மாவட்ட செய்திகள்

ஸ்ரீவில்லிபுத்தூர் அருகே, தீயணைப்புத்துறை அலுவலர் வீட்டில் 30 பவுன் நகை, ரூ.2 லட்சம் கொள்ளை - கதவை உடைத்து துணிகரம் + "||" + Fire Officer at home 30 pounds jewelery, Rs 2 lakh robbery

ஸ்ரீவில்லிபுத்தூர் அருகே, தீயணைப்புத்துறை அலுவலர் வீட்டில் 30 பவுன் நகை, ரூ.2 லட்சம் கொள்ளை - கதவை உடைத்து துணிகரம்

ஸ்ரீவில்லிபுத்தூர் அருகே, தீயணைப்புத்துறை அலுவலர் வீட்டில் 30 பவுன் நகை, ரூ.2 லட்சம் கொள்ளை - கதவை உடைத்து துணிகரம்
தீயணைப்புத்துறை அலுவலர் வீட்டின் கதவை உடைத்து 30 பவுன் நகை, ரூ.2 லட்சம் கொள்ளையடிக்கப்பட்டுள்ளது.
ஸ்ரீவில்லிபுத்தூர்,

விருதுநகர் மாவட்டம் ஸ்ரீவில்லிபுத்தூர் அருகே வன்னியம்பட்டியில் வீட்டு வசதி வாரிய குடியிருப்பு உள்ளது. இங்கு வசித்து வருபவர் வீரராஜ் (வயது45). இவர் விருதுநகர் அருகே உள்ள கள்ளிக்குடி தீயணைப்பு நிலையத்தில் அலுவலராக பணியாற்றி வருகிறார். இவர் நேற்று முன்தினம் பணிக்கு சென்றதையடுத்து அவரது மனைவி சங்கீதா இரவு 10 மணிக்கு வீட்டை பூட்டி விட்டு அருகிலுள்ள உறவினர் வீட்டில் தங்கியுள்ளார்.

நேற்று காலை வீட்டுக்கு வந்து பார்த்த போது வீட்டின் முன்புற கதவு உடைக்கப்பட்டு இருப்பதை கண்டு அதிர்ச்சி அடைந்தார். உள்ளே சென்று பார்த்தபோது பீரோவை உடைத்து அதில் இருந்த 30 பவுன் நகை, ரூ.2 லட்சம் ஆகியவை கொள்ளையடிக்கப்பட்டு இருப்பது தெரியவந்தது.

இந்த சம்பவம் பற்றி வன்னியம்பட்டி போலீஸ் நிலையத்தில் புகார் கொடுக்கப்பட்டது. இதுபற்றி தகவல் கிடைத்ததும் துணை போலீஸ் சூப்பிரண்டு ராஜா, இன்ஸ்பெக்டர் முருகன் மற்றும் குற்றப்பிரிவு போலீசார் கொள்ளை நடந்த வீட்டை பார்வையிட்டு விசாரணை நடத்தினர். மேலும் தடயவியல் துறை நிபுணர்கள் வந்து தடயங்களை சேகரித்தனர்.

வீட்டு வசதி வாரிய குடியிருப்பில் அடுத்தடுத்து வீடுகள் உள்ள நிலையில் அங்கு கொள்ளை நடந்திருப்பது பரபரப்பை ஏற்படுத்தி உள்ளது.

தொடர்புடைய செய்திகள்

1. தஞ்சையில் துணிகரம்: ஸ்கூட்டரில் தாயுடன் சென்ற பெண்ணிடம் நகை பறிப்பு
தஞ்சையில் ஸ்கூட்டரில் தாயுடன் சென்ற பெண்ணிடம் நகையை பறித்துச்சென்ற 2 மர்ம நபர்களை போலீசார் வலைவீசி தேடி வருகிறார்கள்.
2. துறையூர் அருகே வீட்டின் பூட்டை உடைத்து 25 பவுன் நகை திருட்டு
துறையூர் அருகே வீட்டின் பூட்டை உடைத்து 25 பவுன் நகையை திருடிய மர்ம நபர்களை போலீசார் வலைவீசி தேடி வருகிறார்கள்.
3. ராயக்கோட்டை அருகே பூசாரி குடும்பத்தினரை கத்தியை காட்டி மிரட்டி நகை, பணம் கொள்ளை 6 பேருக்கு போலீசார் வலைவீச்சு
ராயக்கோட்டை அருகே பூசாரி குடும்பத்தினரை கத்தியை காட்டி மிரட்டி நகை, பணத்தை கொள்ளையடித்து சென்றனர். இதில் ஈடுபட்ட 6 பேரை போலீசார் வலைவீசி தேடி வருகிறார்கள்.
4. வேலூரில் சப்-இன்ஸ்பெக்டர் வீட்டில் நகை, பணம் திருட்டு போலீஸ் நிலையம் அருகிலேயே துணிகரம்
வேலூரில் போலீஸ் நிலையம் அருகிலேயே சப்-இன்ஸ்பெக்டர் வீட்டில் நகை, பணத்தை திருடிச் சென்று விட்ட னர். இதுகுறித்து போலீ சார் விசாரணை நடத்தி வருகின்றனர்.
5. சத்திரப்பட்டியில், வீடுகளின் பூட்டை உடைத்து 8 பவுன் நகை, ரூ.55 ஆயிரம் திருட்டு, இ- சேவை மையத்திலும் மர்ம நபர்கள் கைவரிசை
சத்திரப்பட்டியில், வீடுகளின் பூட்டை உடைத்து உள்ளே புகுந்த மர்ம நபர்கள் பீரோக்களில் இருந்த 8 பவுன் நகை, ரூ.55 ஆயிரத்தை திருடிச்சென்றனர். மேலும் அப்பகுதியில் உள்ள இ- சேவை மையத்திலும் அவர்கள் கைவரிசை காட்டிச்சென்றுள்ளனர். இதுகுறித்து போலீஸ் தரப்பில் கூறப்படுவதாவது:-