மாவட்ட செய்திகள்

ராமநாதபுரம் மாவட்டத்தில் கமுதி உள்பட பல்வேறு பகுதிகளில் பறக்கும்படையினர் சோதனை + "||" + Ramanathapuram district Flying soldiers check

ராமநாதபுரம் மாவட்டத்தில் கமுதி உள்பட பல்வேறு பகுதிகளில் பறக்கும்படையினர் சோதனை

ராமநாதபுரம் மாவட்டத்தில் கமுதி உள்பட பல்வேறு பகுதிகளில் பறக்கும்படையினர் சோதனை
ராமநாதபுரம் மாவட்டத்தில் கமுதி உள்ளிட்ட பல்வேறு பகுதிகளில் பறக்கும்படையினர் சோதனை செய்து முறையான ஆவணங்கள் இன்றி கொண்டு வந்த பணத்தை பறிமுதல் செய்தனர்.

கமுதி,

கமுதி அருகே கோட்டைமேடு பகுதியில் தேர்தல் பறக்கும் படை அலுவலர் பழனிக்குமார் தலைமையில் சிறப்பு சப்–இன்ஸ்பெக்டர் செல்லப்பாண்டியன் மற்றும் போலீசார் ரோந்து பணியில் ஈடுபட்டனர். அப்போது தனியார் நிதி நிறுவனத்தில் பணியாற்றி வரும் பரமக்குடி அருகே கீழப்பெருங்கரையை சேர்ந்த மலைச்சாமி மகன் பாலமுருகன் மோட்டார் சைக்கிளில் ரூ.62 ஆயிரம் எடுத்து வந்தார். உரிய ஆவணங்கள் இல்லாததால் அந்த பணத்தை தேர்தல் பறக்கும் படையினர் பறிமுதல் செய்தனர்.

திருவாடானை சட்டமன்ற தொகுதிக்கு உட்பட்ட நாடாளுமன்ற தேர்தல் பறக்கும் படை அதிகாரி ராமசாமி தலைமையிலான அலுவலர்கள் குழுவினர் எஸ்.பி.பட்டினம் சோதனைச் சாவடியில் வாகன சோதனை நடத்தினர். அப்போது அந்த வழியாக சென்ற சரக்கு வாகனத்தை சோதனையிட்டதில் புதுக்கோட்டை மாவட்டம் மணமேல்குடியை சேர்ந்த முத்துவேல் என்பவர் உரிய ஆவணங்கள் இல்லாமல் ரூ.1 லட்சத்து 20 ஆயிரம் எடுத்து வந்தது தெரியவந்தது. இதையடுத்து அந்த பணத்தை அதிகாரிகள் கைப்பற்றி மாவட்ட கருவூலத்தில் ஒப்படைத்தனர். இதேபோல பறக்கும்படை அதிகாரி ராஜேந்திரன் தலைமையிலான அலுவலர்கள் சி.கே.மங்கலத்தில் தீவிர வாகன சோதனையில் ஈடுபட்ட போது காரைக்குடியை சேர்ந்த செந்தில்குமார் என்பவரிடமிருந்து ரூ.54 ஆயிரத்தை கைப்பற்றினர்.

சாயல்குடியை அடுத்த புல்லத்தை விலக்கு சாலையில் தேர்தல் பறக்கும் படையினர் வாகன சோதனையில் ஈடுபட்டிருந்தனர். அப்போது ஆத்திராவை சேர்ந்த ரத்தினமையா என்பவர் முறையான ஆவணங்கள் இல்லாமல் ரூ. 1 லட்சத்து 4 ஆயிரம் கொண்டு வந்தது கண்டுபிடிக்கப்பட்டது. அதைத்தொடர்ந்து அவரிடம் இருந்து பணத்தை தேர்தல் பறக்கும் படையினர் பறிமுதல் செய்தனர்.

பரமக்குடி தாலுகா போகலூர் யூனியன் சத்திரக்குடியில் தேர்தல் பறக்கும் படையினர் வாகன சோதனையில் ஈடுபட்டனர். அப்போது மதுரையில் இருந்து ராமநாதபுரம் நோக்கி வந்த ராவுத்தர் கனி (வயது 30) என்பவரது காரை நிறுத்தி சோதனை செய்தனர். அதில் உரிய ஆவணங்கள் இல்லாமல் ரூ.1 லட்சத்து 2 ஆயிரம் எடுத்து வரப்பட்டது கண்டுபிடிக்கப்பட்டது. அதனை தொடர்ந்து அந்த பணத்தை பறக்கும் படையினர் பறிமுதல் செய்து கலெக்டரிடம் ஒப்படைத்தனர்.


தொடர்புடைய செய்திகள்

1. நாளை நாடாளுமன்ற தேர்தல்: தமிழக– கர்நாடக எல்லையில் தீவிர வாகன சோதனை
நாளை நாடாளுமன்ற தேர்தல் நடைபெறுவதையொட்டி தமிழக–கர்நாடக எல்லையில் தீவிர வாகன சோதனை நடத்தப்பட்டு வருகிறது.
2. வாகன சோதனையில் ரூ.6 லட்சம் பணம், பொருட்கள் பறிமுதல்
ராமநாதபுரம் மாவட்டத்தில் வாகன சோதனையில் ரூ.6 லட்சம் பணம்,பொருட்கள் பறிமுதல் செய்யப்பட்டன.
3. திருக்கோவிலூர் பகுதியில் வாகன சோதனை: தி.மு.க. பிரமுகர் உள்பட 3 பேரிடம் ரூ.28½ லட்சம் பறிமுதல் பறக்கும் படையினர் நடவடிக்கை
திருக்கோவிலூர் பகுதியில் தேர்தல் பறக்கும் படையினர் மேற்கொண்ட வாகன சோதனையில் தி.மு.க. பிரமுகர் உள்பட 3 பேரிடம் ரூ.28½ லட்சம் பறிமுதல் செய்யப்பட்டது.
4. 24 மணிநேர குடிநீர் வினியோக திட்டதுக்கு குடிநீர் குழாய்களை மீண்டும் பயன்படுத்த முடியுமா? நவீன தொழில்நுட்பத்தில் பரிசோதனை
கோவை நகரில் 24 மணிநேர குடிநீர் வினியோக திட்டத்துக்கு ஏற்கனவே பதிக்கப்பட்டுள்ள குடிநீர் குழாய்களை மீண்டும் பயன்படுத்த முடியுமா? என்பது குறித்து பிரான்ஸ் நாட்டு நவீன தொழில்நுட்பத்தை பயன்படுத்தி பரிசோதனை செய்யப்படுகிறது.
5. பெங்களூருவில் பரப்பன அக்ரஹாரா சிறையில் போலீசார் திடீர் சோதனை
பெங்களூரு பரப்பன அக்ரஹாரா சிறையில் போலீசார் திடீர் சோதனை நடத்தினார்கள். இந்த சோதனையின் போது செல்போன்கள், கஞ்சா மற்றும் ஆயுதங்கள் சிக்கின. இதனால் பரபரப்பு ஏற்பட்டுள்ளது.