மாவட்ட செய்திகள்

தொழிலாளியை மதுபாட்டிலால் குத்திய வாலிபருக்கு 5 ஆண்டு சிறை + "||" + 5 year jail for a young man who was hired by a bottle of worker

தொழிலாளியை மதுபாட்டிலால் குத்திய வாலிபருக்கு 5 ஆண்டு சிறை

தொழிலாளியை மதுபாட்டிலால் குத்திய வாலிபருக்கு 5 ஆண்டு சிறை
பல்லடத்தில் தொழிலாளியை மதுபாட்டிலால் குத்திய வாலிபருக்கு 5 ஆண்டு சிறை தண்டனை விதித்து பல்லடம் சார்பு நீதிமன்றத்தில் தீர்ப்பு கூறப்பட்டது.
பல்லடம்,

பல்லடம் அருள்புரம் செந்தூரான் காலனி, மணிகாம்பவுண்டை சேர்ந்தவர் ராஜாராம் (வயது22). இவர் அங்குள்ள ஒரு பனியன் நிறுவனத்தில் தொழிலாளியாக வேலை பார்த்து வருகிறார். கடந்த 6.5.2012 அன்று ராஜாராம் மற்றும் அவரது நண்பர்கள் மணிகாம்பவுண்டில் நின்று பேசிக்கொண்டிருந்தனர்.


அப்போது அந்த காலனியின் பக்கத்தில் உள்ள எம்.எம்.எஸ்.காம்பவுண்டை சேர்ந்த அலெக்ஸ் (30) அங்கு வந்துள்ளார். ராஜாராம் அலெக்சிடம் இங்கு எதற்கு வந்தாய் என்று கேட்டுள்ளார். இதனால் அவர்கள் இருவருக்கும் இடையே வாய்த்தகராறு ஏற்பட்டு மோதலாக மாறியது. இதில் ஆத்திரம் அடைந்த அலெக்ஸ் அருகில் கிடந்த மதுபாட்டிலை எடுத்து உடைத்து ராஜாராமை சரமாரியாக குத்தியுள்ளார்.

இதில் ராஜாராமிற்கு இடது கை, இடது வயிறு, புருவம் ஆகியவற்றில் பலத்த காயம் ஏற்பட்டது. உடனடியாக அவர் பல்லடம் அரசு மருத்துவமனையில் சேர்க்கப்பட்டு முதலுதவி சிகிச்சை பெற்றார். பின்னர் மேல் சிகிச்சைக்காக கோவையில் உள்ள அரசு மருத்துவமனையில் சேர்க்கப்பட்டு தீவிர சிகிச்சை பெற்றார்.

இதுகுறித்து ராஜாராம் அளித்த புகாரின் பேரில் பல்லடம் போலீசார் வழக்குப் பதிவு செய்து அலெக்சை கைது செய்தனர். இதுகுறித்த வழக்கு பல்லடம் சார்பு நீதிமன்றத்தில் நடைபெற்று வந்தது. வழக்கை விசாரித்த நீதிபதி மீனாசந்திரா, அலெக்சுக்கு 5 ஆண்டு சிறை தண்டனையும், ரூ.1000 அபராதமும் விதித்து தீர்ப்பு கூறினார். இந்த வழக்கில் அரசு தரப்பில் வக்கீல் பொன்னுசாமி ஆஜராகி வாதாடினார். அலெக்ஸ் தற்போது ஜாமீனில் வெளியே வந்து வால்பாறையில் உள்ள ஒரு எஸ்டேட்டில் வேலை பார்த்து வருகிறார் என்பது குறிப்பிடத்தக்கது.

தொடர்புடைய செய்திகள்

1. தர்மபுரியில், அமைப்புசாரா தொழிலாளர்கள் மனு கொடுக்கும் போராட்டம்
தர்மபுரியில் கட்டு மானம் மற்றும் அமைப்புசாரா தொழிலாளர்கள் கோரிக்கைகளை வலியுறுத்தி மனு கொடுக்கும் போராட்டத்தில் ஈடுபட்டனர்.
2. ஆவின் பால் விற்பனை கமிஷன் தொகையை உயர்த்தி தர வேண்டும் - பொதுமேலாளரிடம், முகவர்கள் நலச்சங்கத்தினர் மனு
ஆவின் பால் விற்பனை கமிஷன் தொகையை உயர்த்தி தர வேண்டும் என்று பால் முகவர்கள் ஆவின் பொதுமேலாளரிடம் மனு அளித்தனர்.
3. கறம்பக்குடி ஊராட்சி ஒன்றிய அலுவலகத்தில் 100 நாள் வேலை கேட்டு மனு கொடுக்கும் போராட்டம்
கறம்பக்குடி ஊராட்சி ஒன்றிய அலுவலகத்தில் 100 நாள் வேலை கேட்டு மனுக்கொடுக்கும் போராட்டம் நடைபெற்றது. இதில் கலந்து கொள்ள நூற்றுக்கணக்கான பெண்கள் திரண்டதால் பரபரப்பு ஏற்பட்டது.
4. மருத்துவ சேர்க்கை கவுன்சிலிங்கில் பங்கேற்க அனுமதி கோரிய மாற்றுத்திறனாளி மாணவியின் மனு ஐகோர்ட்டில் தள்ளுபடி
மருத்துவ சேர்க்கை கவுன்சிலிங்கில் பங்கேற்க அனுமதி கோரிய மாற்றுத்திறனாளி மாணவியின் மனுவை ஐகோர்ட் தள்ளுபடி செய்துள்ளது.
5. ஐம்பொன் சிலை மாயமான வழக்கை கடத்தல் தடுப்பு பிரிவிடம் ஒப்படைக்க வேண்டும் கலெக்டரிடம், இந்து முன்னணியினர் மனு
கொட்டாரத்தில் ஐம்பொன் சிலை மாயமான வழக்கை சிலை கடத்தல் தடுப்பு பிரிவிடம் ஒப்படைக்க வேண்டும் என்று கோரி கலெக்டர் பிரசாந்த் வடநேரேவிடம் இந்து முன்னணியினர் மனு அளித்தனர்.