மாவட்ட செய்திகள்

பூதப்பாண்டி அருகே பரிதாபம் தொழிலாளி தற்கொலை போலீசார் விசாரணை + "||" + Pleading worker near Boathapandy Suicide police investigate

பூதப்பாண்டி அருகே பரிதாபம் தொழிலாளி தற்கொலை போலீசார் விசாரணை

பூதப்பாண்டி அருகே பரிதாபம் தொழிலாளி தற்கொலை போலீசார் விசாரணை
பூதப்பாண்டி அருகே தொழிலாளி தற்கொலை செய்து கொண்டார். இதுதொடர்பாக போலீசார் விசாரணை நடத்தினர்.
பூதப்பாண்டி,

பூதப்பாண்டி அருகே தடிக்காரன்கோணம் காமராஜர் நகர் பகுதியை சேர்ந்தவர் முருகன் (வயது 42), தொழிலாளி. இவருக்கு கவிதா(39) என்ற மனைவியும், ஒரு மகனும் உள்ளனர்.

சம்பவத்தன்று செல்போன் ரீசார்ஜ் செய்வது தொடர்பாக கணவன்-மனைவி இடையே தகராறு ஏற்பட்டது. அப்போது, முருகன் மனைவியை தாக்கி விட்டு வெளியே சென்றார். பின்னர் அவர் வீடு திரும்பவில்லை. இதுகுறித்து கவிதா கீரிப்பாறை போலீசில் புகார் செய்தார். அதன்பேரில் போலீசார் வழக்குப்பதிவு செய்து மாயமான முருகனை தேடி வந்தனர்.


இந்தநிலையில் நேற்று முன்தினம் அழகியபாண்டியபுரம் வன ஊழியர்கள் சைபன் பாலம் கடுக்கன்திட்டை பகுதியில் ரோந்து சென்றனர்.

அப்போது வனபகுதியில் உள்ள ஒரு மரத்தின் அருகில் அழுகிய நிலையில் ஆண் பிணம் கிடப்பதை கண்டனர். இதுகுறித்து பூதப்பாண்டி போலீசாருக்கு தகவல் தெரிவித்தனர். இன்ஸ்பெக்டர் அங்கையர்கண்ணி மற்றும் போலீசார் சம்பவ இடத்துக்கு சென்று பிணத்தை மீட்டு பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தார். மேலும், இதுகுறித்து விசாரணை நடத்தினார்.

விசாரணையில் பிணமாக கிடந்தவர் முருகன் என்பதும், குடும்ப தகராறு காரணமாக வீட்டை விட்டு வெளியேறி மரத்தில் தூக்குபோட்டு தற்கொலை செய்து கொண்டதும், உடல் அழுகியதால் மரத்தில் இருந்து அறுந்து விழுந்ததும் தெரியவந்தது. இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. கீரிப்பாறை எஸ்டேட்டில் நாட்டு வெடிகுண்டு வெடித்து காவலாளி சாவு போலீஸ் விசாரணை
கீரிப்பாறையில் எஸ்டேட்டில் நாட்டு வெடிகுண்டு வெடித்து காவலாளி பரிதாபமாக இறந்தார்.
2. மாணவி அனிதா தற்கொலை குறித்த விசாரணையை விலக்கி கொள்ள ஆணையத்தில் பெற்றோர்கள் மனு
அரியலூர் மாணவி அனிதாவின் தற்கொலை தொடர்பான விசாரணையை விலக்கிக் கொள்ள வேண்டும் என அவரது பெற்றோர்கள் ஆணையத்தில் மனு அளித்து உள்ளனர் என இந்திய தேசிய ஆதிதிராவிடர் ஆணையத்தின் துணை தலைவர் முருகன் கூறினார்.
3. அஜித் பவார் மீதான விசாரணைக்கு தடை இல்லை - கூட்டுறவு வங்கி ஊழலில் சுப்ரீம் கோர்ட்டு உத்தரவு
மராட்டிய முன்னாள் துணை முதல்-மந்திரி அஜித் பவார் மீதான விசாரணைக்கு தடை இல்லை என கூட்டுறவு வங்கி ஊழல் வழக்கில் சுப்ரீம் கோர்ட்டு உத்தரவிட்டுள்ளது.
4. அரவக்குறிச்சி அருகே பாலத்தின் தடுப்பு சுவரில் கார் மோதி ஆடிட்டர் பலி போலீசார் விசாரணை
அரவக்குறிச்சி அருகே பாலத்தின் தடுப்பு சுவரில் கார் மோதிய விபத்தில் ஆடிட்டர் பரிதாபமாக இறந்தார். இதுகுறித்து போலீசார் விசாரணை நடத்தி வருகின்றனர்.
5. தொழிலதிபர் வீட்டின் பூட்டை உடைத்து 10 பவுன் நகை- ரூ.1 லட்சம் கொள்ளை மர்ம நபர்களுக்கு போலீசார் வலைவீச்சு
மாத்தூர் அருகே தொழிலதிபர் வீட்டின் பூட்டை உடைத்து 10 பவுன் நகை, ரூ.1 லட்சம் பணத்தை கொள்ளையடித்து சென்ற மர்ம நபர்களை போலீசார் வலைவீசி தேடி வருகின்றனர்.

அதிகம் வாசிக்கப்பட்டவை