்குளிக்க முயன்றார்.
3. நிலத்தை மீட்டு தர கோரி ஓட்டல் உரிமையாளர் குடும்பத்துடன் தீக்குளிக்க முயற்சி கலெக்டர் அலுவலகம் முன்பு பரபரப்பு
நிலத்தை மீட்டு தர கோரி சேலம் கலெக்டர் அலுவலகம் முன்பு ஓட்டல் உரிமையாளர் குடும்பத்துடன் தீக்குளிக்க முயன்ற சம்பவம் பரபரப்பை ஏற்படுத்தியது.